'ಊಬರ್‌ ಈಟ್ಸ್‌' ಸ್ವಾಧೀನ ಪಡಿಸಿಕೊಂಡ 'ಜೊಮ್ಯಾಟೊ'; ₹2,500 ಕೋಟಿ ವ್ಯವಹಾರ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಇದ್ದಲ್ಲಿಗೆ ಬಯಸಿದ ತಿಂಡಿ–ತಿನಿಸು ತಂದು ಕೊಡುವ ಸೇವೆ ಒದಗಿಸುತ್ತಿರುವ 'ಜೊಮ್ಯಾಟೊ' ಕಂಪನಿಯು ಪ್ರತಿಸ್ಪರ್ಧಿ 'ಊಬರ್‌ ಈಟ್ಸ್‌' ವ್ಯವಹಾರವನ್ನು ಸ್ವಾಧೀನ ಪಡಿಸಿಕೊಂಡಿದೆ.
ಭಾರತದಲ್ಲಿ ಊಬರ್‌ ಈಟ್ಸ್‌ನ ಪೂರ್ಣ ವ್ಯವಹಾರವನ್ನು ಗುರುಗ್ರಾಮ ಮೂಲದ ಜೊಮ್ಯಾಟೊ ಸ್ವಾಧೀನ ಪಡಿಸಿಕೊಂಡಿದೆ. 350 ಮಿಲಿಯನ್‌ ಡಾಲರ್‌ಗಳಿಗೆ (₹2,500 ಕೋಟಿ) ಸ್ವಾಧೀನ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಒಪ್ಪಂದದ ಪ್ರಕಾರ, ಊಬರ್‌ ಶೇ 10ರಷ್ಟು ಪಾಲುದಾರಿಕೆ (ಷೇರು) ಹೊಂದಿರಲಿದೆ.
ಫುಡ್‌ ಡೆಲಿವರಿ ಆ್ಯಪ್‌ ಊಬರ್‌ ಈಟ್ಸ್‌ ಇನ್ನು ಮುಂದೆ ಪ್ರತ್ಯೇಕವಾಗಿ ಕಾರ್ಯನಿರ್ವಹಿಸುವುದಿಲ್ಲ. ಈಗಾಗಲೇ ಊಬರ್‌ ಈಟ್ಸ್‌ ಬಳಸುತ್ತಿರುವ ಗ್ರಾಹಕರಿಗೆ ಜೊಮ್ಯಾಟೊ ಅಪ್ಲಿಕೇಷನ್‌ಗೆ ನಿರ್ದೇಶಿಸಲ್ಪಡುತ್ತದೆ.
We entered food delivery in India in 2017 and today is when our journey takes a different route. Zomato has acquired Uber Eats in India and we'll no longer be available here with immediate effect. We wish all our users more good times with great food on the road ahead pic.twitter.com/WEbJNaJY8M
— Uber Eats India (@UberEats_IND) January 21, 2020
ಪ್ರಸ್ತುತ ಊಬರ್‌ ಈಟ್ಸ್‌ಗಾಗಿ ಕಾರ್ಯನಿರ್ವಹಿಸುತ್ತಿರುವ ಎಕ್ಸಿಕ್ಯುಟಿವ್‌ಗಳನ್ನು ಮುಂದುವರಿಸುವ ಒಪ್ಪಂದ ಜೊಮ್ಯಾಟೊ ಮಾಡಿಕೊಂಡಿಲ್ಲ. ಸುಮಾರು 100 ಮಂದಿ ಎಕ್ಸಿಕ್ಯುಟಿವ್‌ಗಳನ್ನು ಊಬರ್‌ ಈಟ್ಸ್‌ ಕೆಲಸದಿಂದ ತೆಗೆದು ಹಾಕಬಹುದು ಅಥವಾ ಊಬರ್‌ನ ಇತರೆ ವ್ಯವಹಾರ ಕ್ಷೇತ್ರಗಳಲ್ಲಿ ಮುಂದುವರಿಸಬಹುದಾಗಿದೆ.
'ಭಾರತದ 500ಕ್ಕೂ ಹೆಚ್ಚು ನಗರಗಳಲ್ಲಿ ಫುಡ್‌ ಡೆಲಿವರಿ ವ್ಯವಹಾರವನ್ನು ವಿಸ್ತರಿಸಿರುವ ಜೊಮ್ಯಾಟೊ, ಊಬರ್‌ ಈಟ್ಸ್‌ ಸ್ವಾಧೀನ ಪಡಿಸಿಕೊಳ್ಳುವ ಮೂಲಕ ತನ್ನ ಸ್ಥಾನವನ್ನು ಮತ್ತಷ್ಟು ಗಟ್ಟಿಪಡಿಸಿಕೊಂಡಿದೆ' ಎಂದು ಜೊಮ್ಯಾಟೊ ಸಂಸ್ಥಾಪಕ ಮತ್ತು ಸಿಇಒ ದೀಪಿಂದರ್‌ ಗೋಯಲ್‌ ಹೇಳಿದ್ದಾರೆ.
Uber Eats India is now Zomato. Here's to better food for more people, and new beginnings.
— Deepinder Goyal (@deepigoyal) January 21, 2020
For more details: https://t.co/cq8Wp9ikOk pic.twitter.com/nK4ICY2ikW
ಕ್ಯಾಬ್‌, ಟ್ಯಾಕ್ಸಿ ಸೇವೆಯಲ್ಲಿ ಓಲಾಗೆ ಪ್ರತಿಸ್ಪರ್ಧಿಯಾಗಿರುವ ಊಬರ್‌ ಭಾರತದಲ್ಲಿ ಮೊಬೈಲ್‌ ಆ್ಯಪ್‌ ಆಧಾರಿತ ಸೇವೆ ಮುಂದುವರಿಸುತ್ತಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
