ಗುರುವಾರ , ಏಪ್ರಿಲ್ 9, 2020
19 °C

ರಿಲಯನ್ಸ್‌ ಷೇರು ಶೇ 13 ಕುಸಿತ: ಒಂದೇ ದಿನ ಕರಗಿತು ₹1.08 ಲಕ್ಷ ಕೋಟಿ 

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌

ಬೆಂಗಳೂರು: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ದರ ಇಳಿಕೆಯಾಗಿದ್ದು, ಅದರ ಪರಿಣಾಮ ಕಚ್ಚಾ ತೈಲ ಶೋಧ ಮತ್ತು ಸಂಸ್ಕರಣೆ ನಡೆಸುವ ಕಂಪನಿಗಳ ಷೇರುಗಳು ಮಹಾ ಕುಸಿತಕ್ಕೆ ಒಳಗಾಗಿವೆ. ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ ಷೇರು ಶೇ 12 ಮತ್ತು ಒಎನ್‌ಜಿಸಿ ಷೇರು ಶೇ 15ರಷ್ಟು ಇಳಿಮುಖವಾಗಿವೆ. 

ಜಾಮ್‌ನಗರದಲ್ಲಿ ಜಗತ್ತಿನ ಅತಿ ದೊಡ್ಡ ಕಚ್ಚಾ ತೈಲ ಶುದ್ಧೀಕರಣ ಘಟಕ ಮತ್ತು ಕೃಷ್ಣ ಗೋದಾವರಿ ತೀರದಲ್ಲಿ  KG-D6 ಅನಿಲ ಶೋಧ ಘಟಕಗಳನ್ನು ಹೊಂದಿರುವ ರಿಲಯನ್ಸ್‌ ಇಂಡಸ್ಟ್ರೀಸ್‌ ಷೇರು ಸೋಮವಾರ ಶೇ 13.02ರಷ್ಟು ಇಳಿಕೆ ಕಂಡಿತು. ಕಳೆದ 10 ವರ್ಷಗಳಲ್ಲಿ ಒಂದೇ ದಿನದಲ್ಲಿ ದಾಖಲಾದ ಗರಿಷ್ಠ ಕುಸಿತ ಇದಾಗಿದ್ದು, ಪ್ರತಿ ಷೇರು ಬೆಲೆ ₹1,105 ತಲುಪಿದೆ. 

ರಿಲಯನ್ಸ್‌ ಇಂಡಸ್ಟ್ರೀಸ್‌ ಮಾರುಕಟ್ಟೆ ಮೌಲ್ಯ ಟಿಸಿಎಸ್‌ ಕಂಪನಿಗಿಂತಲೂ ಕಡಿಮೆಯಾಗಿದ್ದು, ₹6.97 ಲಕ್ಷ ಕೋಟಿ ತಲುಪಿದೆ. ರಿಲಯನ್ಸ್‌ ಷೇರುದಾರರು ಒಂದೇ ದಿನದಲ್ಲಿ ₹1.08 ಲಕ್ಷ ಕೋಟಿ ಸಂಪತ್ತು ಕಳೆದುಕೊಂಡಿದ್ದಾರೆ. ಟಿಸಿಎಸ್‌ ಮಾರುಕಟ್ಟೆ ಮೌಲ್ಯ ₹7.31 ಲಕ್ಷ ಕೋಟಿ ಇದೆ. 

ಶೇ 15ರಷ್ಟು ಇಳಿಕೆಯಾಗಿರುವ ಒಎನ್‌ಜಿಸಿ ಷೇರು ಬೆಲೆ ₹75.05 ಆಗಿದೆ. 

ಇದನ್ನೂ ಓದಿ: 

ಕಚ್ಚಾ ತೈಲ ದರ ಇಳಿಕೆ ಮಾಡುವ ಮೂಲಕ ರಷ್ಯಾದೊಂದಿಗೆ ಸೌದಿ ಅರೇಬಿಯಾ ದರ ಸಮರ ನಡೆಸುತ್ತಿದೆ. ಇದರ ಪರಿಣಾಮವಾಗಿ ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ 1991ರ ನಂತರದಲ್ಲಿ ಅತಿ ಹೆಚ್ಚು ಕುಸಿತ ಕಂಡಿದೆ. ಬ್ರೆಂಟ್‌ ಕ್ರ್ಯೂಡ್‌ ಫ್ಯೂಚರ್ಸ್‌ ಪ್ರತಿ ಬ್ಯಾರೆಲ್‌ಗೆ ಶೇ 31.5ರಷ್ಟು ಇಳಿಕೆಯಾಗಿದೆ. 

ಇದರೊಂದಿಗೆ ಕೊರೊನಾ ವೈರಸ್‌ ವ್ಯಾಪಿಸುತ್ತಿರುವ ಆತಂಕವೂ ಜೊತೆಯಾಗಿ ಹೂಡಿಕೆದಾರರಲ್ಲಿ ಮಾರಾಟದ ಮನಸ್ಥಿತಿ ಸೃಷ್ಟಿಯಾಗಿದೆ. ಸೆನ್ಸೆಕ್ಸ್‌ 2000 ಅಂಶ ಕುಸಿಯುವ ಮೂಲಕ 35,500 ಅಂಶಗಳಿಗೆ ಸಮೀಪಿಸಿದೆ. ನಿಫ್ಟಿ ಶೇ 5 (555 ಅಂಶ) ಇಳಿಕೆಯಾಗಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು