ಶನಿವಾರ, ಏಪ್ರಿಲ್ 4, 2020
19 °C

ಮುಂಬೈ ಷೇರುಪೇಟೆ 3,934, ನಿಫ್ಟಿ 1,135 ಅಂಶ ಕುಸಿತ

ಪ್ರಜಾವಾಣಿ ವೆಬ್ ಡೆಸ್ಕ್ Updated:

ಅಕ್ಷರ ಗಾತ್ರ : | |

ನವದೆಹಲಿ: ಕೊರೊನಾವೈರಸ್ ಭೀತಿಯಿಂದ ಷೇರುಪೇಟೆಯಲ್ಲಿ ಪ್ರತಿಧ್ವನಿಸಿದೆ. ಮುಂಚೂಣಿ ಕಂಪನಿಗಳ ಷೇರುಗಳೂ ಮೌಲ್ಯ ಕಳೆದುಕೊಳ್ಳುತ್ತಿದ್ದು, ಹೂಡಿಕೆದಾರರ ಸಂಪತ್ತು ಮಂಜಿನಂತೆ ಕರಗುತ್ತಿದೆ.

ಮುಂಬೈ ಷೇರುಪೇಟೆಯ ಸಂವೇದಿ ಸೂಚ್ಯಂಕ ಸೆನ್ಸಿಕ್ಸ್ 3934 ಅಂಶಗಳ ಪತನ ಕಂಡು, 26,000 ಅಂಶಗಳಿಗಿಂತಲೂ ಕೆಳಗಿಳಿಯಿತು. 25,981.24 ಅಂಶಗಳೊಂದಿಗೆ ದಿನದ ವಹಿವಾಟು ಮುಗಿಸಿತು. 

ರಾಷ್ಟ್ರೀಯ ಷೇರು ಸಂವೇದಿ ಸೂಚ್ಯಂಕ ನಿಫ್ಟಿ 1,135 ಅಂಶಗಳ ಪತನ ಕಂಡು, 7610.25 ಅಂಶಗಳೊಂದಿಗೆ ದಿನದ ವಹಿವಾಟು ಮುಗಿಸಿತು.

ಕೊರೊನಾ ವೈರಸ್‌ ಸೋಂಕು ತಡೆಯುವ ನಿಟ್ಟಿನಲ್ಲಿ ದೇಶದ ಹಲವು ಭಾಗಗಳಲ್ಲಿ ಲಾಕ್‌ಡೌನ್‌ ಮುಂದುವರಿಸಲು ಸರ್ಕಾರ ನಿರ್ಧರಿಸಿದೆ. ಶುಕ್ರವಾರದಿಂದಾಚೆಗೆ ಸಂಭವಿಸಿದ ತ್ವರಿತ ಬೆಳವಣಿಗೆಗಳು ಸೋಮವಾರ ಷೇರುಪೇಟೆಗಳಲ್ಲಿ ವಿಪರೀತ ತಲ್ಲಣ ಸೃಷ್ಟಿಸಿತು. 

ಆರಂಭಿಕ ವಹಿವಾಟಿನಲ್ಲೇ ಸೆನ್ಸೆಕ್ಸ್‌ 2,700 ಅಂಶ ಕುಸಿಯಿತು. ಸೂಚ್ಯಂಕ ದಿಢೀರ್‌ ಕುಸಿತದಿಂದ ಸರ್ಕ್ಯೂಟ್‌ ಬ್ರೇಕ್‌ ಮೂಲಕ 45 ನಿಮಿಷ ವಹಿವಾಟು ಸ್ಥಗಿತಗೊಳಿಸಲಾಯಿತು. 

ಶುಕ್ರವಾರದ ವಹಿವಾಟಿನಲ್ಲಿ ಸೆನ್ಸೆಕ್ಸ್‌ ಶೇ 5.75 ಏರಿಕೆಯೊಂದಿಗೆ 29,915.96 ಅಂಶ ಹಾಗೂ ನಿಫ್ಟಿ ಶೇ 5.83 ಹೆಚ್ಚಳದೊಂದಿಗೆ 8,745.45 ಅಂಶಗಳೊಂದಿಗೆ ವಹಿವಾಟು ಅಂತ್ಯಗೊಂಡಿತ್ತು. 

ಕಳೆದ ಸೋಮವಾರದಿಂದ ಶುಕ್ರವಾರದವರೆಗೂ ಸೆನ್ಸೆಕ್ಸ್‌ ಒಟ್ಟು 4,187.52 ಅಂಶಗಳಷ್ಟು ಕುಸಿದರೆ, ನಿಫ್ಟಿ 1,209.75 ಅಂಶ ಇಳಿಕೆಯಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು