ಬುಧವಾರ, ಫೆಬ್ರವರಿ 26, 2020
19 °C

ಸೋಮವಾರ ಷೇರುಪೇಟೆಯಲ್ಲಿ ವಹಿವಾಟು ಚೇತರಿಕೆ; ಲೋಹ ವಲಯದ ಷೇರುಗಳು ಏರಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಷೇರುಪೇಟೆ ಸಂವೇದಿ ಸೂಚ್ಯಂಕ

ಬೆಂಗಳೂರು: ಅಮೆರಿಕ–ಚೀನಾ ನಡುವಿನ ವಾಣಿಜ್ಯ ಮಾತುಕತೆ ಸಕಾರಾತ್ಮಕ ಬೆಳವಣಿಗೆ ಕಂಡಿರುವುದು ಭಾರತದ ಷೇರುಪೇಟೆಗಳಲ್ಲಿ ಸೋಮವಾರ ವಹಿವಾಟು ಚೇತರಿಕೆಗೆ ಕಾರಣವಾಗಿದೆ. ಲೋಹ ಮತ್ತು ರಿಯಲ್‌ ಎಸ್ಟೇಲ್‌ ಷೇರುಗಳು ಏರಿಕೆ ದಾಖಲಿಸಿವೆ. 

ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಶೇ 0.64 ಏರಿಕೆಯೊಂದಿಗೆ 40,617 ಅಂಶಗಳನ್ನು ತಲುಪಿದರೆ, ರಾಷ್ಟ್ರೀಯ ಸಂವೇದಿ ಸೂಚ್ಯಂಕ ಶೇ 0.67 ಹೆಚ್ಚಳದೊಂದಿಗೆ 11,993 ಅಂಶಗಳಲ್ಲಿ ವಹಿವಾಟು ನಡೆದಿದೆ. ಜೆಎಸ್‌ಡಬ್ಯು ಸ್ಟೀಲ್‌ ಮತ್ತು ಟಾಟಾ ಸ್ಟೀಲ್‌ ಷೇರುಗಳು ಶೇ 2.5ರಷ್ಟು ಗಳಿಕೆ ಕಂಡಿವೆ. 

ಇದನ್ನೂ ಓದಿ: 

ಕಳೆದ ವಾರ ಭಾರೀ ಏರಿಕೆ ಕಂಡಿದ್ದ ಜೀ ಎಂಟರ್‌ಟೈನ್‌ಮೆಂಟ್‌ ಷೇರು ಶೇ 2.69ರಷ್ಟು ಕುಸಿದಿದೆ. ಭಾರ್ತಿ ಏರ್‌ಟೆಲ್‌ ಶೇ 2.30, ಇನ್ಫೋಸಿಸ್‌ ಶೇ 1.33, ಸನ್‌ ಫಾರ್ಮಾ ಶೇ 1.55, ವೇದಾಂತ ಶೇ 1.27 ಹಾಗೂ ಆರ್‌ಐಎಲ್‌ ಷೇರುಗಳು ಶೇ 0.82ರಷ್ಟು ಹೆಚ್ಚಳ ದಾಖಲಿಸಿವೆ.

ಇದನ್ನೂ ಓದಿ: ಸಂಪತ್ತು ಹೆಚ್ಚಿಸದ ವಹಿವಾಟು

ಬಜಾಜ್‌ ಆಟೊ ಶೇ 0.76, ಐಸಿಐಸಿಐ ಬ್ಯಾಂಕ್‌ ಶೇ 0.75, ಎಚ್‌ಸಿಎಲ್‌ ಟೆಕ್‌ ಶೇ 0.70, ಏಷಿಯನ್‌ ಪೇಯಿಂಟ್ಸ್‌ ಶೇ 0.59 ಹಾಗೂ ಒಎನ್‌ಜಿಸಿ ಷೇರುಗಳು ಶೇ 0.60ರಷ್ಟು ಕುಸಿದಿವೆ. ಶುಕ್ರವಾರ ಸೆನ್ಸೆಕ್ಸ್ 40,395 ಅಂಶಗಳಲ್ಲಿ ವಹಿವಾಟು ಪೂರ್ಣಗೊಳಿಸಿದ್ದರೆ, ನಿಫ್ಟಿ 11,914 ಅಂಶಗಳಲ್ಲಿ ವಹಿವಾಟು ಕೊನೆಗೊಳಿಸಿತ್ತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು