ಗುರುವಾರ , ಜೂಲೈ 2, 2020
27 °C

ಟಾಟಾ ಮೋಟಾರ್ಸ್‌ ಷೇರು ಶೇ 11 ಗಳಿಕೆ: ಷೇರುಪೇಟಯಲ್ಲಿ ರಿಲಯನ್ಸ್, ಏರ್‌ಟೆಲ್ ಸದ್ದು

ಪ್ರಜಾವಾಣಿ ವೆಬ್‌ ಡೆಸ್ಕ್ Updated:

ಅಕ್ಷರ ಗಾತ್ರ : | |

ಷೇರುಪೇಟೆ ವಹಿವಾಟು–ಸಾಂದರ್ಭಿಕ ಚಿತ್ರ

ಬೆಂಗಳೂರು: ದೇಶದ ಪ್ರಮುಖ ದೂರ ಸಂಪರ್ಕ ಸೇವಾಧಾರ ಸಂಸ್ಥೆ ಭಾರ್ತಿ ಏರ್‌ಟೆಲ್‌ನಲ್ಲಿ ಜಾಗತಿಕ ಸಂಸ್ಥೆ ಅಮೆಜಾನ್‌ 2 ಬಿಲಿಯನ್‌ ಡಾಲರ್‌ (ಸುಮಾರು ₹15,000 ಕೋಟಿ) ಷೇರು ಪಡೆಯಲು ಮಾತುಕತೆ ನಡೆದಿರುವುದಾಗಿ ವರದಿಯಾಗಿದೆ. ರಿಲಯನ್ಸ್‌ ಆರು ವಾರಗಳಲ್ಲಿ ಆರನೇ ಸಂಸ್ಥೆಯೊಂದಿಗೆ ಹೂಡಿಕೆ ಒಪ್ಪಂದ ಮಾಡಿಕೊಂಡಿದೆ. ದೂರ ಸಂಪರ್ಕ ಸಂಸ್ಥೆಗಳಲ್ಲಿನ ಈ ಬೆಳವಣಿಗೆಗಳು ಷೇರುಪೇಟೆಯಲ್ಲಿ ಶುಕ್ರವಾರ ಉತ್ಸಾಹ ಮೂಡಿಸಿದೆ.

ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ 295.97 ಅಂಶ ಹೆಚ್ಛಳವಾಗಿ 34,276.67 ಅಂಶ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 114 ಅಂಶ ಏರಿಕೆಯಾಗಿ 10,143.10 ಅಂಶಗಳಲ್ಲಿ ವಹಿವಾಟು ನಡೆದಿದೆ.

ಅಬು–ಧಾಬಿ ಮೂಲದ ಮುಬದಲಾ ಸಂಸ್ಥೆ ಜಿಯೊ ಪ್ಲಾಟ್‌ಫಾರ್ಮ್‌ಗಳಲ್ಲಿ ₹9,093.60 ಕೋಟಿ ಹೂಡಿಕೆ ಮಾಡಲಿರುವುದು ಪ್ರಕಟಗೊಂಡ ಬೆನ್ನಲ್ಲೇ ರಿಲಯನ್ಸ್‌ ಇಂಡಸ್ಟ್ರೀಸ್‌ ಷೇರು ಶೇ 2.38ರಷ್ಟು ಏರಿಕೆಯಾಗಿ 52 ವಾರಗಳ ಅಧಿಕ ಮಟ್ಟ ₹1,617.70 ಮುಟ್ಟಿತು. ಒಟಿಟಿ ಸಂಸ್ಥೆಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುತ್ತಿರುವ ಏರ್‌ಟೆಲ್‌ನಲ್ಲಿ ಅಮೆಜಾನ್‌ 2 ಬಿಲಿಯನ್‌ ಡಾಲರ್‌ ಮೌಲ್ಯದ ಷೇರು ಖರೀದಿಸುವ ಯೋಜನೆ ಇರುವುದಾಗಿ ವರದಿಯಾಗಿದ್ದು, ಏರ್‌ಟೆಲ್‌ ಷೇರು ಸಹ ಶೇ 1ರಷ್ಟು ಗಳಿಕೆ ದಾಖಲಿಸಿದೆ. ಇಂದು ಪ್ರತಿ ಷೇರಿಗೆ ₹584ರ ವರೆಗೂ ವಹಿವಾಟು ನಡೆದಿದೆ. ಆದರೆ, ಅಮೆಜಾನ್‌ ಜೊತೆಗೆ ಅಂತಹ ಮಾತುಕತೆ ನಡೆದಿಲ್ಲ ಎಂದು ಏರ್‌ಟೆಲ್‌ ಹೇಳಿದೆ.

ತೀವ್ರ ಕುಸಿತಕ್ಕೆ ಒಳಗಾಗಿದ್ದ ಟಾಟಾ ಮೋಟಾರ್ಸ್‌ ಷೇರು ಇಂದು ದಿಢೀರ್ ಏರಿಕೆಯಾಗಿದೆ. ಶೇ 11.47ರಷ್ಟು ಗಳಿಕೆಯೊಂದಿಗೆ ಪ್ರತಿ ಷೇರು ಬೆಲೆ ₹110 ಆಗಿದೆ. ಲೋಹ ವಲಯ ಹಾಗೂ ಸಾರ್ವಜನಿಕ ವಲಯದ ಬ್ಯಾಂಕ್‌ಗಳ ಷೇರುಗಳು ಗಳಿಕೆ ದಾಖಲಿಸಿವೆ. ಎಸ್‌ಬಿಐ, ಸನ್‌ ಫಾರ್ಮಾ, ಟಾಟಾ ಸ್ಟೀಲ್‌, ಬಜಾಜ್‌ ಫೈನಾನ್ಸ್‌ ಷೇರುಗಳು ಏರಿಕೆ ಕಂಡಿವೆ.

ಟಿಸಿಎಸ್‌, ಹಿಂದುಸ್ತಾನ್‌ ಯೂನಿಲಿವರ್‌ ಷೇರುಗಳು ಕುಸಿತ ಕಂಡಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು