ಧೈರ್ಯ ಮತ್ತು ಎಚ್ಚರಿಕೆ

ಒಂದು ಕೊಂಬೆಯು ಬಾಡಲಿನ್ನೊಂದು ಚಿಗುರುವುದು | ಸಂದಿಹುದು ಚಿರನವತೆಯಶ್ವತ್ಥಮರಕೆ || ಎಂದೆಂದುಮಂತಿರುವುದೀ ವಿಶ್ವವೃಕ್ಷವದ | ರೊಂದು ರೆಂಬೆಯೊ ನೀನು – ಮಂಕುತಿಮ್ಮ || 252 ||

. ಪದ-ಅರ್ಥ: ಬಾಡಲಿನ್ನೊಂದು=ಬಾಡಲು+ಇನ್ನೊಂದು, ಸಂದಿಹುದು=ದೊರೆತಿಹುದು, ಚಿರನವತೆಯಶ್ವತ್ಥಮರಕೆ=ಚಿರ(ಶಾಶ್ವತವಾದ)+ನವತೆ(ಹೊಸತು)+ಅಶ್ವತ್ಥ ಮರಕೆ, ಎಂದೆಂದುಮಂತಿರುವುದೀ=ಎಂದೆಂದು+ಅಂತು+ಇರುವುದು+ಈ,

. ವಾಚ್ಯಾರ್ಥ: ಒಂದು ಕೊಂಬೆ ಬಾಡುವಾಗ ಮತ್ತೊಂದು ಕೊಂಬೆ ಚಿಗುರುತ್ತದೆ. ಹೀಗೆ ಈ ಅಶ್ವತ್ಥಮರಕ್ಕೆ ಹೊಸತನ ಬಂದಿದ್ದು, ಶಾಶ್ವತವಾಗಿದೆ. ಎಂದೆಂದೂ ಹೀಗೆಯೇ ಇರುವ ವಿಶ್ವವೆಂಬ ಅಶ್ವತ್ಥಮರದ ಒಂದು ಕೊಂಬೆ ನೀನು.

. ವಿವರಣೆ: ಅಶ್ವತ್ಥವೃಕ್ಷದ ಬಗ್ಗೆ ಕಠೋಪನಿಷತ್ತಿನಲ್ಲಿ ಸುಂದರವಾದ ಮಾತಿದೆ. ಯಮ ಈ ಪ್ರಪಂಚವನ್ನು ಅಶ್ವತ್ಥ ವೃಕ್ಷಕ್ಕೆ ಹೋಲಿಸುತ್ತಾನೆ. ಈ ಮರಕ್ಕೆ ಮುಖ್ಯವಾಗಿ ನಾಲ್ಕು ಗುಣಗಳು. ಇವು ಪ್ರಪಂಚಕ್ಕೂ, ಅಶ್ವತ್ಥಕ್ಕೂ ಸಮಾನವಾಗಿರುವುವು.

. ಬಹುಕಾಲಿತ್ವ: ಮರವಾಗಲಿ, ಪ್ರಪಂಚವಾಗಲಿ, ಬಹುದೀರ್ಘಕಾಲ ಇರುವಂಥವು. ಒಂದು ಕಡೆ ಬಾಡಿದರೆ ಮತ್ತೊಂದೆಡೆ ಚಿಗುರುತ್ತದೆ. ಎಲ್ಲೊ ಒಂದು ವೈರಸ್ ಬಂದೋ, ಯಾವುದೋ ನಿಸರ್ಗದ ಪ್ರಕೋಪದಿಂದಲೇ ಸಹಸ್ರಾರು ಜನ ಸಾಯುವುದನ್ನು ಕೇಳಿದ್ದೇವೆ. ಇದು ಈ ವಿಶ್ವವೆಂಬ ಅಶ್ವತ್ಥವೃಕ್ಷದ ಒಂದು ಕೊಂಬೆ ಬಾಡಿದಂತೆ. ಆದರೆ ವಿಶ್ವ ಕೊನೆಯಾಗಲಿಲ್ಲ, ಮತ್ತೆಲ್ಲೋ ಅದು ಚಿಗುರುತ್ತಲೇ ಇದೆ. ಮನುಷ್ಯ ಜೀವನ, ಸಂತಾನ ಪರಂಪರೆಯಲ್ಲಿ ದೀರ್ಘಜೀವಿ.

. ಬಹುಗ್ರಂಥಿಲತ್ವ: ಈ ಮರದ ಕೊಂಬೆಗಳೂ, ಬಿಳಲುಗಳೂ ಗಂಟುಗಂಟಾಗಿ, ಜಡೆಜಡೆಯಾಗಿ, ಸೊಟ್ಟಸೊಟ್ಟಗಾಗಿ ಎಲ್ಲೆಲ್ಲಿಯೋ ಸಿಕ್ಕಿಕೊಂಡಂತಿವೆ. ಅಂತೆಯೇ ಪ್ರಪಂಚದ ತೊಡಕುಗಳು, ಸಿಕ್ಕುಗಳು ಬಿಡಿಸಲಾರದಂತೆ ಹೆಣೆದುಕೊಂಡಿವೆ. ಇವೆಲ್ಲ ಋಣಾನುಬಂಧದ ಎಳೆತಗಳು.

. ಬಹುವಿಸ್ತ್ರತತ್ವ: ಮರದ ಕೊಂಬೆ, ಕವಲುಗಳು, ಬಿಳಲುಗಳು, ಬೇರುಗಳು ಬಹುದೂರ ಹರಡಿರುತ್ತವೆ. ಅದರಂತೆಯೇ ಸಂಸಾರದ ಶಾಖೆಗಳು, ಮನುಷ್ಯನ ಬದುಕು ಎಲ್ಲೆಡೆಗೆ ವಿಸ್ತಾರವಾಗಿ ಹರಡಿಕೊಂಡಿದೆ.

. ಬಹುಪೋಷಕತ್ವ : ಈ ಬೃಹತ್ ಮರ ಅನೇಕ ಪಕ್ಷಿ, ಕ್ರಿಮಿ, ಕೀಟಗಳಿಗೆ ಆಶ್ರಯವಾಗಿದೆ. ಅಂತೆಯೇ ಈ ಪ್ರಪಂಚ ಕೂಡ ಮನುಷ್ಯರನ್ನು ಒಳಗೊಂಡಂತೆ ಲಕ್ಷಾಂತರ ಜೀವರಾಶಿಗಳಿಗೆ ನೆಲೆಯಾಗಿದೆ, ಪೋಷಕವಾಗಿದೆ.

. ಹೀಗೆ ಅಶ್ವತ್ಥವೃಕ್ಷ ಸದಾ ಕಾಲ ನವ, ನವೀನತೆಯಿಂದ ಕೂಡಿರುವುದಲ್ಲದೆ ಚಿರಾಯುವೂ ಆಗಿದೆ. ಅದರಂತೆಯೇ ಈ ವಿಶ್ವವೃಕ್ಷವೂ ಸದಾಕಾಲ ಹೊಸದಾಗುತ್ತ, ಬದಲಾಯಿಸುತ್ತ ಇದ್ದರೂ ಕೋಟಿ ವರ್ಷಗಳಿಂದ ಬದುಕಿ ಚಿರಂಜೀವಿಯಾಗಿದೆ. ಈ ಕಗ್ಗ ನಮಗೆ ಎರಡು ವಿಷಯಗಳನ್ನು ತಿಳಿಸುತ್ತದೆ.

. ನೀನು ಒಬ್ಬ ಮನುಷ್ಯ ಈ ವಿಶ್ವ ವೃಕ್ಷದ ಒಂದು ಕೊಂಬೆ ಇದ್ದ ಹಾಗೆ. ಅಂದರೆ ಈ ಅಪರಂಪಾರವಾದ ವಿಶ್ವದಲ್ಲಿ ನಿನಗೂ ಒಂದು ಪ್ರಮುಖವಾದ ಸ್ಥಾನವಿದೆ. ನಿನ್ನ ಬದುಕು ವ್ಯರ್ಥವಲ್ಲ, ಅಪ್ರಯೋಜಕವಲ್ಲ. ಇಲ್ಲಿ ಎಚ್ಚರಿಕೆಯೂ ಇದೆ. ನೀನೇ ವಿಶ್ವದ ಕೇಂದ್ರವೆಂಬಂತೆ, ನೀನಿಲ್ಲದೆ ಪ್ರಪಂಚ ನಡೆಯದೆಂಬ ಜಂಬ ಬೇಡ. ಈ ವಿಶ್ವವೃಕ್ಷದಲ್ಲಿ ನೀನು ಒಂದು ಕೊಂಬೆ ಮಾತ್ರ. ಈ ವಿಶ್ವದಲ್ಲಿ ನನ್ನ ಅಲ್ಪತೆಯನ್ನೂ, ನನ್ನ ಪ್ರಾಮುಖ್ಯತೆಯನ್ನು ಏಕಕಾಲದಲ್ಲಿ ತೋರಿ ಧೈರ್ಯನೀಡುವ, ಎಚ್ಚರಿಸುವ ಈ ಕಗ್ಗ ತುಂಬ ಮನೋಜ್ಞವಾದದ್ದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಧೈರ್ಯ ಮತ್ತು ಎಚ್ಚರಿಕೆ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ