ದಿನದ ಸೂಕ್ತಿ: ವಿವೇಚನೆಯ ಫಲ

ಪ್ರಾರಬ್ಧವ್ಯೇ ನಿರುದ್ಯೋಗೋ ಜಾಗರ್ತವ್ಯೇ ಪ್ರಸುಪ್ತಕಃ ।

. ವಿಶ್ವಸ್ತವ್ಯೇ ಭಯಸ್ಥಾನೇ ಹಾ! ನರಃ ಕೋ ನ ಹನ್ಯತೇ ।।

. ಇದರ ತಾತ್ಪರ್ಯ ಹೀಗೆ:

. ‘ಯಾವಾಗ ಒಂದು ಕಾರ್ಯವನ್ನು ಆರಂಭಿಸಬೇಕೋ ಆಗ ಸುಮ್ಮನಿರುತ್ತಾನೆ; ಎಚ್ಚರವಾಗಿರಬೇಕಾದಾಗ ಕಣ್ಣುಮುಚ್ಚಿ ಮಲಗಿರುತ್ತಾನೆ; ಮತ್ತು ಭಯಪಡಬೇಕಾದ ವಸ್ತುವನ್ನು ವಿಶ್ವಾಸಯೋಗ್ಯ ಎಂದು ತಿಳಿದುಕೊಳ್ಳುತ್ತಾನೆ. ಅಯ್ಯೋ! ಅಂಥ ಮನುಷ್ಯನು ಹಾಳಾಗದೆ ಹೇಗೆ ತಾನೆ ಉಳಿದಾನು?’

. ಪ್ರತಿ ಕೆಲಸದ ಯಶಸ್ಸಿನ ಹಿಂದೆ ಹಲವಾರು ಕಾರಣಗಳು ಇರುತ್ತವೆ. ಅವುಗಳಲ್ಲಿ ಒಂದು ಆ ಕೆಲಸದ ಆವಶ್ಯಕತೆಗಳಿಗೆ ತಕ್ಕಂತೆ ಅದರಲ್ಲಿ ತೊಡಗುವುದು. ಇದನ್ನೇ ಸುಭಾಷಿತ ಹೇಳುತ್ತಿರುವುದು.

. ಪ್ರಸ್ತುತ ಸಂದರ್ಭಕ್ಕೆ ಅನ್ವಯಿಸಿ ಈ ಶ್ಲೋಕವನ್ನು ಅರ್ಥೈಸಬಹುದಾದರೆ ಅದನ್ನು ಹೀಗೆ ಹೇಳಬಹುದು: ಯಾವಾಗ ಮಾಸ್ಕನ್ನು ಹಾಕಿಕೊಳ್ಳಬೇಕೊ ಆಗ ಹಾಕಿಕೊಳ್ಳದೆ, ಯಾವಾಗ ಬೇಡವೋ ಆಗ ಧರಿಸಿದವರು ಕೊವಿಡ್ ಬಾಧೆಗೆ ತುತ್ತಾಗುವ ಸಾಧ್ಯತೆ ಹೆಚ್ಚು!

. ಸುಭಾಷಿತವೇ ಅಂಥ ಕೆಲವು ಸಂದರ್ಭಗಳನ್ನು ಕಾಣಿಸಿದೆ.

. ಕೆಲಸವನ್ನು ಯಾವಾಗ ಆರಂಭಿಸಬೇಕೋ ಆಗ ನಾವು ಅದನ್ನು ಆರಂಭಿಸದಿದ್ದರೆ ಏನಾಗುತ್ತದೆ? ರೈತನೊಬ್ಬ ಯಾವಾಗ ಹೊಲವನ್ನು ಬಿತ್ತನೆಗೆ ಸಿದ್ಧಮಾಡಿಟ್ಟುಕೊಳ್ಳಬೇಕೋ ಆಗಲೇ ಅದನ್ನು ಸಿದ್ಧಮಾಡಿಟ್ಟುಕೊಳ್ಳಬೇಕು. ವಿದ್ಯಾರ್ಥಿಯೊಬ್ಬ ಯಾವಾಗ ಪರೀಕ್ಷೆಗೆ ಸಿದ್ಧವಾಗಬೇಕೋ ಆಗಲೇ ಸಿದ್ಧವಾಗಬೇಕು. ಹೀಗೆ ಪ್ರತಿಯೊಂದು ಕೆಲಸವನ್ನು ಆರಂಭಿಸಲೂ ಯುಕ್ತಕಾಲ ಎಂಬುದು ಇರುತ್ತದೆ. ಆ ಸಮಯದಲ್ಲಿಯೇ ನಾವು ಅದನ್ನು ಮಾಡಬೇಕು. ಹೀಗಲ್ಲದೆ ಆ ಸಮಯದಲ್ಲಿ ನಾವು ನಿಷ್ಕ್ರಿಯರಾಗಿದ್ದರೆ ಕೆಲಸದಲ್ಲಿ ಯಶಸ್ಸು ಸಿಗದು.

. ಇದೇ ರೀತಿಯಲ್ಲಿ ಯಾವಾಗ ಎಚ್ಚರವಾಗಿರಬೇಕೋ ಆಗ ಎಚ್ಚರವಾಗಿರದಿದ್ದರೆ ಏನಾಗುತ್ತದೆ? ಕೆಲಸ ಕೆಡುತ್ತದೆಯಷ್ಟೆ! ಪರೀಕ್ಷೆಯ ಹಾಲ್ನಲ್ಲಿ ನಾವು ನಿದ್ರೆಮಾಡಲು ತೊಡಗಿದರೆ ನಮ್ಮ ಫಲಿತಾಂಶ ಏನಾದೀತು? ವಾಹನವನ್ನು ನಡೆಸುತ್ತಿರುವಾಗ ಮೈ ಎಲ್ಲ ಕಣ್ಣಾಗಿ ಎಚ್ಚರವಾಗಿರಬೇಕಾಗುತ್ತದೆ. ಆಗ ನಿದ್ರೆಗೆ ಜಾರಿದರೆ!?

. ಕೆಲವೊಂದು ವಿಷಯಗಳ ಬಗ್ಗೆ ಭಯವನ್ನು ಪಡಬೇಕು, ಕೆಲವೊಂದು ಸಂಗತಿಗಳ ಬಗ್ಗೆ ಭಯವನ್ನು ಬಿಡಬೇಕು. ಈ ಎರಡೂ ಅದಲು ಬದಲಾದರೆ ನಮಗೆ ತೊಂದರೆ ತಪ್ಪದು. ತರಕಾರಿಯನ್ನು ಕತ್ತರಿಸಲು ಚಾಕು ಬೇಕು. ಆದರೆ ಅದನ್ನು ಬಳಸುವಾಗ ಎಚ್ಚರಿಕೆಯೂ ಬೇಕು. ತರಕಾರಿಯನ್ನು ಕತ್ತರಿಸುವಾಗ ಕೈ ಕೂಡ ಕತ್ತರಿಸಲ್ಪಟರೆ ಹೇಗೆ – ಎಂದು ಭಯಪಟ್ಟರೆ ಪ್ರಯೋಜನ ಸಿಗದು; ಏನಾಗುತ್ತದೆ ಬಿಡು – ಎಂದು ಉಡಾಫೆ ಮಾಡಿದರೆ ತೊಂದರೆ ತಪ್ಪದು. ನಾವು ಹರಿತವಾದುದರಿಂದಲೇ ನಮ್ಮ ಕೆಲಸವನ್ನು ಸಾಧಿಸಕೊಳ್ಳಬೇಕು. ಹೀಗಾಗಿ ಅದಕ್ಕೆ ಬೇಕಾದ ಎಚ್ಚರಿಕೆಗಳನ್ನು ಪಾಲಿಸಬೇಕು. ಆಗಷ್ಟೆ ತೊಂದರೆ ಇರದ ಪ್ರಯೋಜನ ನಮ್ಮ ಪಾಲಿಗೆ ಒದಗುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ವಿವೇಚನೆಯ ಫಲ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಹಾಕಿ ಇಂಡಿಯಾ ಜೂನಿಯರ್‌ ಬಾಲಕಿಯರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌: 10ರಂದು ಟ್ರಯಲ್ಸ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್