ದಿನದ ಸೂಕ್ತಿ: ನಿಜವಾದ ವಿದ್ಯಾವಂತ

ಕಪಾಲಸ್ಥಂ ಯಥಾ ತೋಯಂ ಶ್ವದೃತೌ ಚ ಯಥಾ ಪಯಃ ।

. ಹೇಯಂ ದುಃಸ್ಥಾನದೋಷೇಣ ವೃತ್ತಹೀನಂ ತಥಾ ಶ್ರುತಮ್ ।।

. ಇದರ ತಾತ್ಪರ್ಯ ಹೀಗೆ:

. ‘ತಲೆಬುರುಡೆಯಲ್ಲಿರುವ ನೀರು, ನಾಯಿಯ ಚರ್ಮದಲ್ಲಿ ತಂದಿರುವ ಹಾಲು ಹೇಗೆ ಸ್ಥಾನದೋಷದಿಂದ ಅಸಹ್ಯವೋ ಅಥವಾ ತ್ಯಾಜ್ಯಾವೋ ಆಗುತ್ತದೆಯೊ ಹಾಗೆಯೇ ನಡತೆಯಿಲ್ಲದವನ ವಿದ್ಯೆಯೂ ಅಸಹ್ಯವೂ ತ್ಯಾಜ್ಯವೂ ಆಗುತ್ತದೆ.’

. ನಮಗೆ ತುಂಬ ಹಸಿವು. ಏನು ಸಿಕ್ಕರೂ ಕೂಡಲೇ ತಿನ್ನುವಷ್ಟು ಹಸಿವು. ಆ ಸಂದರ್ಭದಲ್ಲಿ ಯಾರಾದರೂ ಅನ್ನವನ್ನು ನೆಲದ ಮೇಲೆ ಬಡಿಸಿದರೆ ನಾವು ಅದನ್ನು ತಿನ್ನುತ್ತೇವೆಯೆ?

. ಏನನ್ನು ತಿನ್ನುತ್ತೇವೆ ಎಂಬುದಷ್ಟೆ ಮುಖ್ಯವಲ್ಲ; ಹೇಗೆ ತಿನ್ನುತ್ತೇವೆ ಎಂಬುದೂ ಇಲ್ಲಿ ಮುಖ್ಯವಾಗುತ್ತದೆ ಅಲ್ಲವೆ?

. ಸುಭಾಷಿತ ಇಂಥ ಸಂಗತಿಯನ್ನೇ ಹೇಳುತ್ತಿರುವುದು.

. ವಿದ್ಯೆ ಎಂಬುದು ತುಂಬ ದೊಡ್ಡದು; ಪವಿತ್ರವಾದುದುದು; ನಿಜ. ವಿದ್ಯೆಯನ್ನು ಸಂಪಾದಿಸುವುದೂ ಸುಲಭವಲ್ಲ; ಅದನ್ನು ಮಹಾಸಾಧನೆಯಿಂದಲೇ ಪಡೆದುಕೊಳ್ಳಬೇಕಾಗುತ್ತದೆ. ಹೀಗೆಂದು ವಿದ್ಯೆಯನ್ನು ಪಡೆದಿರುವ ವಿದ್ಯಾವಂತನೊಬ್ಬ ಹೇಗೆ ಬೇಕಾದರೂ ನಡೆದುಕೊಳ್ಳಬಹುದೆ? ಅವನಿಗೆ ಯಾವುದೇ ನಿರ್ಬಂಧಗಳು ಅನ್ವಯವಾಗುವುದಿಲ್ಲವೆ? ಸುಭಾಷಿತ ಹೇಳುತ್ತಿದೆ: ನಡತೆಯಿಲ್ಲದವನ ವಿದ್ಯೆ ಅದು ಅಸಹ್ಯವೂ ಹೌದು, ತ್ಯಾಜ್ಯವೂ ಹೌದು.

. ಇಂದು ನಾವು ಸ್ವಘೋಷಿತ ವಿದ್ಯಾವಂತರಿಂದ ನೋಡುತ್ತಿರುವುದು ಬಹುಪಾಲು ಇಂಥ ಅಸಹ್ಯಕರ ನಡೆವಳಿಕೆಯನ್ನೇ ಹೌದು. ಮಾತಿನಲ್ಲಿ ಸಂಯಮ ಇಲ್ಲ, ಹೊಣೆಗಾರಿಕೆ ಇಲ್ಲ; ಆ ಕ್ಷಣ ಏನು ತೋಚುತ್ತದೆಯೋ ಅದನ್ನು ಒರಟಾಗಿ ಹೇಳುವಂಥ ಧೋರಣೆ ಇಂದು ಎಲ್ಲೆಲ್ಲೂ ಹೆಚ್ಚುತ್ತಿದೆ; ಸಾಮಾಜಿಕ ಜಾಲತಾಣಗಳನ್ನು ನೋಡಿದರೆ ಈ ಮಾತಿಗೆ ಸ್ಪಷ್ಟ ಸಾಕ್ಷ್ಯ ಸಿಗುತ್ತದೆ.

. ವಿದ್ಯಾವಂತನಿಗೆ ಹೊಣೆಗಾರಿಕೆ ಹೆಚ್ಚು. ಯೋಚಿಸುವ ಶಕ್ತಿಯನ್ನು ಅವನಿಗೆ ವಿದ್ಯೆ ಕೊಟ್ಟಿರುತ್ತದೆ. ಅದನ್ನು ಅವನು ಬಳಸಿಕೊಂಡು ತನ್ನ ನಡೆವಳಿಕೆಯನ್ನು ರೂಢಿಸಿಕೊಳ್ಳಬೇಕು; ಸುಂದರವಾಗಿಸಿಕೊಳ್ಳಬೇಕು; ಸಂಸ್ಕಾರಯುತವನ್ನಾಗಿಸಿಕೊಳ್ಳಬೇಕು. ಆದರೆ ಹಲವರು ಈ ನಿಲುವಿಗೆ ವಿರುದ್ಧವಾಗಿದ್ದಾರೆ ಎಂಬುದೇ ಇಂದಿನ ಆತಂಕ. ಸುಭಾಷಿತ ಅದನ್ನೇ ಇಲ್ಲಿ ಹೇಳುತ್ತಿರುವುದು: ನಡತೆಯಿಲ್ಲದವನ ವಿದ್ಯೆ ಅಸಹ್ಯವೂ ಹೌದು, ತ್ಯಾಜ್ಯವೂ ಹೌದು. ನಡತೆ ಎಂಬುದು ತುಂಬ ವಿಶಾಲವಾದ ವಿವರ. ನಾವು ಮನೆಯಲ್ಲಿ ಹೇಗಿರಬೇಕು ಎಂಬುದನ್ನೂ ಅದು ಸೂಚಿಸುತ್ತದೆ, ಸಮಾಜದಲ್ಲಿ ಹೇಗಿರಬೇಕೆಂದೂ ಸೂಚಿಸುತ್ತದೆ.

. ನೀರು ನಮಗೆ ಅತ್ಯಂತ ಆವಶ್ಯಕ. ಹೀಗೆಂದು ನಾವು ತಲೆಬುರುಡೆಯಲ್ಲಿರುವ ನೀರನ್ನು ಕುಡಿಯುವುದಿಲ್ಲವಷ್ಟೆ! ಹಾಲು ಕೂಡ ನಮಗೆ ತುಂಬ ಮುಖ್ಯವಾದ ಆಹಾರ. ಆದರೆ ನಾಯಿಯ ಚರ್ಮದಲ್ಲಿ ಯಾರಾದರೂ ಹಾಲನ್ನು ತಂದುಕೊಟ್ಟರೆ ನಾವು ಕುಡಿಯುತ್ತೇವೆಯೆ?

. ಹೀಗೆಯೇ ಒಬ್ಬ ವ್ಯಕ್ತಿ ವಿದ್ಯಾವಂತನೇ ಆಗಿರಬಹುದು; ಅವನಲ್ಲಿ ನಾಲ್ಕಾರು ಪದವಿಪತ್ರಗಳೂ ಇರಬಹುದು. ಆದರೆ ಅವನು ಅಯೋಗ್ಯನಾಗಿದ್ದರೆ, ನೀಚನಾಗಿದ್ದರೆ, ದುಷ್ಟನಾಗಿದ್ದರೆ – ಅವನು ನಮ್ಮ ಪಾಲಿಗೆ ಅಸಹ್ಯವೂ ಹೌದು, ತ್ಯಾಜ್ಯವೂ ಹೌದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ನಿಜವಾದ ವಿದ್ಯಾವಂತ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ