ತೇರದಾಳ | ಹೆದ್ದಾರಿ ಬಳಿಯೇ ಬಿದ್ದಿದೆ ಕಸದ ರಾಶಿ: ಗ್ರಾಮಸ್ಥರ ಆಕ್ರೋಶ

ಹನಗಂಡಿ ಗ್ರಾಮ ಪಂಚಾಯ್ತಿ ವ್ಯಾಪ್ತಿ ದೊಡ್ಡದಿದ್ದು, ಗುಡ್ಡದ ಭಾಗದಲ್ಲಿ ಬಹಳಷ್ಟು ಮನೆಗಳ ನಿರ್ಮಾಣ ಆಗುತ್ತಿವೆ. ಅಲ್ಲಿ ಚರಂಡಿ ನಿರ್ಮಿಸುವ, ಬೀದಿ ದೀಪ ನಿರ್ವಹಣೆಯ ಕುರಿತಾಗಿ ಕ್ರಿಯಾಯೋಜನೆ ಮಾಡಿ ಕಾಮಗಾರಿ ಮಾಡಲಾಗುವುದು. ಸ್ವಚ್ಛತೆ ಕುರಿತಾಗಿ ಹಲವು ಬಾರಿ ಜನರಿಗೆ ತಿಳಿಸಿದರೂ ಸಹಕಾರ ದೊರೆಯದ ಕಾರಣ ಕಸ ಸಂಗ್ರಹವಾಗುತ್ತಿದೆ. ಗ್ರಾಮ ಪಂಚಾಯ್ತಿ ವಿರುದ್ಧ ಮಾಡಿರುವ ಆರೋಪಗಳೆಲ್ಲ ಸುಳ್ಳಾಗಿದ್ದು, ದಾಖಲೆ ಸಮೇತ ಬಂದರೆ ರುಜುವಾತು ಮಾಡಲಾಗುವುದು ಎಂದು ಪಿಡಿಒ ಪಿ.ಪಿ.ರಾವಳ ಹೇಳಿದರು.