ಈ ಬಾರಿ ಪ್ರೇಮಿಗಳ ದಿನದ ಪ್ರಯುಕ್ತ 2.90 ಕೋಟಿ ಗುಲಾಬಿ ಹೂವು ವಿದೇಶಕ್ಕೆ ರಫ್ತು

12.22 ಲಕ್ಷ ಕೆ.ಜಿ ತೂಕದ ಗುಲಾಬಿ ಹೂಗಳನ್ನು ಹೊರ ದೇಶಗಳಿಗೆ ರಫ್ತು ಮಾಡಲಾಗಿದೆ. ಕಳೆದ ಬಾರಿ 1.40 ಕೋಟಿ ಗುಲಾಬಿ ಹೂವುಗಳನ್ನು ರವಾನಿಸಲಾಗಿತ್ತು. ಈ ಬಾರಿ ಶೇ 108 ರಷ್ಟು ಹೆಚ್ಚಿನ ಗುಲಾಬಿಗಳನ್ನು ರಫ್ತು ಮಾಡಲಾಗಿದೆ. 

ಕ್ವಾಲಾಲಂಪುರ, ಸಿಂಗಪುರ, ಕುವೈತ್, ಮನೀಲಾ ಮತ್ತು ಶಾರ್ಜಾ ಮತ್ತು ದೆಹಲಿ, ಕೋಲ್ಕತ್ತಾ, ಮುಂಬೈ, ಗುವಾಹಟಿ ಮತ್ತು ಜೈಪುರಗೆ  ಅತಿ ಹೆಚ್ಚು ಗುಲಾಬಿ ರವಾನಿಸಲಾಗಿದೆ ಎಂದು ಬೆಂಗಳೂರು ವಿಮಾನ ನಿಲ್ದಾಣ ಪ್ರಾಧಿಕಾರ ತಿಳಿಸಿದೆ.

ಗುಲಾಬಿ ಹೂವುಗಳ ತಾಜಾತನ ಕಾಪಾಡಲು ಶಿಥಿಲೀಕರಣ ಘಟಕಗಳಲ್ಲಿ ಇಟ್ಟು ಗುಣಮಟ್ಟದ ತಾಜಾ ಹೂವುಗಳನ್ನು ರಫ್ತು ಮಾಡಲಾಗಿದೆ ಎಂದು ಪ್ರಾಧಿಕಾರದ ಪ್ರಕಟಣೆ ತಿಳಿಸಿದೆ.