<p>ಚಿಂತಾಮಣಿ: ಕುರುಬೂರಿನ ಕೃಷಿ ಮತ್ತು ರೇಷ್ಮೆ ಕಾಲೇಜಿನ ಸಹಯೋಗದಲ್ಲಿ ತಾಲ್ಲೂಕಿನ ಮೂಡ್ಲಚಿಂತಲಹಳ್ಳಿಯ ಪ್ರಗತಿಪರ ರೈತ ಲೋಕೇಶರೆಡ್ಡಿ ಅವರ ತೋಟದಲ್ಲಿ ರೂಡಿ ಬೀಟ್ರೂಟ್ ತಳಿಯ ಕ್ಷೇತ್ರೋತ್ಸವವನ್ನು ಮಂಗಳವಾರ ಹಮ್ಮಿಕೊಳ್ಳಲಾಗಿತ್ತು.</p>.<p>ಕೃಷಿ ಕಾಲೇಜಿನ ತೋಟಗಾರಿಕೆ ವಿಭಾಗದ ಪ್ರೊ. ಶಿವಪ್ಪ ಅವರು ಬೀಟ್ರೂಟ್ ರೂಡಿ ತಳಿಯ ಗುಣ ಲಕ್ಷಣ ಕುರಿತು ಸಂಪೂರ್ಣ ಮಾಹಿತಿ ನೀಡಿದರು.</p>.<p>ಮಳೆಗಾಲ ಮತು ಚಳಿಗಾಲಕ್ಕೆ ರೂಡಿ ಸೂಕ್ತವಾದ ತಳಿಯಾಗಿದೆ. ರೋಗಕ್ಕೆ ಉತ್ತಮವಾದ ಸಹಿಷ್ಣುತೆ ಹೊಂದಿರುತ್ತದೆ. ಉತ್ತಮವಾದ ಮತ್ತು ಏಕರೂಪತೆಯ ಗಡ್ಡೆಗಳು ಬಂದಿರುತ್ತವೆ. ಅತ್ಯುತ್ತಮ ಆಕಾರ, ಗಾತ್ರ ಮತ್ತು ಹೊಳಪು ಹೊಂದಿದ್ದು ಮಾರುಕಟ್ಟೆಯಲ್ಲಿ ವ್ಯಾಪಾರಸ್ಥರ ಗಮನ ಸೆಳೆಯುತ್ತವೆ ಎಂದರು.</p>.<p>ಬೀಟ್ರೂಟ್ ಬೇಸಾಯಕ್ರಮ ಪದ್ಧತಿ ಹಾಗೂ ನೀರಾವರಿ ನಿರ್ವಹಣೆ ಬಗ್ಗೆ ಪ್ರಗತಿಪರ ರೈತರೊಂದಿಗೆ ಚರ್ಚೆ, ಸಂವಾದ ನಡೆಸಿ, ಅವರ ಸಂದೇಹ ನಿವಾರಿಸಿದರು.</p>.<p>ಬೇಸಾಯಶಾಸ್ತ್ರ ವಿಭಾಗದ ವಿಜ್ಞಾನಿ ಮಂಜುನಾಥ್ ಮಾತನಾಡಿ, ಇತ್ತೀಚೆಗೆ ರೈತರ ತೋಟಗಳಲ್ಲಿ ಕಂಡುಬರುತ್ತಿರುವ ಟೊಮೆಟೊ ವೈರಸ್ ನಿರ್ವಹಣೆ ಹಾಗೂ ಬೆಳೆ ತಿರುಗುವಿಕೆ ಕುರಿತು ಸಂಪೂರ್ಣ ಮಾಹಿತಿ ನೀಡಿದರು</p>.<p>ರೇಷ್ಮೆ ಬೆಳೆಯ ಬೇಸಾಯ ಪದ್ಧತಿ, ರೇಷ್ಮೆ ಹುಳುಗಳಿಗೆ ತಗಲುವ ರೋಗ, ಹಿಪ್ಪುನೇರಳೆ ಸೊಪ್ಪಿನ ತಳಿ, ರೇಷ್ಮೆ ಉಳುಗಳ ತಳಿ ಹಾಗೂ ನಿರ್ವಹಣೆ ಕುರಿತು ರೇಷ್ಮೆ ಕೃಷಿ ಕಾಲೇಜಿನ ಪ್ರೊ. ರಾಮಕೃಷ್ಣ ನಾಯಕ್ ವಿವರ ನೀಡಿದರು.</p>.<p>ಪ್ರಗತಿಪರ ರೈತ ಲೋಕೇಶರೆಡ್ಡಿ ರೂಡಿ ಬೀಟ್ರೂಟ್ ತಳಿ ಬೆಳೆಯುವುದರ ಬಗ್ಗೆ ತಮ್ಮ ಅನುಭವ ಹಂಚಿಕೊಂಡು, ರೈತರು ರೂಡಿ ತಳಿಯನ್ನು ಧೈರ್ಯವಾಗಿ ಬೆಳೆಯಬುದು. ಅಗತ್ಯವಾದ ಮಾಹಿತಿ ಮತ್ತು ಮಾರ್ಗದರ್ಶನವನ್ನು ತಾವು ಒದಗಿಸುವುದಾಗಿ ಭರವಸೆ ನೀಡಿದರು.</p>.<p>ಖಾಸಗಿ ಕಂಪನಿಯ ಸೀನಿಯರ್ ಮ್ಯಾನೇಜರ್ ಮಂಜುಪ್ರಕಾಶ್, ಮಾರ್ಕೆಟಿಂಗ್ ಮ್ಯಾನೇಜರ್ ನಾಗರಾಜು ಹಾಗೂ 150ಕ್ಕೂ ಹೆಚ್ಚು ರೈತರು ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಿಂತಾಮಣಿ: ಕುರುಬೂರಿನ ಕೃಷಿ ಮತ್ತು ರೇಷ್ಮೆ ಕಾಲೇಜಿನ ಸಹಯೋಗದಲ್ಲಿ ತಾಲ್ಲೂಕಿನ ಮೂಡ್ಲಚಿಂತಲಹಳ್ಳಿಯ ಪ್ರಗತಿಪರ ರೈತ ಲೋಕೇಶರೆಡ್ಡಿ ಅವರ ತೋಟದಲ್ಲಿ ರೂಡಿ ಬೀಟ್ರೂಟ್ ತಳಿಯ ಕ್ಷೇತ್ರೋತ್ಸವವನ್ನು ಮಂಗಳವಾರ ಹಮ್ಮಿಕೊಳ್ಳಲಾಗಿತ್ತು.</p>.<p>ಕೃಷಿ ಕಾಲೇಜಿನ ತೋಟಗಾರಿಕೆ ವಿಭಾಗದ ಪ್ರೊ. ಶಿವಪ್ಪ ಅವರು ಬೀಟ್ರೂಟ್ ರೂಡಿ ತಳಿಯ ಗುಣ ಲಕ್ಷಣ ಕುರಿತು ಸಂಪೂರ್ಣ ಮಾಹಿತಿ ನೀಡಿದರು.</p>.<p>ಮಳೆಗಾಲ ಮತು ಚಳಿಗಾಲಕ್ಕೆ ರೂಡಿ ಸೂಕ್ತವಾದ ತಳಿಯಾಗಿದೆ. ರೋಗಕ್ಕೆ ಉತ್ತಮವಾದ ಸಹಿಷ್ಣುತೆ ಹೊಂದಿರುತ್ತದೆ. ಉತ್ತಮವಾದ ಮತ್ತು ಏಕರೂಪತೆಯ ಗಡ್ಡೆಗಳು ಬಂದಿರುತ್ತವೆ. ಅತ್ಯುತ್ತಮ ಆಕಾರ, ಗಾತ್ರ ಮತ್ತು ಹೊಳಪು ಹೊಂದಿದ್ದು ಮಾರುಕಟ್ಟೆಯಲ್ಲಿ ವ್ಯಾಪಾರಸ್ಥರ ಗಮನ ಸೆಳೆಯುತ್ತವೆ ಎಂದರು.</p>.<p>ಬೀಟ್ರೂಟ್ ಬೇಸಾಯಕ್ರಮ ಪದ್ಧತಿ ಹಾಗೂ ನೀರಾವರಿ ನಿರ್ವಹಣೆ ಬಗ್ಗೆ ಪ್ರಗತಿಪರ ರೈತರೊಂದಿಗೆ ಚರ್ಚೆ, ಸಂವಾದ ನಡೆಸಿ, ಅವರ ಸಂದೇಹ ನಿವಾರಿಸಿದರು.</p>.<p>ಬೇಸಾಯಶಾಸ್ತ್ರ ವಿಭಾಗದ ವಿಜ್ಞಾನಿ ಮಂಜುನಾಥ್ ಮಾತನಾಡಿ, ಇತ್ತೀಚೆಗೆ ರೈತರ ತೋಟಗಳಲ್ಲಿ ಕಂಡುಬರುತ್ತಿರುವ ಟೊಮೆಟೊ ವೈರಸ್ ನಿರ್ವಹಣೆ ಹಾಗೂ ಬೆಳೆ ತಿರುಗುವಿಕೆ ಕುರಿತು ಸಂಪೂರ್ಣ ಮಾಹಿತಿ ನೀಡಿದರು</p>.<p>ರೇಷ್ಮೆ ಬೆಳೆಯ ಬೇಸಾಯ ಪದ್ಧತಿ, ರೇಷ್ಮೆ ಹುಳುಗಳಿಗೆ ತಗಲುವ ರೋಗ, ಹಿಪ್ಪುನೇರಳೆ ಸೊಪ್ಪಿನ ತಳಿ, ರೇಷ್ಮೆ ಉಳುಗಳ ತಳಿ ಹಾಗೂ ನಿರ್ವಹಣೆ ಕುರಿತು ರೇಷ್ಮೆ ಕೃಷಿ ಕಾಲೇಜಿನ ಪ್ರೊ. ರಾಮಕೃಷ್ಣ ನಾಯಕ್ ವಿವರ ನೀಡಿದರು.</p>.<p>ಪ್ರಗತಿಪರ ರೈತ ಲೋಕೇಶರೆಡ್ಡಿ ರೂಡಿ ಬೀಟ್ರೂಟ್ ತಳಿ ಬೆಳೆಯುವುದರ ಬಗ್ಗೆ ತಮ್ಮ ಅನುಭವ ಹಂಚಿಕೊಂಡು, ರೈತರು ರೂಡಿ ತಳಿಯನ್ನು ಧೈರ್ಯವಾಗಿ ಬೆಳೆಯಬುದು. ಅಗತ್ಯವಾದ ಮಾಹಿತಿ ಮತ್ತು ಮಾರ್ಗದರ್ಶನವನ್ನು ತಾವು ಒದಗಿಸುವುದಾಗಿ ಭರವಸೆ ನೀಡಿದರು.</p>.<p>ಖಾಸಗಿ ಕಂಪನಿಯ ಸೀನಿಯರ್ ಮ್ಯಾನೇಜರ್ ಮಂಜುಪ್ರಕಾಶ್, ಮಾರ್ಕೆಟಿಂಗ್ ಮ್ಯಾನೇಜರ್ ನಾಗರಾಜು ಹಾಗೂ 150ಕ್ಕೂ ಹೆಚ್ಚು ರೈತರು ಭಾಗವಹಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
