ಎಸಿಬಿ ಬಲೆಗೆ ನರ್ಸ್

ಬೆಂಗಳೂರು: ಹೆರಿಗೆಗೆ ದಾಖಲಾದ ಮಹಿಳೆಯ ಸಂಬಂಧಿಕರಿಂದ ದಿನಕ್ಕೆ ₹500 ಲಂಚ ಪಡೆಯುತ್ತಿದ್ದ ಆರೋಪದಲ್ಲಿ ಕೆ.ಸಿ. ಜನರಲ್ ಆಸ್ಪತ್ರೆ ಸ್ಟಾಫ್ ನರ್ಸ್‌ ಒಬ್ಬರನ್ನು ಭ್ರಷ್ಟಾಚಾರ ನಿಗ್ರಹ ದಳದ(ಎಸಿಬಿ) ಅಧಿಕಾರಿಗಳು ಬಂಧಿಸಿದ್ದಾರೆ.

ಉತ್ತರ ತಾಲ್ಲೂಕಿನ ಗೋಪಾಲಪುರದ ನಿವಾಸಿಯೊಬ್ಬರು ತಮ್ಮ ಹೆಂಡತಿಯನ್ನು ಹೆರಿಗೆಗಾಗಿ ಕೆ.ಸಿ. ಜನರಲ್ ಆಸ್ಪತ್ರೆಗೆ ದಾಖಲಿಸಿದ್ದರು.  ದಿನಕ್ಕೆ ₹500 ನೀಡಿದರೆ ಮಾತ್ರ ಚಿಕಿತ್ಸೆ ನೀಡುವುದಾಗಿ ರೋಗಿಯ ಸಂಬಂಧಿಕರನ್ನು ಹೆರಿಗೆ ವಿಭಾಗದ ನರ್ಸ್ ಮತ್ತು ಇತರ ಸಿಬ್ಬಂದಿ ಬೆದರಿಸಿ ಹಣ ಪಡೆಯುತ್ತಿದ್ದರು.

‘ಮಗು ತೋರಿಸಲು ₹700 ಪಡೆದಿದ್ದು, ಇದರಿಂದ ಬೇಸತ್ತ ವ್ಯಕ್ತಿ ನೀಡಿದ ದೂರು ಆಧರಿಸಿ ಕಾರ್ಯಚರಣೆ ನಡೆಸಲಾಗಿದೆ. ನರ್ಸ್‌ ಕೋಕಿಲಾ ₹500 ಲಂಚ ಪಡೆಯುವಾಗ ದಾಳಿ ನಡೆಸಿ ಬಂಧಿಸಲಾಗಿದೆ’ ಎಂದು ಎಸಿಬಿ ಅಧಿಕಾರಿಗಳು ತಿಳಿಸಿದ್ದಾರೆ.