ಕಾಮಗಾರಿಗಳಿಂದ ಸಮಸ್ಯೆ: ಬೆಸ್ಕಾಂ
‘ಸಹಕಾರ ನಗರದ ರಾಧಾಕೃಷ್ಣ ಕಲ್ಯಾಣ ಮಂಟಪ ಮುಖ್ಯರಸ್ತೆಯಲ್ಲಿ ವೈಟ್‌ ಟಾಪಿಂಗ್‌ ಕಾಮಗಾರಿ ನಡೆಯುತ್ತಿದೆ. ಜಲಮಂಡಳಿಯವರು ಕಾವೇರಿ ಕೊಳವೆ ಅಳವಡಿಸಲು ರಾತ್ರೋ ರಾತ್ರಿ ರಸ್ತೆ ಅಗೆಯುತ್ತಾರೆ, ನಮ್ಮ ಗಮನಕ್ಕೆ ತರುವುದಿಲ್ಲ. ಖಾಸಗಿ ಕಂಪನಿಗಳು ಕೇಬಲ್‌ಗಳ ಅಳವಡಿಕೆಗೂ ರಸ್ತೆ ಅಗೆಯುವುದು, ಇಂಥ ಕಾಮಗಾರಿಗಳ ವೇಳೆ ವಿದ್ಯುತ್ ತಂತಿಗಳು ತುಂಡಾಗುತ್ತವೆ. ಇವುಗಳನ್ನು ಪರಿಶೀಲಿಸಿ ಸರಿಪಡಿಸಲು ಕೆಲವೊಮ್ಮೆ ಗಂಟೆಗಳೇ ಹಿಡಿಯುತ್ತವೆ. ಇಷ್ಟನ್ನು ಹೊರತುಪಡಿಸಿ, ವಿದ್ಯುತ್ ನಿರ್ವಹಣೆಯಲ್ಲಿ ಯಾವುದೇ ಸಮಸ್ಯೆಯಿಲ್ಲ’ ಎಂದು ಬೆಸ್ಕಾಂನ ಸಹಕಾರನಗರ, ಸಿ-8 ಉಪವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ಡಾಕಾ ನಾಯಕ್‌ ತಿಳಿಸಿದರು.
