<p><strong>ಬೆಂಗಳೂರು:</strong> ನೈಸ್ ರಸ್ತೆಯಲ್ಲಿ ಪತ್ತೆಯಾದ ಇರ್ತಲೆ ಹಾವನ್ನು (ರೆಡ್ ಸ್ಯಾಂಡ್ ಬೋವ) ವನ್ಯಜೀವಿ ಕಾರ್ಯಕರ್ತರು ಸಂರಕ್ಷಿಸಿ, ಅರಣ್ಯ ಇಲಾಖೆ ಅಧಿಕಾರಿಗಳ ನೆರವಿನಿಂದ ಸುರಕ್ಷಿತ ಪ್ರದೇಶದಲ್ಲಿ ಬಿಟ್ಟಿದ್ದಾರೆ.</p>.<p>ಮಾಗಡಿ ರಸ್ತೆ ಬಳಿ ನೈಸ್ ರಸ್ತೆ ದಾಟಲು ಇರ್ತಲೆ ಹಾವು ಯತ್ನಿಸುತ್ತಿತ್ತು. ಇದನ್ನು ನೋಡಿದ ಕೆಲವು ಸಾರ್ವಜನಿಕರು ಈ ಬಗ್ಗೆ ಸಮೀಪದಲ್ಲೇ ಇದ್ದ ನೈಸ್ ರಸ್ತೆಯ ಸುಂಕ ವಸೂಲಾತಿ ಕೇಂದ್ರದ ಸಿಬ್ಬಂದಿಗೆ ಮಾಹಿತಿ ನೀಡಿದ್ದರು. ಈ ಕೇಂದ್ರದ ಸಿಬ್ಬಂದಿ ವನ್ಯಜೀವಿ ಕಾರ್ಯಕರ್ತರಿಗೆ ಮಾಹಿತಿ ತಲುಪಿಸಿದ್ದರು.</p>.<p>‘ಕರೆ ಬಂದ ತಕ್ಷಣ ನಾನು ಮತ್ತು ವನ್ಯಜೀವಿ ಕಾರ್ಯಕರ್ತ ಎಚ್.ಎನ್.ಸೊಮು ಮಂಗಳವಾರ ರಾತ್ರಿ ಸ್ಥಳಕ್ಕೆ ಧಾವಿಸಿದೆವು. ಅತ್ಯಂತ ಅಪರೂಪದ ಇರ್ತಲೆ ಹಾವು ಅಲ್ಲಿತ್ತು. ಈ ಬಗ್ಗೆ ಸ್ಥಳೀಯ ವಲಯ ಅರಣ್ಯಾಧಿಕಾರಿ ಗಣೇಶ್ ಅವರಿಗೆ ಮಾಹಿತಿ ನೀಡಿ, ಹಾವನ್ನು ರಕ್ಷಣೆ ಮಾಡಿದೆವು. ನಂತರ ಅರಣ್ಯಾಧಿಕಾರಿ ನೆರವಿನಿಂದ ಹಾವನ್ನು ಸುರಕ್ಷಿತ ಪ್ರದೇಶದಲ್ಲಿ ಬಿಟ್ಟುಬಂದೆವು’ ಎಂದು ವನ್ಯಜೀವಿ ಸಂರಕ್ಷರಾದ ವಲ್ಲೀಶ್ ವಿ.ಕೌಶಿಕ್ ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಈ ಹಾವು ಸುಮಾರು 3 ಕೆ.ಜಿ. ತೂಕವಿತ್ತು. 167 ಸೆಂಟಿ ಮೀಟರ್ ಉದ್ದವಿತ್ತು. ಇದೊಂದು ಬಲಿತ ಹಾವು. ಸಾಮಾನ್ಯವಾಗಿ ಈ ಜಾತಿಯ ಹಾವು ರಸ್ತೆ ಬದಿಯಲ್ಲೆಲ್ಲ ಈ ರೀತಿ ಪತ್ತೆಯಾಗುವುದು ಅಪರೂಪ. ಕೆಲವು ಮೂಢನಂಬಿಕೆಗಳ ಕಾರಣಕ್ಕೆ ಈ ಹಾವಿನ ಕಳ್ಳಸಾಗಣೆ ನಡೆಯುತ್ತದೆ. ಯಾರೋ ಹಾವನ್ನು ತಂದು ಇಲ್ಲಿ ಬಿಟ್ಟುಹೋಗಿರಬಹುದು. ಅಥವಾ ಕಳ್ಳ ಸಾಗಣೆ ವೇಳೆ ತಪ್ಪಿಸಿಕೊಂಡಿರಬಹುದು’ ಎಂದು ಅವರು ಸಂದೇಹ ವ್ಯಕ್ತಪಡಿಸಿದರು.</p>.<p>ಪಕ್ಕನೇ ನೋಡಿದಾಗ, ಈ ಜಾತಿಯ ಹಾವುಗಳ ತಲೆ ಹಾಗೂ ಒಂದೇ ರೀತಿ ಕಾಣಿಸುತ್ತವೆ. ಹಾಗಾಗಿ ಇವುಗಳನ್ನು ಇರ್ತಲೆ ಹಾವು, ಇಮ್ಮಂಡೆ ಹಾವು ಅಥವಾ ಎರಡು ತಲೆ ಹಾವುಗಳೆಂದು ಕರೆಯುತ್ತಾರೆ. ಆದರೆ ವಾಸ್ತವದಲ್ಲಿ ಇವುಗಳಿಗೆ ಇರುವುದು ಒಂದೇ ತಲೆ. ಈ ಹಾವುಗಳ ಕುರಿತು ಅನೇಕ ಕಟ್ಟುಕಥೆಗಳು ಚಾಲ್ತಿಯಲ್ಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ನೈಸ್ ರಸ್ತೆಯಲ್ಲಿ ಪತ್ತೆಯಾದ ಇರ್ತಲೆ ಹಾವನ್ನು (ರೆಡ್ ಸ್ಯಾಂಡ್ ಬೋವ) ವನ್ಯಜೀವಿ ಕಾರ್ಯಕರ್ತರು ಸಂರಕ್ಷಿಸಿ, ಅರಣ್ಯ ಇಲಾಖೆ ಅಧಿಕಾರಿಗಳ ನೆರವಿನಿಂದ ಸುರಕ್ಷಿತ ಪ್ರದೇಶದಲ್ಲಿ ಬಿಟ್ಟಿದ್ದಾರೆ.</p>.<p>ಮಾಗಡಿ ರಸ್ತೆ ಬಳಿ ನೈಸ್ ರಸ್ತೆ ದಾಟಲು ಇರ್ತಲೆ ಹಾವು ಯತ್ನಿಸುತ್ತಿತ್ತು. ಇದನ್ನು ನೋಡಿದ ಕೆಲವು ಸಾರ್ವಜನಿಕರು ಈ ಬಗ್ಗೆ ಸಮೀಪದಲ್ಲೇ ಇದ್ದ ನೈಸ್ ರಸ್ತೆಯ ಸುಂಕ ವಸೂಲಾತಿ ಕೇಂದ್ರದ ಸಿಬ್ಬಂದಿಗೆ ಮಾಹಿತಿ ನೀಡಿದ್ದರು. ಈ ಕೇಂದ್ರದ ಸಿಬ್ಬಂದಿ ವನ್ಯಜೀವಿ ಕಾರ್ಯಕರ್ತರಿಗೆ ಮಾಹಿತಿ ತಲುಪಿಸಿದ್ದರು.</p>.<p>‘ಕರೆ ಬಂದ ತಕ್ಷಣ ನಾನು ಮತ್ತು ವನ್ಯಜೀವಿ ಕಾರ್ಯಕರ್ತ ಎಚ್.ಎನ್.ಸೊಮು ಮಂಗಳವಾರ ರಾತ್ರಿ ಸ್ಥಳಕ್ಕೆ ಧಾವಿಸಿದೆವು. ಅತ್ಯಂತ ಅಪರೂಪದ ಇರ್ತಲೆ ಹಾವು ಅಲ್ಲಿತ್ತು. ಈ ಬಗ್ಗೆ ಸ್ಥಳೀಯ ವಲಯ ಅರಣ್ಯಾಧಿಕಾರಿ ಗಣೇಶ್ ಅವರಿಗೆ ಮಾಹಿತಿ ನೀಡಿ, ಹಾವನ್ನು ರಕ್ಷಣೆ ಮಾಡಿದೆವು. ನಂತರ ಅರಣ್ಯಾಧಿಕಾರಿ ನೆರವಿನಿಂದ ಹಾವನ್ನು ಸುರಕ್ಷಿತ ಪ್ರದೇಶದಲ್ಲಿ ಬಿಟ್ಟುಬಂದೆವು’ ಎಂದು ವನ್ಯಜೀವಿ ಸಂರಕ್ಷರಾದ ವಲ್ಲೀಶ್ ವಿ.ಕೌಶಿಕ್ ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.</p>.<p>‘ಈ ಹಾವು ಸುಮಾರು 3 ಕೆ.ಜಿ. ತೂಕವಿತ್ತು. 167 ಸೆಂಟಿ ಮೀಟರ್ ಉದ್ದವಿತ್ತು. ಇದೊಂದು ಬಲಿತ ಹಾವು. ಸಾಮಾನ್ಯವಾಗಿ ಈ ಜಾತಿಯ ಹಾವು ರಸ್ತೆ ಬದಿಯಲ್ಲೆಲ್ಲ ಈ ರೀತಿ ಪತ್ತೆಯಾಗುವುದು ಅಪರೂಪ. ಕೆಲವು ಮೂಢನಂಬಿಕೆಗಳ ಕಾರಣಕ್ಕೆ ಈ ಹಾವಿನ ಕಳ್ಳಸಾಗಣೆ ನಡೆಯುತ್ತದೆ. ಯಾರೋ ಹಾವನ್ನು ತಂದು ಇಲ್ಲಿ ಬಿಟ್ಟುಹೋಗಿರಬಹುದು. ಅಥವಾ ಕಳ್ಳ ಸಾಗಣೆ ವೇಳೆ ತಪ್ಪಿಸಿಕೊಂಡಿರಬಹುದು’ ಎಂದು ಅವರು ಸಂದೇಹ ವ್ಯಕ್ತಪಡಿಸಿದರು.</p>.<p>ಪಕ್ಕನೇ ನೋಡಿದಾಗ, ಈ ಜಾತಿಯ ಹಾವುಗಳ ತಲೆ ಹಾಗೂ ಒಂದೇ ರೀತಿ ಕಾಣಿಸುತ್ತವೆ. ಹಾಗಾಗಿ ಇವುಗಳನ್ನು ಇರ್ತಲೆ ಹಾವು, ಇಮ್ಮಂಡೆ ಹಾವು ಅಥವಾ ಎರಡು ತಲೆ ಹಾವುಗಳೆಂದು ಕರೆಯುತ್ತಾರೆ. ಆದರೆ ವಾಸ್ತವದಲ್ಲಿ ಇವುಗಳಿಗೆ ಇರುವುದು ಒಂದೇ ತಲೆ. ಈ ಹಾವುಗಳ ಕುರಿತು ಅನೇಕ ಕಟ್ಟುಕಥೆಗಳು ಚಾಲ್ತಿಯಲ್ಲಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
