ಬಿಎಂಟಿಸಿಯಲ್ಲಿ ಹಿಂದಿ ಭಾಷೆ ಬಳಕೆ ವಿರೋಧಿಸಿ ಟ್ವಿಟರ್‌ ಅಭಿಯಾನ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ) ತನ್ನ ಪ್ರಯಾಣಿಕರಿಗೆ ಹಿಂದಿ ಭಾಷೆಯಲ್ಲಿ ಮಾಹಿತಿ ನೀಡಲು ಮುಂದಾಗಿರುವುದಕ್ಕೆ ವಿರೋಧ ವ್ಯಕ್ತವಾಗಿದೆ.
ಹಿಂದಿ ಹೇರಿಕೆ ವಿರೋಧಿಸಿ #nammaBMTCHindiBeda ಎಂಬ ಹ್ಯಾಶ್‌ಟ್ಯಾಗ್‌ ಅಡಿಯಲ್ಲಿ ಇಂದು ಸಂಜೆ ಆರು ಗಂಟೆಗೆ ಟ್ವಿಟರ್‌ ಅಭಿಯಾನ ನಡೆಸಲು ಕನ್ನಡ ಪರ ಸಂಘಟನೆಗಳು ನಿರ್ಧರಿಸಿವೆ.
ಬಿಎಂಟಿಸಿ ತನ್ನ ಪ್ರಯಾಣಿಕರಿಗೆ ಕನ್ನಡ ಹಾಗೂ ಇಂಗ್ಲಿಷ್‌ ಭಾಷೆಗಳಲ್ಲಿ ಮಾಹಿತಿ ನೀಡಬಹುದು. ಆದರೆ, ಹಿಂದಿ ಭಾಷೆ ಬೇಡವೇ ಬೇಡ ಎಂಬ ಮಾತು ಕೇಳಿಬಂದಿದೆ.
ಇಂದು ಸಂಜೆ 6 ಗಂಟೆಗೆ pic.twitter.com/nxMz5hSo1w
— ಬನವಾಸಿ ಬಳಗ | Banavasi Balaga (@bbprakaashana) January 31, 2020
‘ನಮ್ಮ ಮೆಟ್ರೋನವರು ಅನಾವಶ್ಯಕವಾಗಿ ಹಿಂದಿ ಬಳಸಿದ್ದಾಯಿತು, ಈಗ ಬಿಎಂಟಿಸಿ ಅವರು ಹಿಂದಿ ಬಳಸುತ್ತಾರೆಂತೆ. ಕನ್ನಡಿಗರು ಇನ್ನೊಂದು ಸುತ್ತಿನ ಹೋರಾಟಕ್ಕೆ ತಯಾರಾಗಬೇಕಿದೆ’ ಎಂದು ಬನವಾಸಿ ಬಳಗದ ಅರುಣ್ ಜಾವಗಲ್ ತಿಳಿಸಿದ್ದಾರೆ.
ನಮ್ಮ ಮೆಟ್ರೋನವರು ಅನಾವಶ್ಯಕವಾಗಿ ಹಿಂದಿ ಬಳಸಿದ್ದಾಯಿತು, ಈಗ BMTC ನವರು ಹಿಂದಿ ಬಳಸ್ತಾರಂತೆ.. ಕನ್ನಡಿಗರು ಇನ್ನೊಂದು ಸುತ್ತಿನ ಹೋರಾಟಕ್ಕೆ ತಯಾರಾಗಬೇಕಿದೆ.. pic.twitter.com/bZg56hcavv
— ಅರುಣ್ ಜಾವಗಲ್ | Arun Javgal (@ajavgal) January 31, 2020
‘ಬೇಡದ ಹಿಂದಿ ಬಳಕೆಯ ವಿರುದ್ಧ ಟ್ವಿಟ್ಟರ್ ಅಭಿಯಾನ... ಇಂದು ಸಂಜೆ 6 ರಿಂದ’ ಎಂದು ಕನ್ನಡ ಗ್ರಾಹಕರ ಕೂಟ ತನ್ನ ಟ್ವೀಟ್‌ ಮಾಡಿದೆ.
ಬೇಡದ ಹಿಂದಿ ಬಳಕೆಯ ವಿರುದ್ಧ ಟ್ವಿಟ್ಟರ್ ಅಭಿಯಾನ ಇಂದು ಸಂಜೆ 6 ರಿಂದ.#NammaBMTCHindiBeda
ದಿನಾಂಕ : 31 ಜನವರಿ 2020, ಸಂಜೆ 6 ರಿಂದ.@prajavani @dp_satish pic.twitter.com/Sqvud4OlC4— ಕನ್ನಡ ಗ್ರಾಹಕರ ಕೂಟ (@KannadaGrahaka) January 31, 2020
‘ಒಂದು ದೇಶ ಒಂದು ಭಾಷೆ ಕಡೆಗಿನ ಒಂದು ಹೆಜ್ಜೆ... ಬಿಎಂಟಿಸಿಯಲ್ಲಿ ಹಿಂದಿ... ಇದನ್ನು ಒಂದಾಗಿ ವಿರೋಧಿಸೋಣ...’ ಎಂದು ಆನಂದ್ ಎಂಬುವವರು ತಮ್ಮ ಫೇಸ್ಬುಕ್ ಪೋಸ್ಟ್‌ನಲ್ಲಿ ಹೇಳಿದ್ದಾರೆ.
ಬಜೆಟ್ ಮಾಹಿತಿಗೆ: www.prajavani.net/budget-2020
ಪ್ರಜಾವಾಣಿ ಫೇಸ್ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
