ಯಳಂದೂರು:ಬಿಆರ್ಟಿ ಅರಣ್ಯ ವ್ಯಾಪ್ತಿಯಲ್ಲಿ ಹೆಣ್ಣಾನೆಯೊಂದನ್ನು ಸೀಳು ನಾಯಿಗಳ (ಕೆನ್ನಾಯಿಗಳು) ಗುಂಪು ಅಟ್ಟಾಡಿಸಿದ ಪ್ರಸಂಗವೊಂದು ಮೊಬೈಲ್ನಲ್ಲಿ ಸೆರೆಯಾಗಿದೆ.
ಮಂಗಳವಾರ ಈ ಘಟನೆ ನಡೆದಿದೆ ಎಂದು ಹೇಳಲಾಗುತ್ತಿದೆ. ವಿಡಿಯೊ ತುಣುಕು ‘ಪ್ರಜಾವಾಣಿ’ಗೆ ಲಭ್ಯವಾಗಿದೆ.
ಹೆಣ್ಣಾನೆಯೊಂದರ ಮೇಲೆ ದಾಳಿ ನಡೆಸಲು ಕೆನ್ನಾಯಿಗಳು ಯತ್ನಿಸುತ್ತಿರುವ ಹಾಗೂ ಆನೆ ಘೀಳಿಡುತ್ತಾ ಸೊಂಡಿಲು ಬೀಸಿ, ಕಾಲಿನಿಂದ ಒದೆಯುತ್ತಾ ಕೆನ್ನಾಯಿಗಳನ್ನು ಓಡಿಸುವ ದೃಶ್ಯವೂ ವಿಡಿಯೊದಲ್ಲಿದೆ.