<p>ಚಾಮರಾಜನಗರ: ‘ಉಪ್ಪಾರ ಸಮಾಜದ ಮೂಲಮಠ ಮತ್ತು ದೇವರಗುಡ್ಡಪ್ಪ ಅವರ ಗದ್ದಿಗೆ ಶಿಥಿಲಗೊಂಡಿದ್ದು, ಜೀರ್ಣೋದ್ಧಾರ ಮಾಡಬೇಕಿದೆ. ದೇವರಗುಡ್ಡಪ್ಪ ಅವರ ವಂಶಸ್ಥರು 2 ಎಕರೆ ಜಮೀನನ್ನು ಮಠದ ನಿರ್ಮಾಣಕ್ಕೆ ನೀಡಲು ಒಪ್ಪಿಗೆ ಸೂಚಿಸಿದ್ದಾರೆ’ ಎಂದು ಮುಖಂಡ ಮಂಗಲ ಶಿವಕುಮಾರ್ ಹೇಳಿದರು.<br /> <br /> ತಾಲ್ಲೂಕಿನ ಮಂಗಲ ಗ್ರಾಮದಲ್ಲಿ ಉಪ್ಪಾರ ಮೂಲ ಪೀಠದ ಜೀರ್ಣೋದ್ಧಾರಕ್ಕೆ ಚಾಲನೆ ನೀಡುವ ಹಿನ್ನೆಲೆಯಲ್ಲಿ ಈಚೆಗೆ ನಡೆದ ಉಪ್ಪಾರ ಸಮಿತಿ ಸಭೆಯಲ್ಲಿ ಅವರು ಮಾತನಾಡಿದರು.<br /> <br /> ಚಾಮರಾಜನಗರ, ಮೈಸೂರು, ಮಂಡ್ಯ ಜಿಲ್ಲೆಯ ಮೇಲು ಸಕ್ಕರೆ ಉಪ್ಪಾರರ 88 ಗಡಿ ಗ್ರಾಮಸ್ಥರು ಈ ಪೀಠದ ವ್ಯಾಪ್ತಿಗೆ ಬರುತ್ತಾರೆ. ದೇವರಗುಡ್ಡಪ್ಪ ಸ್ವಾಮೀಜಿ ಅವರು 300 ವರ್ಷದ ಹಿಂದೆಯೇ ಮಂಗಲ ಗ್ರಾಮದಲ್ಲಿ ಹಲವು ಧಾರ್ಮಿಕ ಕಾರ್ಯ ಕೈಗೊಂಡು ಉಪ್ಪಾರ ಪೀಠ ಸ್ಥಾಪಿಸಿದ್ದರು ಎಂದರು.<br /> <br /> ಮಂಗಲದ ಬೆಟ್ಟದ ಮೇಲಿನ ಶ್ರೀಶಂಕರೇಶ್ವರ ದೇವಾಲಯ, ನಂಜನಗೂಡಿನ ನಂಜುಂಡೇಶ್ವರ ದೇವಾಲಯದ ಮುಂಭಾಗದಲ್ಲಿ ಮಂಟಪ ಹಾಗೂ ಚಿಲಕವಾಡಿ, ಮುಡುಕುತೊರೆ, ಬಿಳಿಗಿರಿರಂಗನಬೆಟ್ಟ ಸೇರಿದಂತೆ ವಿವಿಧೆಡೆ ಕಲ್ಯಾಣ ಮಂಟಪ ಸ್ಥಾಪಿಸಿ ಹಲವು ಪವಾಡ ಸೃಷ್ಟಿಸಿದ್ದಾರೆ ಎಂದು ಹೇಳಿದರು.<br /> <br /> 88 ಗಡಿಮನೆ, ಕಟ್ಟೆಮನೆ ಸ್ಥಾಪಿಸಿ ಅವುಗಳಿಗೆ ತಮ್ಮದೆಯಾದ ನೀತಿ ರೂಪಿಸಿದ್ದಾರೆ. ಆ ಮೂಲಕ ಉಪ್ಪಾರ ಸಮುದಾಯದ ಒಗ್ಗಟ್ಟಿಗೆ ಮುನ್ನುಡಿ ಬರೆದಿದ್ದಾರೆ ಎಂದರು.<br /> <br /> ಮೂರು ಜಿಲ್ಲೆಯ ಗಡಿಮನೆ, ಕಟ್ಟೆಮನೆ ಯಜಮಾನರ ಸಮ್ಮುಖದಲ್ಲಿ ಶೀಘ್ರವೇ ಉಪ್ಪಾರ ಮೂಲ ಪೀಠದ ಜೀರ್ಣೋದ್ಧಾರಕ್ಕೆ ಶಂಕುಸ್ಥಾಪನೆ ನೆರವೇರಿಸಲಾಗುವುದು ಎಂದು ತಿಳಿಸಿದರು.<br /> <br /> ಇದೇ ವೇಳೆ ದೇವರಗುಡ್ಡಪ್ಪ ಮೂಲ ಪೀಠದ ಅಭಿವೃದ್ಧಿ ಸಮಿತಿ ರಚಿಸಲಾಯಿತು. ಸಮಿತಿಯ ಅಧ್ಯಕ್ಷರಾಗಿ ಮಂಗಲ ಶಿವಕುಮಾರ್ ಆಯ್ಕೆಯಾದರು.<br /> <br /> ಸಭೆಯಲ್ಲಿ ಮುಖಂಡರಾದ ರಂಗಸ್ವಾಮಿ, ಪುಟ್ಟಸ್ವಾಮಿ, ಮಾರಶೆಟ್ಟಿ, ಎಂ.ಕೆ. ನಾಗರಾಜು, ಮಹದೇವಶೆಟ್ಟಿ, ಕಾಂತರಾಜು, ಚೆಲುವರಾಜು, ಕುಮಾರ್ ಹಾಜರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಾಮರಾಜನಗರ: ‘ಉಪ್ಪಾರ ಸಮಾಜದ ಮೂಲಮಠ ಮತ್ತು ದೇವರಗುಡ್ಡಪ್ಪ ಅವರ ಗದ್ದಿಗೆ ಶಿಥಿಲಗೊಂಡಿದ್ದು, ಜೀರ್ಣೋದ್ಧಾರ ಮಾಡಬೇಕಿದೆ. ದೇವರಗುಡ್ಡಪ್ಪ ಅವರ ವಂಶಸ್ಥರು 2 ಎಕರೆ ಜಮೀನನ್ನು ಮಠದ ನಿರ್ಮಾಣಕ್ಕೆ ನೀಡಲು ಒಪ್ಪಿಗೆ ಸೂಚಿಸಿದ್ದಾರೆ’ ಎಂದು ಮುಖಂಡ ಮಂಗಲ ಶಿವಕುಮಾರ್ ಹೇಳಿದರು.<br /> <br /> ತಾಲ್ಲೂಕಿನ ಮಂಗಲ ಗ್ರಾಮದಲ್ಲಿ ಉಪ್ಪಾರ ಮೂಲ ಪೀಠದ ಜೀರ್ಣೋದ್ಧಾರಕ್ಕೆ ಚಾಲನೆ ನೀಡುವ ಹಿನ್ನೆಲೆಯಲ್ಲಿ ಈಚೆಗೆ ನಡೆದ ಉಪ್ಪಾರ ಸಮಿತಿ ಸಭೆಯಲ್ಲಿ ಅವರು ಮಾತನಾಡಿದರು.<br /> <br /> ಚಾಮರಾಜನಗರ, ಮೈಸೂರು, ಮಂಡ್ಯ ಜಿಲ್ಲೆಯ ಮೇಲು ಸಕ್ಕರೆ ಉಪ್ಪಾರರ 88 ಗಡಿ ಗ್ರಾಮಸ್ಥರು ಈ ಪೀಠದ ವ್ಯಾಪ್ತಿಗೆ ಬರುತ್ತಾರೆ. ದೇವರಗುಡ್ಡಪ್ಪ ಸ್ವಾಮೀಜಿ ಅವರು 300 ವರ್ಷದ ಹಿಂದೆಯೇ ಮಂಗಲ ಗ್ರಾಮದಲ್ಲಿ ಹಲವು ಧಾರ್ಮಿಕ ಕಾರ್ಯ ಕೈಗೊಂಡು ಉಪ್ಪಾರ ಪೀಠ ಸ್ಥಾಪಿಸಿದ್ದರು ಎಂದರು.<br /> <br /> ಮಂಗಲದ ಬೆಟ್ಟದ ಮೇಲಿನ ಶ್ರೀಶಂಕರೇಶ್ವರ ದೇವಾಲಯ, ನಂಜನಗೂಡಿನ ನಂಜುಂಡೇಶ್ವರ ದೇವಾಲಯದ ಮುಂಭಾಗದಲ್ಲಿ ಮಂಟಪ ಹಾಗೂ ಚಿಲಕವಾಡಿ, ಮುಡುಕುತೊರೆ, ಬಿಳಿಗಿರಿರಂಗನಬೆಟ್ಟ ಸೇರಿದಂತೆ ವಿವಿಧೆಡೆ ಕಲ್ಯಾಣ ಮಂಟಪ ಸ್ಥಾಪಿಸಿ ಹಲವು ಪವಾಡ ಸೃಷ್ಟಿಸಿದ್ದಾರೆ ಎಂದು ಹೇಳಿದರು.<br /> <br /> 88 ಗಡಿಮನೆ, ಕಟ್ಟೆಮನೆ ಸ್ಥಾಪಿಸಿ ಅವುಗಳಿಗೆ ತಮ್ಮದೆಯಾದ ನೀತಿ ರೂಪಿಸಿದ್ದಾರೆ. ಆ ಮೂಲಕ ಉಪ್ಪಾರ ಸಮುದಾಯದ ಒಗ್ಗಟ್ಟಿಗೆ ಮುನ್ನುಡಿ ಬರೆದಿದ್ದಾರೆ ಎಂದರು.<br /> <br /> ಮೂರು ಜಿಲ್ಲೆಯ ಗಡಿಮನೆ, ಕಟ್ಟೆಮನೆ ಯಜಮಾನರ ಸಮ್ಮುಖದಲ್ಲಿ ಶೀಘ್ರವೇ ಉಪ್ಪಾರ ಮೂಲ ಪೀಠದ ಜೀರ್ಣೋದ್ಧಾರಕ್ಕೆ ಶಂಕುಸ್ಥಾಪನೆ ನೆರವೇರಿಸಲಾಗುವುದು ಎಂದು ತಿಳಿಸಿದರು.<br /> <br /> ಇದೇ ವೇಳೆ ದೇವರಗುಡ್ಡಪ್ಪ ಮೂಲ ಪೀಠದ ಅಭಿವೃದ್ಧಿ ಸಮಿತಿ ರಚಿಸಲಾಯಿತು. ಸಮಿತಿಯ ಅಧ್ಯಕ್ಷರಾಗಿ ಮಂಗಲ ಶಿವಕುಮಾರ್ ಆಯ್ಕೆಯಾದರು.<br /> <br /> ಸಭೆಯಲ್ಲಿ ಮುಖಂಡರಾದ ರಂಗಸ್ವಾಮಿ, ಪುಟ್ಟಸ್ವಾಮಿ, ಮಾರಶೆಟ್ಟಿ, ಎಂ.ಕೆ. ನಾಗರಾಜು, ಮಹದೇವಶೆಟ್ಟಿ, ಕಾಂತರಾಜು, ಚೆಲುವರಾಜು, ಕುಮಾರ್ ಹಾಜರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
