ಕೆನಡಾಕ್ಕೆ ಚಿಕ್ಕಬಳ್ಳಾಪುರದ ದತ್ತುಮಕ್ಕಳು

ಚಿಕ್ಕಬಳ್ಳಾಪುರ: ಕೆನಡಾದ ಆ ದಂಪತಿಗೆ ಮಕ್ಕಳಿಲ್ಲ. ಚಿಕ್ಕಬಳ್ಳಾಪುರದ ವಿಶೇಷ ದತ್ತು ಕೇಂದ್ರದಲ್ಲಿರುವ ಇಬ್ಬರು ಹೆಣ್ಣು ಮಕ್ಕಳಿಗೆ ಪೋಷಕರಿಲ್ಲ. ಈಗ ಈ ಇಬ್ಬರು ಹೆಣ್ಣು ಮಕ್ಕಳು, ಕೆನಡಾ ದಂಪತಿಯ ಮಡಿಲು ಸೇರಲು ಸಜ್ಜಾಗಿದ್ದಾರೆ. ಹೀಗೆ ಕೆನಡಾ ಮತ್ತು ಚಿಕ್ಕಬಳ್ಳಾಪುರದ ನಡುವೆ ‘ಕರುಳಿನ ಕೂಗು’ ಏರ್ಪಟ್ಟಿದೆ.

. ಗೌರಿಬಿದನೂರು ತಾಲ್ಲೂಕಿನ ಹಳ್ಳಿಯೊಂದರ ಮಹಿಳೆ ಒಂದೂವರೆ ವರ್ಷದ ಹಿಂದೆ ಮೂರು ವರ್ಷ ಮತ್ತು ಒಂದು ವರ್ಷದ ಹೆಣ್ಣು ಮಗುವನ್ನು ಬಿಟ್ಟು ನಿಧನರಾದರು. ಈ ಮಕ್ಕಳ ತಂದೆ ಮದ್ಯವ್ಯಸನಿ. ಗ್ರಾಮಸ್ಥರೇ ಸ್ವಲ್ಪದಿನ ಮಕ್ಕಳಿಗೆ ಊಟ, ಬಟ್ಟೆ ನೀಡಿ ಪೋಷಿಸಿದ್ದರು. ನಂತರ ಮಕ್ಕಳ ತಂದೆಯ ಮನವೊಲಿಸಿದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ, ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿಗಳು ಕಾನೂನುಬದ್ಧವಾಗಿ ವಿಶೇಷ ದತ್ತು ಕೇಂದ್ರಕ್ಕೆ ದಾಖಲಿಸಿಕೊಂಡರು.

. ಇತ್ತ ಕೆನಡಾದಲ್ಲಿ ನೆಲೆಸಿರುವ ಪಂಜಾಬ್ನ ಅಶಿಷ್ ಕೋಸ್ಲ ದಂಪತಿ ಕೇಂದ್ರ ದತ್ತು ಸಂಪನ್ಮೂಲ ಪ್ರಾಧಿಕಾರದ (ಸಿಎಆರ್ಎ) ಜಾಲತಾಣದಲ್ಲಿ ಮಗುವಿಗಾಗಿ ಹೆಸರು ನೋಂದಾಯಿಸಿಕೊಂಡಿದ್ದರು. ಕಾರ್ನರ್ ಸ್ಟೋನ್ ದತ್ತು ಸ್ವೀಕಾರ ಸಂಸ್ಥೆ ಸಹ ದಂಪತಿಯ ನೆರವಿಗೆ ಬಂದಿತು. ಅಶಿಷ್ ಕೋಸ್ಲ ಕೆನಡಾದಲ್ಲಿ ಎಸ್ಬಿಐ ಉದ್ಯೋಗಿ.

. ಆನ್ಲೈನ್ ನೋಂದಣಿ ವೇಳೆ ತಾವು ಯಾವ ರೀತಿಯ ಮಗು ಬಯಸಿರುವುದಾಗಿ ದಂಪತಿ ದಾಖಲಿಸಿದ್ದಾರೆ. ಆ ಮಾಹಿತಿಗೂ ಮತ್ತು ಚಿಕ್ಕಬಳ್ಳಾಪುರದವಿಶೇಷ ದತ್ತು ಕೇಂದ್ರದಲ್ಲಿನ ಮಕ್ಕಳಿಗೂ ಹೊಂದಾಣಿಕೆ ಆಗಿದೆ. ದತ್ತು ಕೇಂದ್ರದಲ್ಲಿದ್ದ ಅಕ್ಕ ತಂಗಿಯನ್ನು ದತ್ತು ಪಡೆಯಲು ದಂಪತಿ ಮುಂದಾಗಿದ್ದಾರೆ.

. ‘ಈಗ ಒಂದು ಮಗುವಿಗೆ ಐದು ಮತ್ತು ಮತ್ತೊಂದು ಮಗುವಿಗೆ ಎರಡು ವರ್ಷವಾಗಿದೆ. ಕೆನಡಾದ ದಂಪತಿ ಆನ್ಲೈನ್ನಲ್ಲಿಯೇ ಮಕ್ಕಳನ್ನು ನೋಡಿ ದತ್ತು ಪಡೆಯಲು ಒಪ್ಪಿದರು’ ಎಂದು ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಉಪನಿರ್ದೇಶಕ ಎನ್.ನಾರಾಯಣಸ್ವಾಮಿ ತಿಳಿಸಿದರು.

. ದತ್ತು ಪಡೆದ ನಂತರ ಎರಡು ವರ್ಷ ಸ್ವಯಂ ಸೇವಾ ಸಂಸ್ಥೆಯ ಮೂಲಕ ಮಕ್ಕಳ ಮೇಲೆ ನಿಗಾ ಇರಿಸಲಾಗುತ್ತದೆ. ವಿದೇಶಕ್ಕೆ ಜಿಲ್ಲೆಯಿಂದ ಮಕ್ಕಳನ್ನು ದತ್ತು ನೀಡುತ್ತಿರುವ ಮೊದಲ ಪ್ರಕ್ರಿಯೆ ಇದು ಎಂದು ಮಾಹಿತಿ ನೀಡಿದರು.

. ಪಾಸ್ಪೋರ್ಟ್ ಪ್ರಕ್ರಿಯೆ ಚಾಲ್ತಿ ‘ಎರಡೂ ದೇಶಗಳು ದತ್ತುಪಕ್ರಿಯೆಯಲ್ಲಿ ನಿರಾಕ್ಷೇಪಣಾ ಪತ್ರ ನೀಡಬೇಕು. ಈ ಎಲ್ಲ ದಾಖಲೆಗಳ ಪ್ರಕ್ರಿಯೆಗಳು ಪೂರ್ಣವಾಗಿವೆ. ಮಕ್ಕಳಿಗೆ ಪಾಸ್ಪೋರ್ಟ್ ಮತ್ತು ವೀಸಾ ಸಿದ್ಧಗೊಳಿಸಲಾಗುತ್ತಿದೆ. ನಂತರ ಕೆನಡಾದಿಂದ ದಂಪತಿಯೇ ಬಂದು ಮಕ್ಕಳನ್ನು ಕರೆದುಕೊಂಡು ಹೋಗುವರು’ ಎಂದು ನಾರಾಯಣಸ್ವಾಮಿ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೆನಡಾಕ್ಕೆ ಚಿಕ್ಕಬಳ್ಳಾಪುರದ ದತ್ತುಮಕ್ಕಳು

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ತುಮಕೂರಿನಲ್ಲಿ ದಾವಣಗೆರೆ ಪಿಎಸ್‌ಐ ಬಿ.ಆರ್‌.ನಾಗರಾಜಪ್ಪ ಆತ್ಮಹತ್ಯೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ