ನಂದಿಬೆಟ್ಟ ಫೋಟೊ ಶೂಟ್: ಆದಾಯ ಖೋತಾ

ಚಿಕ್ಕಬಳ್ಳಾಪುರ : ನಂದಿಬೆಟ್ಟ ಪ್ರವಾಸಿಗರು, ಚಾರಣಪ್ರಿಯರು ಹಾಗೂ ಯುವ ಪ್ರೇಮಿಗಳಿಗೆ ಮಾತ್ರ ಅಚ್ಚುಮೆಚ್ಚಿನ ತಾಣವಲ್ಲ. ಫೋಟೊಶೂಟ್ ಪ್ರಿಯರಿಗೂ ಅತ್ಯಂತ ಮೆಚ್ಚಿನ ಗಿರಿಧಾಮ. ರಾಜ್ಯದಲ್ಲಿಯೇ ಅತಿ ಹೆಚ್ಚು ಫೋಟೊಶೂಟ್ಗಳು ನಡೆಯುವ ತಾಣಗಳಲ್ಲಿ ನಂದಿಬೆಟ್ಟವೂ ಪ್ರಮುಖವಾಗಿದೆ.

. ಇಂತಿಪ್ಪ ನಂದಿಬೆಟ್ಟದಲ್ಲಿ ಲಾಕ್ಡೌನ್ ಮತ್ತು ಕೊರೊನಾ ಕಾರಣದಿಂದ ಫೋಟೊಶೂಟ್ ಆದಾಯ ಗಣನೀಯವಾಗಿ ಕುಸಿದಿದೆ. ಕ್ಯಾಮೆರಾ ಹಿಡಿದು ಬೆಟ್ಟದ ಬುಡದಲ್ಲೊ ತುದಿಯಲ್ಲೊ ಕಾಣುತ್ತಿದ್ದವರು ಗೌಣವಾಗಿದ್ದಾರೆ. ಸಾಮಾನ್ಯವಾಗಿ ನಿತ್ಯ ಫೋಟೊಶೂಟ್ಗೆ ಮೂರರಿಂದ ನಾಲ್ಕು ಮಂದಿಯಾದರೂ ಬರುತ್ತಿದ್ದರು. ಆದರೆ ಈಗ ಅಪರೂಪವಾಗಿದ್ದಾರೆ.

. ಫೋಟೊಶೂಟ್ಗೆ ನಂದಿಬೆಟ್ಟದಲ್ಲಿರುವ ತೋಟಗಾರಿಕಾ ಇಲಾಖೆಯ ಕಚೇರಿಯಲ್ಲಿ ಅನುಮತಿ ಪಡೆಯಬೇಕು. ಇಲ್ಲಿಯೇ ಹಣವನ್ನು ಪಾವತಿಸಬೇಕು. ವಿವಾಹಕ್ಕೆ ಪೂರ್ವ ನವಜೋಡಿ, ಪ್ರೆಗ್ನೆನ್ಸಿ, ನಾಮಕರಣ ಹೀಗೆ ವಿವಿಧ ಜನರು ಫೋಟೊಶೂಟ್ ಮಾಡಿಕೊಳ್ಳುವರು. ಧಾರಾವಾಹಿ, ಜಾಹೀರಾತು, ಸಿನಿಮಾ ಚಿತ್ರೀಕರಣವೂ ನಂದಿಬೆಟ್ಟದಲ್ಲಿ ನಡೆಯುತ್ತದೆ. ಹೀಗೆ ಚಿತ್ರೀಕರಣಗಳಿಂದ ವಾರ್ಷಿಕ ಸರಾಸರಿ ₹ 2 ಲಕ್ಷ ಆದಾಯ ಸಂಗ್ರಹವಾಗುತ್ತದೆ. ಆದರೆ ಲಾಕ್ಡೌನ್ ಮತ್ತು ಕೊರೊನಾ ಪರಿಣಾಮ 2019–20ನೇ ಸಾಲಿನಲ್ಲಿ ಕೇವಲ ₹ 65,940 ಆದಾಯ ಮಾತ್ರ ಸಂಗ್ರಹವಾಗಿದೆ.

. ಕೋವಿಡ್ ಮೊದಲ ಅಲೆಯ ನಂತರ ‘ಪುಟ್ಟಗೌರಿ ಮದುವೆ’, ‘ಶಾಂತಂ ಪಾಪಂ’ ಸೇರಿದಂತೆ ನಾಲ್ಕು ಧಾರಾವಾಹಿಗಳ ಚಿತ್ರೀಕರಣವಾಗಿವೆ. ಎರಡು ಚಲನಚಿತ್ರಗಳ ಶೂಟಿಂಗ್ ಸಹ ಬೆಟ್ಟದಲ್ಲಿ ನಡೆದಿದೆ.

. ಚಿತ್ರೀಕರಣಕ್ಕೆ ಹೊರ ರಾಜ್ಯದವರು: ಬೆಂಗಳೂರಿಗೆ ನಂದಿಬೆಟ್ಟ ಹತ್ತಿರವಿದೆ. ಈ ಕಾರಣದಿಂದ ಬೆಂಗಳೂರಿನವರೂ ಇಲ್ಲಿ ಹೆಚ್ಚು ಫೋಟೊಶೂಟ್ಗೆ ಬರುತ್ತಾರೆ. ಅಂದಮಾತ್ರಕ್ಕೆ ಬೇರೆ ಭಾಗಗಳ ಜನರು ಕಡಿಮೆ ಎಂದೇನಿಲ್ಲ. ರಾಜ್ಯದ ವಿವಿಧ ಭಾಗಗಳ ಜನರೂ ನಂದಿಬೆಟ್ಟವನ್ನು ಹುಡುಕಿ ಬರುವರು. ಅಷ್ಟೇಕೆ ನೆರೆಯ ಆಂಧ್ರಪ್ರದೇಶದ ನವಜೋಡಿಗಳು ಇಲ್ಲಿಗೆ ಬಂದು ಫೋಟೊಶೂಟ್ ಮಾಡಿಸಿಕೊಂಡಿದ್ದಾರೆ.

. ಬೆಟ್ಟದಲ್ಲಿಯೇ ಇರುವ ತೋಟಗಾರಿಕಾ ಇಲಾಖೆಯ ಕಚೇರಿಯಲ್ಲಿ ಫೋಟೊಶೂಟ್ಗೆ ಅನುಮತಿ ಪಡೆಯಬೇಕು. ಸಿನಿಮಾ ಚಿತ್ರೀಕರಣಗಳಿಗೆ ಪೊಲೀಸ್ ಭದ್ರತೆ ಪಡೆಯಬೇಕು. ವಾರ್ತಾ ಇಲಾಖೆಯಿಂದ ಅನುಮತಿ ಪತ್ರ ಸಹ ತರಬೇಕು. ಡ್ರೋನ್ನಲ್ಲಿ ಚಿತ್ರಗಳನ್ನು ಸೆರೆಹಿಡಿಯುವಂತಿಲ್ಲ. ಗಿರಿಧಾಮದ ಮೇಲಿನ ದೇವಸ್ಥಾನದಲ್ಲಿಯೂ ಚಿತ್ರೀಕರಣಕ್ಕೆ ಅವಕಾಶವಿಲ್ಲ.

. ಕಲ್ಯಾಣಿಯಲ್ಲಿ ನೀರು ಇರುವ ಕಾರಣ ಜನರ ಪ್ರವೇಶ ಅಲ್ಲಿಗೆ ನಿಷೇಧವಿದೆ. ಆದರೆ ಫೋಟೊಶೂಟ್ಗೆ ಬರುವವರಿಗೆ ಎಚ್ಚರಿಕೆಯ ನಡುವೆ ಕಲ್ಯಾಣಿ ಬಳಿಗೆ ಬಿಡಲಾಗುತ್ತದೆ. ಅಲ್ಲಿಯೂ ಉತ್ತಮ ಚಿತ್ರಗಳು ಸೆರೆಯಾಗುತ್ತವೆ ಎನ್ನುವ ಕಾರಣಕ್ಕೆ ಈ ಅವಕಾಶವನ್ನು ಅಧಿಕಾರಿಗಳು ನೀಡಿದ್ದಾರೆ.

. ಚಿತ್ರೀಕರಣಕ್ಕೆ ಎಷ್ಟು ಶುಲ್ಕ: ನಂದಿಬೆಟ್ಟದಲ್ಲಿ ನಡೆಯುವ ಚಿತ್ರೀಕರಣಗಳಿಗೂ ಜಿಎಸ್ಟಿ ಅನ್ವಯವಾಗುತ್ತದೆ. ಒಂದು ದಿನದ ಫೋಟೊಶೂಟ್ಗೆ ಒಂದು ಜೋಡಿಗೆ ₹ 3,540, ಧಾರಾವಾಹಿ, ಜಾಹೀರಾತು ಚಿತ್ರೀಕರಣಕ್ಕೆ ಒಂದು ದಿನಕ್ಕೆ ₹ 11,800, ಕನ್ನಡ ಸಿನಿಮಾಗಳಿಗೆ ₹ 23,600, ಕನ್ನಡೇತರ ಸಿನಿಮಾಗಳ ಚಿತ್ರೀಕರಣಕ್ಕೆ 29,500 ಶುಲ್ಕ ಪಾವತಿಸಬೇಕಾಗುತ್ತದೆ. ಜಿಎಸ್ಟಿ ಜಾರಿಗೂ ಮುನ್ನ ಈ ಹಣದಲ್ಲಿ ಶೇ 18ರಷ್ಟು ಹಣ ಕಡಿಮೆ ಇರುತ್ತಿತ್ತು.

. ಚಿತ್ರೀಕರಣಕ್ಕಾಗಿ ಉದ್ಯಾನ ಮತ್ತಷ್ಟು ಅಂದ: ಲಾಕ್ಡೌನ್ ಮತ್ತು ಕೊರೊನಾ ಕಾರಣದಿಂದ ಸಿನಿಮಾಗಳು, ಧಾರಾವಾಹಿಗಳ ಚಿತ್ರೀಕರಣವೂ ಸ್ಥಗಿತವಾಗಿತ್ತು. ಈ ಕಾರಣದಿಂದ ಆದಾಯ ಕಡಿಮೆ ಆಗಿದೆ. ಜನಜೀವನ ಸೇರಿದಂತೆ ಎಲ್ಲ ಚಟುವಟಿಕೆಗಳು ಸಹಜ ಸ್ಥಿತಿಗೆ ಬಂದ ನಂತರ ಮತ್ತೆ ಆದಾಯ ಯಥಾಸ್ಥಿತಿಗೆ ಬರುವ ಸಾಧ್ಯತೆ ಇದೆ ಎಂದು ನಂದಿಬೆಟ್ಟದ ವಿಶೇಷ ಅಧಿಕಾರಿ ಗೋಪಾಲ್ ತಿಳಿಸಿದರು.

. ಫೋಟೊಶೂಟ್ ಅಥವಾ ಚಿತ್ರೀಕರಣಕ್ಕೆ ಬರುವವರ ಜತೆ ನಾವು ಗ್ರಾಹಕ ಸ್ನೇಹಿಯಾಗಿ ಇರುತ್ತೇವೆ. ಫೋಟೊಶೂಟ್ಗೆ ಬರುವವರು ಆ ಚಿತ್ರಗಳು ನೆನಪಿನಲ್ಲಿ ಉಳಿಯಲಿ ಎಂದೇ ಬರುವರು. ಹಲವು ವರ್ಷಗಳು ಕಳೆದರೂ ಆ ಚಿತ್ರಗಳು ಅವರಿಗೆ ಖುಷಿಕೊಡುತ್ತವೆ. ಖುಷಿಯಲ್ಲಿ ಬರುವವರ ಜತೆ ನಾವೂ ಸ್ನೇಹದಿಂದ ನಡೆದುಕೊಂಡರೆ ಅವರು ಮತ್ತಷ್ಟು ಸಂತಸಗೊಳ್ಳುವರು ಎಂದು ಹೇಳಿದರು.

. ಚಿತ್ರೀಕರಣಕ್ಕೆ ಬರುವವರಿಗೆ ಪ್ಲಾಸ್ಟಿಕ್ ಬಳಸಬಾರದು, ಕಸ ಇದ್ದರೆ ಎಲ್ಲೆಂದರಲ್ಲಿ ಎಸೆಯಬಾರದು ಸೇರಿದಂತೆ ಕೆಲವು ಸೂಚನೆಗಳನ್ನು ನೀಡುತ್ತೇವೆ ಅಷ್ಟೇ. ಫೋಟೊಶೂಟ್ ಮತ್ತು ಚಿತ್ರೀಕರಣದ ದೃಷ್ಟಿಯಿಂದಲೇ ನಾವು ತೋಟಗಾರಿಕೆ ಇಲಾಖೆ ನಿರ್ವಹಿಸುವ ಉದ್ಯಾನದಲ್ಲಿ ಬಗೆ ಬಗೆಯ ಹೂಗಳನ್ನು ಬೆಳೆಸಿದ್ದೇವೆ. ಆ ವಾತಾವರಣ ಚಿತ್ರೀಕರಣಕ್ಕೆ ಉತ್ತಮ ಸ್ಥಳ ಎನಿಸಬೇಕು. ಆ ರೀತಿಯಲ್ಲಿ ರೂಪಿಸಿದ್ದೇವೆ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಂದಿಬೆಟ್ಟ ಫೋಟೊ ಶೂಟ್: ಆದಾಯ ಖೋತಾ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್