ಸೋಮವಾರ, ಸೆಪ್ಟೆಂಬರ್ 27, 2021
23 °C
ಟೋಲ್‌ ಶುಲ್ಕ ವಿನಾಯಿತಿಗೆ ಆಗ್ರಹ

ದಿಗಂಬರರಾಗಿ ಸ್ವಾಮೀಜಿ ಪ್ರತಿಭಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಗೌರಿಬಿದನೂರು: ಟೋಲ್‌ಗಳಲ್ಲಿ ಸಾಧು ಸಂತರು, ಸನ್ಯಾಸಿಗಳ ಹಾಗೂ ಮಠಾಧೀಶರ ವಾಹನಗಳಿಗೆ ಶುಲ್ಕ ವಿನಾಯಿತಿ ನೀಡಬೇಕು ಎಂದು ಆಗ್ರಹಿಸಿ ರಾಮೋಹಳ್ಳಿಯ ಸಿದ್ಧಾರೂಢ ಮಿಷನ್ ಆಶ್ರಮದ ಅಧ್ಯಕ್ಷ ಡಾ.ಆರೂಡಿ ಭಾರತಿ ಸ್ವಾಮೀಜಿ ದಿಗಂಬರರಾಗಿ ತಿಪ್ಪಗಾನ
ಹಳ್ಳಿ ಟೋಲ್ ಬಳಿ ಪ್ರತಿಭಟಿಸಿದರು.

ಸ್ವಾಮೀಜಿ ಕಾರ್ಯ ನಿಮಿತ್ತ ಬೆಂಗಳೂರಿನಿಂದ ಗೌರಿಬಿದನೂರು ಕಡೆಗೆ ಪ್ರಯಾಣಿಸುತ್ತಿದ್ದರು. ತಿಪ್ಪಗಾನಹಳ್ಳಿ ಟೋಲ್ ಬಳಿ ಟೋಲ್ ಸಿಬ್ಬಂದಿ ಸ್ವಾಮೀಜಿ ಅವರ ಕಾರು ತಡೆದು ಶುಲ್ಕ ಪಾವತಿಸುವಂತೆ ಕೋರಿದ್ದಾರೆ. ಆದರೆ, ಸ್ವಾಮೀಜಿ ಮತ್ತು ಟೋಲ್ ಸಿಬ್ಬಂದಿ ನಡುವೆ ಕೆಲಕಾಲ ಚರ್ಚೆ ನಡೆದಿದೆ. ಕೂಡಲೇ ಸ್ವಾಮೀಜಿ ಕಾರಿನಿಂದ ಇಳಿದು ದಿಗಂಬರರಾಗಿ ರಸ್ತೆಯಲ್ಲೆ ಪ್ರತಿಭಟಿಸಿದರು.

ಟೋಲ್ ವ್ಯವಸ್ಥಾಪಕ ಬಾಲಾಜಿ ಸ್ಥಳಕ್ಕೆ ಬಂದು ಸ್ವಾಮೀಜಿ ಅವರಿಂದ ಶುಲ್ಕ ಪಡೆಯದೆ ಕಳುಹಿಸಿದರು.

ಈ ವೇಳೆ ಸ್ವಾಮೀಜಿ‌ ಪ್ರತಿಕ್ರಿಯಿಸಿ, ‘ದೇಶದಲ್ಲಿ ಹಿಂದೂ ರಾಷ್ಟ್ರದ ಪರಿಕಲ್ಪನೆಯಿದೆ. ನರೇಂದ್ರ ‌ಮೋದಿ ಪ್ರಧಾನಿ ಆಗಿರುವಾಗ ಸನ್ಯಾಸಿಯೊಬ್ಬರು ಟೋಲ್ ಶುಲ್ಕ ವಿನಾಯಿತಿಗೆ ಈ ರೀತಿ ಪ್ರತಿಭಟಿಸಬೇಕಾದ ಸ್ಥಿತಿ ಎದುರಾಗಿರುವುದು ದುರದೃಷ್ಟಕರ’ ಎಂದರು.

ಟೋಲ್ ವ್ಯವಸ್ಥಾಪಕ ಬಾಲಾಜಿ ಪ್ರತಿಕ್ರಿಯಿಸಿ, ‘ಟೋಲ್‌ನಲ್ಲಿ ಮಠಾಧೀಶರು ಮತ್ತು ಸಾಧು ಸಂತರ ವಾಹನಗಳಿಗೆ ಶುಲ್ಕ ವಿನಾಯಿತಿ ನೀಡುವಂತೆ ಸರ್ಕಾರ ಅಥವಾ ರಸ್ತೆ ಅಭಿವೃದ್ಧಿ ಪ್ರಾಧಿಕಾರದಿಂದ ಯಾವುದೇ ಆದೇಶವಿಲ್ಲ. ಆದರೂ ಮಾನವೀಯ ‌ದೃಷ್ಟಿಯಿಂದ ಕೆಲವು ವೇಳೆ ಅವಕಾಶ ನೀಡಬೇಕಾಗುತ್ತದೆ’ ಎಂದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು