ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ಕೋವಿಡ್ ಪ್ರತಿರೋಧಕ ಲಸಿಕೆ ಮೆಗಾ ಮೇಳ ಆಯೋಜಿಸಲಾಗಿದ್ದು, ಎಲ್ಲ ತಾಲ್ಲೂಕು ಆಸ್ಪತ್ರೆ, ಸಮುದಾಯ ಮತ್ತು ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ಎರಡನೇ ಡೋಸ್ ಹಾಕಲಾಗುತ್ತಿದೆ.
ನಗರದ ಬೇಲೂರು ರಸ್ತೆಯ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ತೆರೆದಿರುವ ಲಸಿಕಾ ಕೇಂದ್ರದಲ್ಲಿ ಜನರು ಬೆಳಿಗ್ಗೆಯಿಂದಲೇ ಸಾಲುಗಟ್ಟಿ ನಿಂತಿದ್ದಾರೆ.
'ಕೋವಿ ಶೀಲ್ಡ್' ಮೊದಲ ಡೋಸ್ ಹಾಕಿಸಿಕೊಂಡು 84 ದಿನಗಳು ಆಗಿರುವವರಿಗೆ, 'ಕೋ ವ್ಯಾಕ್ಸಿನ್' ಹಾಕಿಸಿಕೊಂಡು 42 ದಿನಗಳು ಆಗಿರುವವರಿಗೆ ಎರಡನೇ ಡೋಸ್ ಹಾಕಲಾಗುತ್ತಿದೆ ಎಂದು ಲಸಿಕೆ ವಿಭಾಗದ ಡಾ.ಭರತ್ 'ಪ್ರಜಾವಾಣಿ'ಗೆ ತಿಳಿಸಿದರು.