ಕಳಸ: ಅಡಿಕೆ ಮರಗಳಿಗೆ ವಿಚಿತ್ರ ರೋಗಬಾಧೆ

ಕಳಸ: ಇಲ್ಲಿಗೆ ಸಮೀಪದ ಎಳನೀರು, ಬಡಮನೆ, ಸಂಸೆ, ಮೈದಾಡಿ, ಮರಸಣಿಗೆ ಗ್ರಾಮಗಳ ತೋಟಗಳಲ್ಲಿ 2 ವಾರಗಳಿಂದ ಅಡಿಕೆ ಮರಗಳಿಗೆ ವಿಚಿತ್ರ ರೋಗಬಾಧೆ ಕಾಣಿಸಿಕೊಂಡಿದೆ. ಮರದ ಎಲ್ಲ ಎಲೆಗಳು ಸೊರಗಿ, ತೊಂಡೆಯ ಕಡೆಗೆ ಬಾಗುತ್ತಿವೆ.ಇದರಿಂದ ಇಡೀ ತೋಟವೇ ಸೊರಗಿದ ಹಾಗೆ ಕಾಣುತ್ತಿದ್ದು, ಕೃಷಿಕರು ಕಂಗೆಟ್ಟಿದ್ದಾರೆ.

. ಕಳೆದ ವರ್ಷ ಮರಸಣಿಗೆ ಸಮೀಪದ ಕೆಲ ತೋಟಗಳಲ್ಲಿ ಇದೇ ರೋಗ ಲಕ್ಷಣ ಕಾಣಿಸಿಕೊಂಡಿತ್ತು. ಈ ಬಾರಿ ಅಲ್ಲಿಂದ 10-15 ಕಿ.ಮೀ. ದೂರದ ಎಳನೀರು, ಬಡಮನೆ ಮತ್ತು ಸಂಸೆ ಪ್ರದೇಶದ ಸುಮಾರು 100 ಎಕರೆ ತೋಟಗಳಲ್ಲಿ ಈ ರೋಗ ಬಾಧೆ ಕಂಡು ಬಂದಿದೆ. ವಿಚಿತ್ರ ಎಂದರೆ ಒಂದೆರಡು ದಿನಗಳಲ್ಲೆ ಈ ರೋಗ ಲಕ್ಷಣ ಇಡೀ ತೋಟಕ್ಕೆ ವ್ಯಾಪಿಸುತ್ತಿದೆ. ಕೆಲವು ತೋಟಗಳಲ್ಲಿ ಅಡಿಕೆ ಫಸಲು ಕೂಡ ಕೆಂಬಣ್ಣಕ್ಕೆ ತಿರುಗಿ ನೆಲಕ್ಕೆ ಉದುರುತ್ತಿವೆ.

. ‘ಅಡಿಕೆ ಫಸಲು ಕೊಯ್ಲು ಆರಂಭವಾಗುವ ಈ ಸಂದರ್ಭದಲ್ಲಿ ಅತ್ಯಂತ ಅಪಾಯಕಾರಿಯಾಗಿ ವ್ಯಾಪಿಸುತ್ತಿರುವ ಈ ರೋಗದ ಬಗ್ಗೆ ಇಡೀ ತಾಲ್ಲೂಕಿನ ಬೆಳೆಗಾರರ ಸಮೂಹದಲ್ಲಿ ಭಯ ಆವರಿಸಿದೆ. ಈ ವರ್ಷ ಮೂರು ಬಾರಿ ಬೋರ್ಡೊ ದ್ರಾವಣ ಸಿಂಪಡಣೆ ಮಾಡಿ ಫಸಲು ಉಳಿಸಿಕೊಂಡಿದ್ದೇವೆ. ಗೊನೆ ತೆಗೆಯುವ ಸಮಯದಲ್ಲಿ ಕಂಡು ಬಂದಿರುವ ಈ ವಿಚಿತ್ರ ರೋಗ ನಮ್ಮ ನೆಮ್ಮದಿ ಕೆಡಿಸುತ್ತಿದೆ’ ಎಂದು ಮರಸಣಿಗೆ ಸಮೀಪದ ಮಕ್ಕಿಮನೆಯ ಬೆಳೆಗಾರ ವಜ್ರಕುಮಾರ್ ಹೇಳುತ್ತಾರೆ.

. ಈ ರೋಗವು ಅತ್ಯಂತ ವಿಕೋಪಕ್ಕೆ ತಲುಪಿರುವ ಬಡಮನೆಯ ತೋಟದ ರಾಜೇಂದ್ರ ಅತ್ಯಂತ ಹತಾಶರಾಗಿದ್ದಾರೆ. ‘ಒಂದು ವಾರದಲ್ಲಿ ರೋಗ ಹರಡುತ್ತಿರುವ ವೇಗ ನೋಡಿದರೆ ನಾವು ಈ ವರ್ಷ ಗೊನೆ ತೆಗೆಯುವುದೇ ಅನುಮಾನ ಅನಿಸುತ್ತಿದೆ. ಮೊದಲ ಗೊನೆಯ ಜೊತೆಗೆ ಮೂರನೇ ಮತ್ತು ನಾಲ್ಕನೇ ಗೊನೆಗೂ ರೋಗ ತಗುಲಿ ಕಾಯಿಗಳು ನೆಲಕ್ಕೆ ಉದುರುತ್ತಿವೆ’ ಎಂದು ಬೇಸರದಿಂದ ಹೇಳುತ್ತಾರೆ.

. ಅವರ ತೋಟದಲ್ಲಿ ದೊಡ್ಡ ಮತ್ತು ಸಣ್ಣ ಮರಗಳ ಜೊತೆಗೆ ಪಾತಿಯಲ್ಲಿ ನೆಡಲು ಸಜ್ಜಾಗಿದ್ದ ಎಳೆಯ ಅಡಿಕೆ ಸಸಿಗಳಿಗೂ ಇದೇ ರೋಗ ತಗುಲಿರುವುದು ಅದರ ಗಂಭೀರತೆಗೆ ಸಾಕ್ಷಿ ಆಗಿದೆ. ಬಡಮನೆಯಿಂದ ಸಂಸೆ ಕಡೆಗೂ ಕಳೆದ ವಾರದಿಂದ ವ್ಯಾಪಿಸುತ್ತಿರುವ ಈ ರೋಗ ಕಾರ್ಮಣ್ಣಿನ ಧರಣೇಂದ್ರ ಮತ್ತು ಪ್ರಮೋದ್ ಅವರ ತೋಟಕ್ಕೂ ಹರಡಿದೆ.

. ‘ಈ ರೋಗ ಹರಡುವ ವೇಗ ನೋಡಿದರೆ ಇನ್ನು ಅಡಿಕೆ ಬೆಳೆಗಾರರು ಉಳಿಯುವುದೇ ಕಷ್ಟ. ಸರ್ಕಾರ ಈ ರೋಗಕ್ಕೆ ನಿಖರ ಕಾರಣ ಪತ್ತೆ ಹಚ್ಚಿ, ಔಷಧಿ ಸಲಹೆ ನೀಡಬೇಕು. ಇಲ್ಲದಿದ್ದರೆ ನಾವೆಲ್ಲರೂ ಆರ್ಥಿಕ ಸಂಕಟಕ್ಕೆ ಸಿಲುಕುತ್ತೇವೆ’ ಎಂದು ಬೆಳೆಗಾರ ಕೆ.ಜೆ.ಧರಣೇಂದ್ರ ಹೇಳುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಳಸ: ಅಡಿಕೆ ಮರಗಳಿಗೆ ವಿಚಿತ್ರ ರೋಗಬಾಧೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ