ಚಿತ್ರದುರ್ಗ: ಜೀವ ಹಿಂಡುತ್ತಿದೆ ಸುಣ್ಣದ ಗುಮ್ಮಿಯ ಹೊಗೆ, ದೂಳು!

ಎಲೆ–ಅಡಿಕೆ ತಾಂಬೂಲ ಮೆಲ್ಲುವವರು ಹಳೆಯ ಮನೆಗಳ ಗೋಡೆಗಳಿಗೆ ಕೋಟೆ ದೇವಸ್ಥಾನಗಳ ಗೋಡೆಗಳಿಗೆ ಹಬ್ಬ– ಹರಿದಿನಗಳಲ್ಲಿ ಸುಣ್ಣ ಬಳಿಯುವುದು ವಾಡಿಕೆ. ಹೀಗಾಗಿ ಸುಣ್ಣಕ್ಕೆ ಬೇಡಿಕೆ ಇದೆ. ನಗರದ ಸುಣ್ಣಗಾರರು ಇಲ್ಲಿನ ಗುಮ್ಮಿಗಳಿಂದ ಕೋಲಾರ ಬಳ್ಳಾರಿ ಹಂಪಿ ತುಮಕೂರು ದಾವಣಗೆರೆ ಮತ್ತಿತರ ಜಿಲ್ಲೆಗಳಿಗೆ ಸುಣ್ಣ ಕಳುಹಿಸುತ್ತಾರೆ. ಗೋವಾದ ಪುರಾತನ ಚರ್ಚ್‌ಗಳಿಗೂ ಇಲ್ಲಿಂದ ಸುಣ್ಣ ರವಾನೆಯಾಗುತ್ತದೆ. ‘ಕ್ಯಾದಿಗೆರೆ ಬುರುಜನರೊಪ್ಪ ಪಾಲವ್ವನಹಳ್ಳಿ ಗೌಡಗೆರೆ ನೆಲಗೇತನಹಟ್ಟಿ ಕಡೆಗಳಿಂದ ಸುಣ್ಣದ ಕಲ್ಲು ತರಿಸುತ್ತೇವೆ. 4 ಟನ್‌ನ ಒಂದು ಲೋಡು ಸುಣ್ಣದ ಕಲ್ಲು ತಂದರೆ 2 ಟನ್‌ ಸುಣ್ಣ ಬರುತ್ತದೆ’ ಎಂದು ಸಣ್ಣಗಾರರೊಬ್ಬರು ತಿಳಿಸಿದರು.