ಮೀನುಗಾರರಿಗೆ ಸಿಕ್ಕ ‘ಚಿನ್ನದ ಬೇಟೆ’: ಮೊದಲೆರಡು ದಿನ ಅಂಜಲ್ ಆವಕ

ಮಂಗಳೂರು: ಈ ಬಾರಿ ಒಂದು ತಿಂಗಳು ತಡವಾಗಿ ಮೀನುಗಾರಿಕೆ ಆರಂಭಗೊಂಡಿದ್ದರೂ, ಮೊದಲೆರಡು ದಿನಗಳಲ್ಲಿ ಚಿನ್ನದ ಬೇಟೆಯೇ ದೊರಕಿದಂತಾಗಿದೆ. ಮಾರುಕಟ್ಟೆಯಲ್ಲಿ ದುಬಾರಿ ಬೆಲೆ ಹೊಂದಿದ ಅಂಜಲ್ ಮೀನು ಮೊದಲೆರಡು ದಿನಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಲೆಗೆ ಬಿದ್ದಿದೆ.

. ಮಂಗಳೂರಿನ ಧಕ್ಕೆಯಿಂದ ಕಾರ್ಯಾಚರಿಸುವ 1,250 ಟ್ರಾಲ್ ಹಾಗೂ ಸುಮಾರು 300ರಷ್ಟು ಪರ್ಸೀನ್ ಹಾಗೂ ಇತರ ನಾಡದೋಣಿಗಳಿವೆ. ಈ ಪೈಕಿ ಶೇ 20ರಷ್ಟು ದೋಣಿಗಳು ಈಗಾಗಲೇ ಮೀನುಗಾರಿಕೆಗೆ ತೆರಳಿವೆ. ಈ ಪೈಕಿ ಪರ್ಸೀನ್ ಬೋಟ್ಗಳು ಆಯಾ ದಿನವೇ ಹಿಂತಿರುಗುತ್ತವೆ. ಟ್ರಾಲ್ ಬೋಟ್ ಒಂದು ವಾರದಿಂದ ಎರಡು ವಾರಗಳಷ್ಟು ಮೀನುಗಾರಿಕೆಯಲ್ಲಿ ತೊಡಗಿರುತ್ತವೆ. ಹೀಗಾಗಿ, ಮೊದಲ ಹಂತದಲ್ಲಿ ಪರ್ಸೀನ್ ಬೋಟ್ಗಳ ಮೀನು ಬರುತ್ತಿವೆ. ಟ್ರಾಲ್ ಬೋಟ್ಗಳು ಸೆ.7ರ ಬಳಿಕ ಬರುವ ನಿರೀಕ್ಷೆ ಇದೆ.

. ‘ಮಾರುಕಟ್ಟೆಗೆ ಬುಧವಾರ ಹೆಚ್ಚಿನ ಸಂಖ್ಯೆಯಲ್ಲಿ ಅಂಜಲ್ ಮೀನು ಬಂದಿತ್ತು. ದೊಡ್ಡ ದೊಡ್ಡ ಗಾತ್ರದ ಅಂಜಲ್ ಕೆ.ಜಿ.ಗೆ ₹400ರಿಂದ ₹600ರ ತನಕ ಬೇಡಿಕೆ ಇತ್ತು. ಇದರಿಂದಾಗಿ ಕೆ.ಜಿ.ಗೆ ₹700ರಿಂದ ₹800ರ ಆಸುಪಾಸಿನಲ್ಲಿದ್ದ ದರವು ಕುಸಿದಿದೆ. ಅಲ್ಲದೇ, ತಾಜಾ ಮೀನು ಸಿಗುತ್ತಿದೆ. ಸೆಪ್ಟೆಂಬರ್ ಎರಡನೇ ವಾರದಲ್ಲಿ ಹೆಚ್ಚಿನ ಮೀನು ಬರಬಹುದು’ ಎಂದು ಧಕ್ಕೆಯಲ್ಲಿನ ಮೀನು ವ್ಯಾಪಾರಿ ಶ್ರೀಧರ್ ತಿಳಿಸಿದರು.

. ಪ್ರತಿ ವರ್ಷ ಆಗಸ್ಟ್ 1ರಿಂದ ಮೀನುಗಾರಿಕಾ ಋತು ಆರಂಭಗೊಳ್ಳುತ್ತಿತ್ತು. ಆದರೆ, ಈ ಬಾರಿ ಕೋವಿಡ್–19 ಪರಿಣಾಮ ಸೆಪ್ಟೆಂಬರ್ 1ರಿಂದ ಮೀನುಗಾರಿಕೆ ಆರಂಭಗೊಂಡಿದೆ. ಅಲ್ಲದೇ, ಈ ಹಿಂದಿನ ಋತುವಿನಲ್ಲಿ 2020 ಮಾರ್ಚ್ 25ರ ಬಳಿಕ ಮೀನುಗಾರಿಕೆಯು ಬಹುತೇಕ ಸ್ಥಗಿತಗೊಂಡಿತ್ತು. ಹೀಗಾಗಿ, ಮೀನುಗಾರರಿಗೆ ಹೆಚ್ಚಿನ ಪ್ರಮಾಣದಲ್ಲಿ ನಷ್ಟವಾಗಿತ್ತು.

. ‘ಕಳೆದೆರಡು ದಿನಗಳಲ್ಲಿ ಸುಮಾರು 30ರಷ್ಟು ಪರ್ಸೀನ್ ಹಾಗೂ 240ರಷ್ಟು ಟ್ರಾಲ್ ಬೋಟ್ಗಳು ಮೀನುಗಾರಿಕೆಗೆ ತೆರಳಿವೆ. ಈ ಪೈಕಿ ಪರ್ಸೀನ್ ಬೋಟ್ಗಳು ಪ್ರತಿನಿತ್ಯ ಬರುತ್ತವೆ. ಟ್ರಾಲ್ ಬೋಟ್ಗಳು ಬರಲು ವಿಳಂಬವಿದೆ. ಉತ್ತಮ ಸಂಖ್ಯೆಯಲ್ಲಿ ಅಂಜಲ್ ಮೀನು ದೊರೆತಿದ್ದು, ಮೀನುಗಾರರೂ ಖುಷಿಯಾಗಿದ್ದಾರೆ. ಕೆಲವೊಂದು ಏಳೆಂಟು ಕೆ.ಜಿ.ಗೂ ಅಧಿಕವಿತ್ತು’ ಎಂದು ಮೀನುಗಾರಿಕಾ ಉಪನಿರ್ದೇಶಕ ಪಾರ್ಶ್ವನಾಥ್ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೀನುಗಾರರಿಗೆ ಸಿಕ್ಕ ‘ಚಿನ್ನದ ಬೇಟೆ’: ಮೊದಲೆರಡು ದಿನ ಅಂಜಲ್ ಆವಕ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ