ಈ ಕುರಿತು ಮಾಹಿತಿ ನೀಡಿದ ಕುಲಸಚಿವ ಪ್ರೊ.ಎ.ಎಂ. ಖಾನ್, ‘ಕುಲಾಧಿಪತಿಗಳಿಗೆ ಕಡುಗೆಂಪು ನಿಲುವಂಗಿ ಹಾಗೂ ಹೆಗಲ ಮೇಲೆ ನೀಲಿ ಅಂಚಿನ ಶಾಲು (ಅಂಗವಸ್ತ್ರ), ಸಹ ಕುಲಾಧಿಪತಿಗಳಿಗೆ ನೌಕಾನೀಲಿ ನಿಲುವಂಗಿ ಹಾಗೂ ನೀಲಿ ಅಂಚಿನ ಪೀತವರ್ಣದ ಶಾಲು, ಕುಲಪತಿಗಳಿಗೆ ಆಕಾಶ ನೀಲಿ ನಿಲುವಂಗಿ ಹಾಗೂ ಕೆಂಪು ಅಂಚಿನ ಚಿನ್ನದ ಬಣ್ಣದ ಶಾಲುಗಳನ್ನು ವಿನ್ಯಾಸ ಮಾಡಲಾಗಿದೆ. ಇದೇ ರೀತಿ ಕುಲಸಚಿವರು, ಡೀನ್, ಸಿಂಡಿಕೇಟ್, ಅಕಾಡೆಮಿಕ್ ಕೌನ್ಸಿಲ್ ಸೇರಿದಂತೆ ಗೌರವ ಹಾಗೂ ಡಾಕ್ಟರೇಟ್ ಸ್ವೀಕೃತರಿಗೂ ವಿವಿಧ ವಿನ್ಯಾಸಗಳನ್ನು ರೂಪಿಸಲಾಗಿದೆ’ ಎಂದು ವಿವರಿಸಿದರು.