<p><strong>ಮಡಿಕೇರಿ</strong>: ‘ಬೆಳಕಿನ ದಸರೆ’ಯಲ್ಲಿ ಮೊದಲಿಗೆ ಹೊರಡುವ ಮಂಟಪ ಪೇಟೆ ಶ್ರೀರಾಮಮಂದಿರದ್ದು. ಸುಮಾರು 150ಕ್ಕೂ ಅಧಿಕ ವರ್ಷಗಳಷ್ಟು ಸುದೀರ್ಘ ಕಾಲದಿಂದ ವಿಜಯದಶಮಿಯಂದು ಮೆರವಣಿಗೆಯಲ್ಲಿ ಭಾಗಿಯಾಗುತ್ತಿರುವ ಈ ದೇಗುಲದ ಮಂಟಪ ಕಲೆ ಹಾಗೂ ಸಂಸ್ಕೃತಿಯ ಉಳಿಸುವಿಕೆಯಲ್ಲಿ ತನ್ನದೇಯಾದ ಮಹತ್ವವನ್ನುಪಡೆದಿದೆ.</p><p>ವಿಜಯದಶಮಿಯ ದಿನ ಪಲ್ಲಕ್ಕಿಯಲ್ಲಿ ದೇವರಪಟಗಳನ್ನು ಹೊತ್ತುಕೊಂಡು ನಗರದಲ್ಲಿ ಮೆರವಣಿಗೆ ಮಾಡುವ ಸಂಪ್ರದಾಯ ಆರಂಭವಾಯಿತು. ನಂತರ, ಚಲಿಸುವ ಮಂಟಪ ಮಾಡುವುದನ್ನು ಆರಂಭಿಸಲಾ ಯಿತು. ತದನಂತರ ಕ್ರಮೇಣ ಉಳಿದ ದೇಗುಲಗಳೂ ಮಂಟಪ ಹೊರಡಿಸಲು ಆರಂಭಿಸಿದವು.</p><p>ಪೇಟೆ ಶ್ರೀರಾಮಮಂದಿರದ ಮಂಟಪವೇ ಮೊದಲು ಹೊರಟು 4 ಕರಗಗಳ ದೇವಸ್ಥಾನಕ್ಕೆ ಕಳಸದೊಂದಿಗೆ ಹೋಗುತ್ತದೆ. ತದನಂತರ, ಎಲ್ಲ ಮಂಟಪಗಳೂ ಹೊರಡುತ್ತವೆ.</p><p>ಕಳೆದ ವರ್ಷ ‘ವೈಕುಂಠ ದರ್ಶನ’ವನ್ನು ತನ್ನ ಮಂಟಪದಲ್ಲಿ ಪ್ರದರ್ಶಿಸಿ, ನೋಡುಗರ ಮೆಚ್ಚುಗೆ ಗಳಿಸಿತ್ತು. ಅದಕ್ಕೂ ಮುಂಚಿನ ವರ್ಷದಲ್ಲಿ ‘ಶಿವದರ್ಶನ’ವೂ ಸೂಜಿಗಲ್ಲಿನಂತೆ ಸೆಳೆದಿತ್ತು. ಈ ಬಾರಿ ಪೇಟೆ ಶ್ರೀರಾಮಮಂದಿರ ದೇವಾಲಯ ದಸರಾ ಮಂಟಪ ಸಮಿತಿಯು ‘ವಿಷ್ಣುವಿನ ಮತ್ಸ್ಯಾವತಾರ’ ಕಥಾ ಹಂದರವನ್ನು ಆಯ್ದುಕೊಂಡಿದೆ.</p><p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಸಮಿತಿಯ ಅಧ್ಯಕ್ಷ ಎಂ.ಚೇತನ್, ‘ಈ ಬಾರಿ ವಿಷ್ಣುವಿನ ಮತ್ಸ್ಯಾವತಾರ ಕಥೆಯನ್ನು ಮಂಟಪದಲ್ಲಿ ಬಿತ್ತರಿಸಲಾಗುವುದು. ಇದಕ್ಕಾಗಿ ₹ 10 ಲಕ್ಷವನ್ನು ವ್ಯಯಿಸಲಾಗುತ್ತಿದೆ. 2 ಟ್ರಾಕ್ಟರ್ಅನ್ನು ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ಒಟ್ಟು 4 ಕಲಾಕೃತಿಗಳು ಮಂಟಪದಲ್ಲಿ ಇರಲಿವೆ. ಕಲಾಕೃತಿಗಳನ್ನು ಕೇರಳದ ಪಯ್ಯನೂರಿನ ಕಲಾವಿದ ಮಧುಕರ್ ಹಾಗೂ ತಂಡದವರು ತಯಾರಿಸುತ್ತಿದ್ದಾರೆ. ಲೈಟಿಂಗ್ ಬೋರ್ಡ್ಅನ್ನು ದಿಂಡಿಗಲ್ನ ಸೆಲ್ವಂ ಎಲೆಕ್ಟ್ರಿಕಲ್ಸ್ನವರು ರೂಪಿಸುತ್ತಿದ್ದಾರೆ’ ಎಂದು ಮಾಹಿತಿ ನೀಡಿದರು.</p><p>‘ಎಂದಿನಂತೆ ನಮ್ಮ ಮಂಟಪ ಸಾಂಪ್ರದಾಯಿಕವಾಗಿ ಮೆರವಣಿಗೆಯಲ್ಲಿ ಸಾಗಲಿದೆ’ ಎಂದು ಅವರು ಹೇಳಿದರು.</p><p><strong>ದೇಚೂರಿನಲ್ಲಿ ಈ ಬಾರಿ ‘ಕಾಳಿಂಗ ಮರ್ಧನ’</strong></p><p>ದಸರಾ ದಶಮಂಟಪಗಳ ಶೋಭಾಯಾತ್ರೆಯಲ್ಲಿ 2ನೇಯದಾಗಿ ಹೊರಡುವ ದೇಚೂರು ಶ್ರೀರಾಮಮಂದಿರವು ಈಗಾಗಲೇ 105 ವಸಂತಗಳನ್ನು ಪೂರೈಸಿ 106ನೇ ವರ್ಷಕ್ಕೆ ಕಾಲಿಡುತ್ತಿದೆ.</p><p>ಕಳೆದ ಬಾರಿ ಪ್ರದರ್ಶಿಸಿದ್ದ ಮಧುಕೈಟಭರ ವಧಾ ಪ್ರಸಂಗವು ನೋಡುಗರಿಗೆ ರಸದೌತಣವನ್ನೇ ಉಣಬಡಿಸಿತ್ತು. ಈ ಬಾರಿ ಅತಿ ವಿಶಿಷ್ಟವಾಗಿರುವ ಹಾಗೂ ರಮಣೀಯ ಎನಿಸುವ ‘ಕಾಳಿಂಗ ಮರ್ಧನ’ದ ಕಥಾ ಹಂದರವನ್ನು ಪ್ರಸ್ತುತಪಡಿಸಲು ಭರದ ಸಿದ್ಧತೆ ನಡೆಸುತ್ತಿದೆ.</p><p>ಇದಕ್ಕಾಗಿ ಒಟ್ಟು 2 ಟ್ರಾಕ್ಟರ್ಗಳನ್ನು ಬಳಕೆ ಮಾಡಲಾಗುತ್ತಿದ್ದು, ಇದರಲ್ಲಿ ಒಟ್ಟು 28 ಕಲಾಕೃತಿಗಳು ತಮ್ಮ ಚಮತ್ಕಾರ ತೋರಲಿವೆ. ಮಡಿಕೇರಿಯ ಆರ್.ಬಿ.ಕ್ರಿಯೇಷನ್ಸ್ನವರು ಕಲಾಕೃತಿಗಳನ್ನು ರಚಿಸಲಿದ್ದಾರೆ.</p><p>ಒಟ್ಟು ₹ 25 ಲಕ್ಷ ವೆಚ್ಚದಲ್ಲಿ ತಯಾರಾಗುತ್ತಿರುವ ಈ ಬೃಹತ್ ಮಂಟಪಕ್ಕೆ ದಿಂಡಿಗಲ್ನ ಜೇಮ್ಸ್ ಲೈಟಿಂಗ್ ಬೋರ್ಡ್ ಅಳವಡಿಸುತ್ತಿದ್ದಾರೆ. ಟ್ರಾಕ್ಟರ್ ವಿನ್ಯಾಸವನ್ನು ಗಣೇಶ್ ಬೆಳವಾಯಿ, ಕಿರಣ್ ರಾಜ್, ಸೋಮಶೇಖರ್, ನಿತೀಶ್ ತಂಡದವರು ಮಾಡುತ್ತಿದ್ದಾರೆ.</p><p>ಈ ಬಾರಿ ಕಾಳಿಂಗ ಮರ್ಧನ ನಿಜಕ್ಕೂ ಅಮೋಘವಾಗಿರಲಿದೆ, ಎಲ್ಲ ಬಗೆಯ ಸಿದ್ಧತೆಗಳು ಭರದಿಂದ ನಡೆಯುತ್ತಿದೆ. ಮೊದಲ ಸ್ಥಾನಕ್ಕೆ ಪ್ರಯತ್ನ ಮಾಡುತ್ತಿದ್ದೇವೆ ಎಂದು ಸಮಿತಿ ಅಧ್ಯಕ್ಷ ಆರ್.ಪಿ.ಚಂದ್ರಶೇಖರ್ ವಿಶ್ವಾಸ ವ್ಯಕ್ತಪಡಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಡಿಕೇರಿ</strong>: ‘ಬೆಳಕಿನ ದಸರೆ’ಯಲ್ಲಿ ಮೊದಲಿಗೆ ಹೊರಡುವ ಮಂಟಪ ಪೇಟೆ ಶ್ರೀರಾಮಮಂದಿರದ್ದು. ಸುಮಾರು 150ಕ್ಕೂ ಅಧಿಕ ವರ್ಷಗಳಷ್ಟು ಸುದೀರ್ಘ ಕಾಲದಿಂದ ವಿಜಯದಶಮಿಯಂದು ಮೆರವಣಿಗೆಯಲ್ಲಿ ಭಾಗಿಯಾಗುತ್ತಿರುವ ಈ ದೇಗುಲದ ಮಂಟಪ ಕಲೆ ಹಾಗೂ ಸಂಸ್ಕೃತಿಯ ಉಳಿಸುವಿಕೆಯಲ್ಲಿ ತನ್ನದೇಯಾದ ಮಹತ್ವವನ್ನುಪಡೆದಿದೆ.</p><p>ವಿಜಯದಶಮಿಯ ದಿನ ಪಲ್ಲಕ್ಕಿಯಲ್ಲಿ ದೇವರಪಟಗಳನ್ನು ಹೊತ್ತುಕೊಂಡು ನಗರದಲ್ಲಿ ಮೆರವಣಿಗೆ ಮಾಡುವ ಸಂಪ್ರದಾಯ ಆರಂಭವಾಯಿತು. ನಂತರ, ಚಲಿಸುವ ಮಂಟಪ ಮಾಡುವುದನ್ನು ಆರಂಭಿಸಲಾ ಯಿತು. ತದನಂತರ ಕ್ರಮೇಣ ಉಳಿದ ದೇಗುಲಗಳೂ ಮಂಟಪ ಹೊರಡಿಸಲು ಆರಂಭಿಸಿದವು.</p><p>ಪೇಟೆ ಶ್ರೀರಾಮಮಂದಿರದ ಮಂಟಪವೇ ಮೊದಲು ಹೊರಟು 4 ಕರಗಗಳ ದೇವಸ್ಥಾನಕ್ಕೆ ಕಳಸದೊಂದಿಗೆ ಹೋಗುತ್ತದೆ. ತದನಂತರ, ಎಲ್ಲ ಮಂಟಪಗಳೂ ಹೊರಡುತ್ತವೆ.</p><p>ಕಳೆದ ವರ್ಷ ‘ವೈಕುಂಠ ದರ್ಶನ’ವನ್ನು ತನ್ನ ಮಂಟಪದಲ್ಲಿ ಪ್ರದರ್ಶಿಸಿ, ನೋಡುಗರ ಮೆಚ್ಚುಗೆ ಗಳಿಸಿತ್ತು. ಅದಕ್ಕೂ ಮುಂಚಿನ ವರ್ಷದಲ್ಲಿ ‘ಶಿವದರ್ಶನ’ವೂ ಸೂಜಿಗಲ್ಲಿನಂತೆ ಸೆಳೆದಿತ್ತು. ಈ ಬಾರಿ ಪೇಟೆ ಶ್ರೀರಾಮಮಂದಿರ ದೇವಾಲಯ ದಸರಾ ಮಂಟಪ ಸಮಿತಿಯು ‘ವಿಷ್ಣುವಿನ ಮತ್ಸ್ಯಾವತಾರ’ ಕಥಾ ಹಂದರವನ್ನು ಆಯ್ದುಕೊಂಡಿದೆ.</p><p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ಸಮಿತಿಯ ಅಧ್ಯಕ್ಷ ಎಂ.ಚೇತನ್, ‘ಈ ಬಾರಿ ವಿಷ್ಣುವಿನ ಮತ್ಸ್ಯಾವತಾರ ಕಥೆಯನ್ನು ಮಂಟಪದಲ್ಲಿ ಬಿತ್ತರಿಸಲಾಗುವುದು. ಇದಕ್ಕಾಗಿ ₹ 10 ಲಕ್ಷವನ್ನು ವ್ಯಯಿಸಲಾಗುತ್ತಿದೆ. 2 ಟ್ರಾಕ್ಟರ್ಅನ್ನು ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ಒಟ್ಟು 4 ಕಲಾಕೃತಿಗಳು ಮಂಟಪದಲ್ಲಿ ಇರಲಿವೆ. ಕಲಾಕೃತಿಗಳನ್ನು ಕೇರಳದ ಪಯ್ಯನೂರಿನ ಕಲಾವಿದ ಮಧುಕರ್ ಹಾಗೂ ತಂಡದವರು ತಯಾರಿಸುತ್ತಿದ್ದಾರೆ. ಲೈಟಿಂಗ್ ಬೋರ್ಡ್ಅನ್ನು ದಿಂಡಿಗಲ್ನ ಸೆಲ್ವಂ ಎಲೆಕ್ಟ್ರಿಕಲ್ಸ್ನವರು ರೂಪಿಸುತ್ತಿದ್ದಾರೆ’ ಎಂದು ಮಾಹಿತಿ ನೀಡಿದರು.</p><p>‘ಎಂದಿನಂತೆ ನಮ್ಮ ಮಂಟಪ ಸಾಂಪ್ರದಾಯಿಕವಾಗಿ ಮೆರವಣಿಗೆಯಲ್ಲಿ ಸಾಗಲಿದೆ’ ಎಂದು ಅವರು ಹೇಳಿದರು.</p><p><strong>ದೇಚೂರಿನಲ್ಲಿ ಈ ಬಾರಿ ‘ಕಾಳಿಂಗ ಮರ್ಧನ’</strong></p><p>ದಸರಾ ದಶಮಂಟಪಗಳ ಶೋಭಾಯಾತ್ರೆಯಲ್ಲಿ 2ನೇಯದಾಗಿ ಹೊರಡುವ ದೇಚೂರು ಶ್ರೀರಾಮಮಂದಿರವು ಈಗಾಗಲೇ 105 ವಸಂತಗಳನ್ನು ಪೂರೈಸಿ 106ನೇ ವರ್ಷಕ್ಕೆ ಕಾಲಿಡುತ್ತಿದೆ.</p><p>ಕಳೆದ ಬಾರಿ ಪ್ರದರ್ಶಿಸಿದ್ದ ಮಧುಕೈಟಭರ ವಧಾ ಪ್ರಸಂಗವು ನೋಡುಗರಿಗೆ ರಸದೌತಣವನ್ನೇ ಉಣಬಡಿಸಿತ್ತು. ಈ ಬಾರಿ ಅತಿ ವಿಶಿಷ್ಟವಾಗಿರುವ ಹಾಗೂ ರಮಣೀಯ ಎನಿಸುವ ‘ಕಾಳಿಂಗ ಮರ್ಧನ’ದ ಕಥಾ ಹಂದರವನ್ನು ಪ್ರಸ್ತುತಪಡಿಸಲು ಭರದ ಸಿದ್ಧತೆ ನಡೆಸುತ್ತಿದೆ.</p><p>ಇದಕ್ಕಾಗಿ ಒಟ್ಟು 2 ಟ್ರಾಕ್ಟರ್ಗಳನ್ನು ಬಳಕೆ ಮಾಡಲಾಗುತ್ತಿದ್ದು, ಇದರಲ್ಲಿ ಒಟ್ಟು 28 ಕಲಾಕೃತಿಗಳು ತಮ್ಮ ಚಮತ್ಕಾರ ತೋರಲಿವೆ. ಮಡಿಕೇರಿಯ ಆರ್.ಬಿ.ಕ್ರಿಯೇಷನ್ಸ್ನವರು ಕಲಾಕೃತಿಗಳನ್ನು ರಚಿಸಲಿದ್ದಾರೆ.</p><p>ಒಟ್ಟು ₹ 25 ಲಕ್ಷ ವೆಚ್ಚದಲ್ಲಿ ತಯಾರಾಗುತ್ತಿರುವ ಈ ಬೃಹತ್ ಮಂಟಪಕ್ಕೆ ದಿಂಡಿಗಲ್ನ ಜೇಮ್ಸ್ ಲೈಟಿಂಗ್ ಬೋರ್ಡ್ ಅಳವಡಿಸುತ್ತಿದ್ದಾರೆ. ಟ್ರಾಕ್ಟರ್ ವಿನ್ಯಾಸವನ್ನು ಗಣೇಶ್ ಬೆಳವಾಯಿ, ಕಿರಣ್ ರಾಜ್, ಸೋಮಶೇಖರ್, ನಿತೀಶ್ ತಂಡದವರು ಮಾಡುತ್ತಿದ್ದಾರೆ.</p><p>ಈ ಬಾರಿ ಕಾಳಿಂಗ ಮರ್ಧನ ನಿಜಕ್ಕೂ ಅಮೋಘವಾಗಿರಲಿದೆ, ಎಲ್ಲ ಬಗೆಯ ಸಿದ್ಧತೆಗಳು ಭರದಿಂದ ನಡೆಯುತ್ತಿದೆ. ಮೊದಲ ಸ್ಥಾನಕ್ಕೆ ಪ್ರಯತ್ನ ಮಾಡುತ್ತಿದ್ದೇವೆ ಎಂದು ಸಮಿತಿ ಅಧ್ಯಕ್ಷ ಆರ್.ಪಿ.ಚಂದ್ರಶೇಖರ್ ವಿಶ್ವಾಸ ವ್ಯಕ್ತಪಡಿಸುತ್ತಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>