ಬಂಟ್ವಾಳ: ವಸತಿ ಮತ್ತು ವಾಣಿಜ್ಯ ಸಂಕೀರ್ಣದ ಮಾಲೀಕ ರೊಬ್ಬರು ಕೊರೊನಾ ಲಾಕ್‌ಡೌನ್ ಅವಧಿಯಲ್ಲಿ ಆರ್ಥಿಕ ಸಂಕಷ್ಟಕ್ಕೆ ಒಳಗಾಗಿದ್ದ ಬಾಡಿಗೆದಾರರ ಬಾಡಿಗೆ ಮನ್ನಾ ಮಾಡಿದ್ದಾರೆ.
ಬಂಟ್ವಾಳ ಕೆಳಗಿನಪೇಟೆ ನಿವಾಸಿ, ಸೌದಿ ಅರೇಬಿಯಾದಲ್ಲಿನ ಯುವ ಉದ್ಯಮಿ ಇಕ್ಬಾಲ್ ನಿಶ್ಬಾ ಅವರು ತಮ್ಮ ಒಡೆತನದಲ್ಲಿರುವ ಬಿ.ಸಿ. ರೋಡು, ಬಂಟ್ವಾಳ, ಉಪ್ಪಳ ಹಾಗೂ ಮಂಗ ಳೂರಿನಲ್ಲಿರುವ ವಸತಿ ಮತ್ತು ವಾಣಿಜ್ಯ ಸಂಕೀರ್ಣದ ಬಾಡಿಗೆದಾರರಿಗೆ ಎರಡು ತಿಂಗಳ ಬಾಡಿಗೆ ಸುಮಾರು ₹ 10 ಲಕ್ಷ ಮನ್ನಾ ಮಾಡಿದ್ದಾರೆ.
ಬಂಟ್ವಾಳ- ಕೆಳಗಿನಪೇಟೆಯಲ್ಲಿ ಬಂಟ್ವಾಳ ಜಮಾತೆ ಮತ್ತು ಎಸ್‌ಕೆಎಸ್‌ಎಸ್‌ಎಫ್ ವತಿಯಿಂದ ಸ್ಥಾಪಿಸಲಾದ ಲಾಕ್‌ಡೌನ್ ರಿಲೀಫ್ ಫಂಡ್‌ಗೂ ದೇಣಿಗೆ ನೀಡಿದ್ದಾರೆ.
‘ಇಲ್ಲಿನ ಸಾಮಾಜಿಕ ಚಟುವಟಿಕೆ ಗಳಗೆ ಪ್ರೋತ್ಸಾಹ ನೀಡುತ್ತಿರುವ ಇಕ್ಬಾಲ್ ಇತರರಿಗೆ ಮಾದರಿ’ ಎಂದು ಸಮಾಜಸೇವಕ ಹಾರುನ್ ರಶೀದ್ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.
