ದೇಶಿ, ವಿದೇಶಿ ತಳಿಗಳಿಂದ ಕೈತುಂಬಾ ಲಾಭ

ಅಜ್ಜಿಹಳ್ಳಿ (ಚನ್ನಗಿರಿ): ತಾಲ್ಲೂಕಿನ ಅಜ್ಜಿಹಳ್ಳಿಯ ಅಡಿಕೆ ಬೆಳೆಗಾರ ಮಹಾದೇವಪ್ಪ ಅವರು ದೇಶಿ ಹಾಗೂ ವಿದೇಶಿ ತಳಿಯ ಕುರಿಗಳನ್ನು ಸಾಕುವ ಮೂಲಕ ಕೈತುಂಬಾ ಲಾಭ ಗಳಿಸುತ್ತಿದ್ದಾರೆ.

. ಮಹಾರಾಷ್ಟ್ರದ ಸತಾರಾ ಜಿಲ್ಲೆಯ ಪಲ್ಟನ್ ತಾಲ್ಲೂಕು ಕೇಂದ್ರ ‘ನಾರಿ’ ಸಂಶೋಧನಾ ಕೇಂದ್ರದಲ್ಲಿ ಅಭಿವೃದ್ಧಿಪಡಿಸಿದ ‘ನಾರಿ ಸುವರ್ಣ’ ತಳಿಯ 1 ಗಂಡು ಹಾಗೂ 1 ಹೆಣ್ಣು ಕುರಿಯನ್ನು ತಲಾ ₹ 50 ಸಾವಿರಕ್ಕೆ ಖರೀದಿಸಿ ತಂದಿದ್ದರು. ಈ ಕುರಿಯ ವಿಶೇಷವೆಂದರೆ ಹೆಣ್ಣು ಕುರಿಯು 2ರಿಂದ 5 ಮರಿಗಳಿಗೆ ಒಮ್ಮೆಗೆ ಜನ್ಮ ನೀಡುತ್ತದೆ. ಇಂತಹ ತಳಿಯ 10 ಹೆಣ್ಣು ಹಾಗೂ 3 ಗಂಡುಕುರಿಗಳನ್ನು ತಂದು ಸಾಕಿ, ಕೇವಲ 6 ತಿಂಗಳುಗಳಲ್ಲಿ 12 ಮರಿಗಳನ್ನು ಒಂದಕ್ಕೆ ₹ 30 ಸಾವಿರದಂತೆ ಮಾರಾಟ ಮಾಡಿ, ₹ 3.60 ಲಕ್ಷ ಗಳಿಸಿದ್ದಾರೆ. ಈ ಕುರಿಮರಿಗಳಿಗೆ ಮಹಾರಾಷ್ಟ್ರದ ಸಂಶೋಧನಾ ಕೇಂದ್ರದಿಂದ ಹೆಚ್ಚು ಬೇಡಿಕೆ ಇದೆ.

. ಇಷ್ಟು ಮಾತ್ರವಲ್ಲದೇ ದಕ್ಷಿಣ ಆಫ್ರಿಕಾದಲ್ಲಿ ಅಭಿವೃದ್ಧಿಪಡಿಸಿದ ‘ಡಾರ್ಪರ್’ ಕುರಿಯನ್ನೂ ತಂದಿದ್ದಾರೆ. ಬೆಂಗಳೂರಿನ ‘ಇಂಚರ’ ಎಂಬ ಕುರಿ ನರ್ಸರಿಯಲ್ಲಿ ಈ ತಳಿಯನ್ನು ಅಭಿವೃದ್ಧಿಪಡಿಸಲಾಗಿದೆ. ದಕ್ಷಿಣ ಆಫ್ರಿಕಾದ ‘ಡಾರ್ಪರ್’ ತಳಿಯನ್ನು ದೇಶದಲ್ಲಿ ಈ ಕೇಂದ್ರದಲ್ಲಿ ಮಾತ್ರ ಅಭಿವೃದ್ಧಿಪಡಿಸಲಾಗುತ್ತಿದೆ. ತಲಾ ಒಂದು ಗಂಡು ಹಾಗೂ ಹೆಣ್ಣು ಕುರಿಗಳನ್ನು ತರಲಾಗಿದ್ದು, ಗಂಡು ಕುರಿಗೆ ₹ 2 ಲಕ್ಷ ಹಾಗೂ ಹೆಣ್ಣು ಕುರಿಗೆ ₹ 1.5 ಲಕ್ಷ ಕೊಟ್ಟು ಖರೀದಿಸಿದ್ದಾರೆ. ಈ ತಳಿಯ ಹೆಣ್ಣು ಕುರಿ ವರ್ಷಕ್ಕೆ ಒಂದು ಮರಿ ಹಾಕುತ್ತದೆ. ಈ ಕುರಿ ಮರಿಯು 100 ಕೆ.ಜಿ.ವರೆಗೂ ಬೆಳೆಯುತ್ತದೆ.

. ‘ಡಾರ್ಪರ್’ ತಳಿಯ ಕುರಿಗಳ ಮಾಂಸಕ್ಕೆ ನಗರ ಪ್ರದೇಶಗಳಲ್ಲಿ ಭಾರಿ ಬೇಡಿಕೆ ಇದೆ. ಈ ಕುರಿಯ ಮಾಂಸ ಒಂದು ಕೆ.ಜಿ.ಗೆ ₹ 4 ಸಾವಿರವಿದ್ದು, ₹ 4 ಲಕ್ಷದವರೆಗೂ ಲಾಭ ಗಳಿಸಬಹುದಾಗಿದೆ. ಸ್ಟಾರ್ ಹೋಟೆಲ್ನವರು ಹೆಚ್ಚು ಖರೀದಿ ಮಾಡುತ್ತಾರೆ. 5 ಜೀನ್ಸ್ಗಳನ್ನು ಬಳಸಿ ಈ ಕುರಿಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಇಸ್ರೇಲ್ ದೇಶದ ‘ಅವಾಸಿ’, ಪಶ್ಚಿಮ ಬಂಗಾಳದ ‘ಗೆರೋಲ್’, ಮಹಾರಾಷ್ಟ್ರದ ‘ಡೆಕನಿ’ ಪ್ರದೇಶದಲ್ಲಿ ಇರುವ ಮಡಗ ಗ್ರಾಮದ ‘ಮಡಗ’ ಹಾಗೂ ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲ್ಲೂಕಿನ ಬಂಡೂರು ಗ್ರಾಮದಲ್ಲಿ ಇರುವ ‘ಬಂಡೂರು’ ಕುರಿಗಳ ಜೀನ್ಸ್ಗಳನ್ನು ಈ ಕುರಿಗಳ ಅಭಿವೃದ್ಧಿಗೆ ಬಳಸಲಾಗಿದೆ.

. ರಾಗಿ ಹುಲ್ಲು, ಹಸಿರು ಹುಲ್ಲನ್ನು ಸಣ್ಣದಾಗಿ ಕತ್ತರಿಸಿ ಈ ಕುರಿಗಳಿಗೆ ನೀಡಲಾಗುತ್ತಿದೆ. ಕುರಿಗಳ ಸಾಕಾಣಿಕೆಗಾಗಿ ₹ 6 ಲಕ್ಷ ವೆಚ್ಚದಲ್ಲಿ ಶೆಡ್ ಅನ್ನು ನಿರ್ಮಿಸಲಾಗಿದೆ. ಸಿಒಎಫ್ಎಸ್ ಎಂಬ ಜಾತಿಯ ಹುಲ್ಲನ್ನು ಅರ್ಧ ಎಕರೆ ಪ್ರದೇಶದಲ್ಲಿ ಬೆಳೆಯಲಾಗಿದೆ. ಜತೆಗೆ ಮೆಕ್ಕೆಜೋಳ, ರಾಗಿ, ಗೋಧಿ ಹಾಗೂ ಅಕ್ಕಿಯನ್ನು ನುಚ್ಚು ಮಾಡಿ ಪ್ರತಿ ಕುರಿಗೆ 200 ಗ್ರಾಂನಂತೆ ಪ್ರತಿ ದಿನವೂ ನೀಡಲಾಗುತ್ತಿದೆ.

. ‘ನಾನು ಮಾಂಸ ತಿನ್ನುವವನಲ್ಲ. ಆದರೂ ಕುರಿಗಳನ್ನು ಸಾಕಿದ್ದೇನೆ. ತಾಲ್ಲೂಕಿನ ರೈತರೂ ನಮ್ಮಂತೆ ಕುರಿಗಳನ್ನು ಸಾಕಿ, ಹೆಚ್ಚು ಆದಾಯವನ್ನು ಪಡೆಯಲಿ ಎಂಬುದು ನನ್ನ ಆಶಯ’ ಎಂದು ರೈತ ಮಹಾದೇವಪ್ಪ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇಶಿ, ವಿದೇಶಿ ತಳಿಗಳಿಂದ ಕೈತುಂಬಾ ಲಾಭ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ