ಸಂತೇಬೆನ್ನೂರು | ನಾಗೇನಹಳ್ಳಿ ನಾಗರ ಕಲ್ಲಿನ ಮೇಲೆ ಹೆಡೆ ಬಿಚ್ಚಿ ನಿಂತ ನಾಗರಹಾವು

ಸಂತೇಬೆನ್ನೂರು : ಸಮೀಪದ ನಾಗೇನಹಳ್ಳಿ ಗ್ರಾಮದ ದೇಗುಲಗಳ ಸಮುಚ್ಚಯದ ಆವರಣದಲ್ಲಿ ನಾಗರ ಪಂಚಮಿ ಮುನ್ನಾ ದಿನ ನಾಗರಕಲ್ಲಿನ ಮೇಲೆಯೇ ಹೆಡೆ ಬಿಚ್ಚಿ ನಿಂತು ಗ್ರಾಮಸ್ಥರಲ್ಲಿ ಅಚ್ಚರಿಯೊಂದಿಗೆ ದೈವಿಕ ಭಾವನೆ ಮೂಡಿಸಿದೆ. ಗ್ರಾಮದ ಹೆಸರೇ ಹೇಳುವಂತೆ ನಾಗೇನಹಳ್ಳಿಯಲ್ಲಿ ನಾಗರ ಹಾವಿನ ಬಗ್ಗೆ ಇಂದಿಗೂ ಪ್ರಚಲಿತ ಇರುವ ಸಂಗತಿ, ಇಲ್ಲಿ ನಾಗರ ಹಾವು ಕಚ್ಚುವುದಿಲ್ಲ, ಕಚ್ಚಿದರೂ ವಿಷದ ಪ್ರಭಾವ ಇಲ್ಲ. ಹೆಣ್ಣು ಮಕ್ಕಳು ಕೂಡ ನಾಗರ ಹಾವನ್ನು ಭಯವಿಲ್ಲದೇ ಹಿಡಿದು ಆಡಿಸುವರು. ಇಷ್ಟೆಲ್ಲಾ ವಾಸ್ತವ ಸಂಗತಿಗೆ ಒಂದು ಐತಿಹ್ಯ ಇದೆ. ಶತಮಾನಗಳ ಹಿಂದೆ ಇಲ್ಲಿ ಒಬ್ಬ ಯತಿ ದೇಗುಲ ನಿರ್ಮಿಸಿ ತಪ್ಪಸ್ಸು ನಡೆಸುತ್ತಿದ್ದರು. ಅವರು ಒಬ್ಬ ಅನಾಥ ಮಗುವನ್ನು ಸಾಕಿದ್ದರು. ಒಮ್ಮೆ ನಾಗರಹಾವೊಂದು ಕಚ್ಚಿ ಬಾಲಕ ಸಾವನ್ನಪ್ಪುತ್ತಾನೆ. ಇದರಿಂದ ತೀವ್ರ ನೊಂದ ಯತಿಗಳು ಈ ಗಡಿಯಲ್ಲಿರುವ ನಾಗರಹಾವುಗಳೆಲ್ಲಾ ನಾಶವಾಗಲಿ ಎಂದು ಶಾಪ ನೀಡುತ್ತಾರೆ. ಆಗ ನಾಗರ ಹಾವುಗಳು ಶಾಪದಿಂದ ವಿಮೋಚನೆ ಮಾಡಬೇಕು ಎಂದು ಯತಿಯಲ್ಲಿ ಬೇಡಿಕೊಳ್ಳುತ್ತವೆ. ಯತಿಗಳು ನಾಗರ ಹಾವುಗಳನ್ನು ಮನ್ನಿಸಿ ಈ ಗಡಿ ಭಾಗದಲ್ಲಿ ಯಾರಿಗೂ ಕಚ್ಚಬಾರದು. ಕಚ್ಚಿದರೂ ವಿಷ ಏರದೆ ಸಾವು ಸಂಭವಿಸುವುದಿಲ್ಲ ಎಂದು ಆದೇಶ ನೀಡುತ್ತಾರೆ. ಅಂದಿನಿಂದ ನಾಗೇನಹಳ್ಳಿ ಗಡಿ ಭಾಗದಲ್ಲಿ ನಾಗರ ಹಾವು ಕಚ್ಚುವುದಿಲ್ಲ. ಕಚ್ಚಿದರೂ ಸಾವಿಲ್ಲ ಎನ್ನುತ್ತಾರೆ ಗ್ರಾಮದ ಎನ್.ಎಸ್.ತಿಮ್ಮೇಶ್. ಐತಿಹಾಸಿಕ ಆಂಜನೇಯ ಹಾಗೂ ಶಿವನ ದೇಗುಲದ ಬಳಿಯೇ ನಾಗರಕಲ್ಲು ಇವೆ. ನಾಗರ ಪಂಚಮಿಯ ಪಂಚ ದಿನಗಳೊಳಗೆ ಹೆಡೆ ಬಿಚ್ಚಿದ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದೆ. ಈಚೆಗೆ ಯಶೋದಮ್ಮ ಎಂಬುವವರಿಗೆ ನಾಗರ ಹಾವು ಕಡಿದಿದ್ದು, ಮೂರು ದಿನ ದೇಗುಲದಲ್ಲಿ ಉಳಿದಿದ್ದರು. ಗುಣಮುಖರಾಗಿ ಮನೆಗೆ ಸೇರಿದರು. ನಾಗರ ಹಾವು ಕಡಿದರೂ ಚಿಕಿತ್ಸೆ ಪಡೆಯುವುದಿಲ್ಲ. ದಶಕಗಳಿಂದ ನಾಲ್ಕೈದು ಜನಕ್ಕೆ ಹಾವು ಕಚ್ಚಿದ ನಿದರ್ಶನಗಳಿವೆ. ಆದರೆ ಯಾವುದೇ ಆತಂಕವಿಲ್ಲ ಎನ್ನುತ್ತಾರೆ ಗ್ರಾಮದ ಸ್ವಾಮಿ. ನಾಗೇನಹಳ್ಳಿ ಗಡಿ ಭಾಗದಲ್ಲಿ ಹಾವು ಕಚ್ಚಿದರೇ ಮಾತ್ರ ಜೀವ ಹಾನಿ ಇಲ್ಲ. ವೈಜ್ಞಾನಿಕ ಯುಗದಲ್ಲಿಯೂ ಕೆಲವರಿಗೆ ಅಚ್ಚರಿ ಉಂಟು ಮಾಡಬಹುದು. ಆದರೇ ಇದು ಇಂದಿಗೂ ಸತ್ಯ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂತೇಬೆನ್ನೂರು | ನಾಗೇನಹಳ್ಳಿ ನಾಗರ ಕಲ್ಲಿನ ಮೇಲೆ ಹೆಡೆ ಬಿಚ್ಚಿ ನಿಂತ ನಾಗರಹಾವು

ಚಿನಕುರುಳಿ Cartoon: 30 ಜುಲೈ 2025

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಮಾಸ ಭವಿಷ್ಯ | ಆಗಸ್ಟ್ 2025: ನಿಮ್ಮ ಕೆಲಸದಲ್ಲಿ ಯಶಸ್ಸನ್ನು ಪಡೆಯುವಿರಿ

ಚುರುಮುರಿ: ಗೊಬ್ಬರದ ಗೋಳು

ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಜಟಾಪಟಿ: ಆಟಗಾರ ಅಮಾನತು

IND vs ENG | ಕೊನೆ ಟೆಸ್ಟ್ ಇಂದಿನಿಂದ: ಸರಣಿ ಸಮಬಲದತ್ತ ಗಿಲ್ ಪಡೆ ಚಿತ್ತ

U‍19 ರಾಜ್ಯ ಬ್ಯಾಡ್ಮಿಂಟನ್: ಪ್ರಿ ಕ್ವಾರ್ಟರ್ ಫೈನಲ್‌ಗೆ ಅಭಿನವ್‌, ಅಶ್ವತಿ, ದಿಯಾ

ಸೆಂಟ್ರಲ್‌ ಏಷ್ಯಾ ನೇಷನ್ಸ್ ಕಪ್‌ ಟೂರ್ನಿಗೆ ಭಾರತ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 30 ಜುಲೈ 2025

ಆಕಾಶದ ಚಿನ್ನದ ತೊಟ್ಟಿಲಲ್ಲಿ ಕಾಳಿಂಗ ಸರ್ಪ ಮಲಗಿತಲೇ ಎಚ್ಚರ; ಕಾರ್ಣಿಕ ನುಡಿ

ಮಾಸ ಭವಿಷ್ಯ | ಆಗಸ್ಟ್ 2025: ನಿಮ್ಮ ಕೆಲಸದಲ್ಲಿ ಯಶಸ್ಸನ್ನು ಪಡೆಯುವಿರಿ

ಚುರುಮುರಿ: ಗೊಬ್ಬರದ ಗೋಳು