ಟೊಮೆಟೊವನ್ನು ಬೇರೆ ಬೆಳೆಗಳಂತೆ ಸ್ವಲ್ಪ ದಿನ ಬಳ್ಳಿಗಳಲ್ಲಿಯೇ ಬಿಟ್ಟು ನಂತರ ಕೊಯ್ಲು ಮಾಡಲು ಆಗುವುದಿಲ್ಲ. ಹಾಗೆಯೇ ಬಿಟ್ಟರೆ ಹಣ್ಣುಗಳು ನೆಲಕ್ಕೆ ಉದುರಿ ಹಾಳಾಗುತ್ತವೆ. ದರ ಇಳಿಕೆಯಿಂದ ಕೊಯ್ಲು ಮಾಡಿದ ಕೂಲಿ ಸಹ ಉಳಿಯುತ್ತಿಲ್ಲ. ದಪ್ಪ ಗಾತ್ರದ ಟೊಮೆಟೊ ಕ್ರೇಟ್ ಒಂದಕ್ಕೆ ₹ 100ರಂತೆ ಮಾರಾಟವಾಗುತ್ತಿದ್ದರೆ. ಸಣ್ಣ ಗಾತ್ರದ ಮತ್ತು ಬಹಳ ಹಣ್ಣಾದ ಟೊಮೆಟೊ ಕೇವಲ ₹ 80ಕ್ಕೆ ಮಾರಾಟವಾಗುತ್ತಿದೆ’ ಎನ್ನುತ್ತಾರೆ ಬೆಳೆಗಾರರಾದ ಹಾಲೇಶ್, ನಸ್ರುಲ್ಲಾ, ಇನಾಯತ್ ಮತ್ತು ನಾಗರಾಜ ನಾಯ್ಕ.