ಶಿರಹಟ್ಟಿ | ಬರಗಾಲದಿಂದ ರೈತ ಕಂಗಾಲು: ಮಧ್ಯಂತರ ಪರಿಹಾರಕ್ಕಾಗಿ ಬೇಡಿಕೆ

ಮುಂಗಾರಿನಲ್ಲಿ ಬಿತ್ತನೆ ಮಾಡಿದ್ದ ಶೇಂಗಾ ಗೋವಿನ ಜೋಳ ಹತ್ತಿ ಹೆಸರು ಬೆಳೆಗಳು ಸಂಪೂರ್ಣ ಹಾಳಾಗಿವೆ. ಮುಖ್ಯ ಬೆಳೆಯಾದ ಶೇಂಗಾ ಬೆಳೆಯ ಫಸಲು ಕೈಗೆ ಸಿಗದೆ ಕಳೆದ ವಾರ ಆದ ಮಳೆಗೆ ಹೊಟ್ಟು ಸಹ ಕೆಟ್ಟು ದನಕರುಗಳಿಗೆ ಮೇವು ಇಲ್ಲದ ಪರಿಸ್ಥಿತಿ ನಿರ್ಮಾಣವಾಗಿದೆ. ಬಂಗಾರದ ಬೆಲೆ ತೂಗುವ ಹೊಟ್ಟನ್ನು ಖರೀದಿ ಮಾಡವ ಶಕ್ತಿಯೂ ಸಹ ರೈತರಲ್ಲಿಲ್ಲ. ಆದ್ದರಿಂದ ಕೂಸಿನಂತೆ ಜೋಪಾನ ಮಾಡಿದ ಜಾನುವಾರುಗಳನ್ನು ಸಹ ಮಾರುತ್ತಿದ್ದಾರೆ. ಅಲ್ಲದೇ ಹೊಟ್ಟೆಪಾಡಿಗಾಗಿ ಕೆಲಸ ಅರಸಿ ಗುಳೆ ಹೋಗುತ್ತಿದ್ದಾರೆ. ಸರ್ಕಾರ ಕೂಡಲೇ ಎಚ್ಚೆತ್ತುಕೊಂಡು ತಾಲ್ಲೂಕಿನ ರೈತರಿಗೆ ಶೀಘ್ರ ಪರಿಹಾರ ನೀಡಬೇಕೆಂಬುದು ರೈತ ಸಂಘಟನೆಗಳ ಆಗ್ರಹವಾಗಿದೆ.