ಮುಂಡರಗಿ: ಭರದಿಂದ ಭತ್ತ ಒಕ್ಕುತ್ತಿರುವ ರೈತರು

ಭತ್ತದ ಕೊಯ್ಲಿನ ನಂತರ ಜಮೀನಿನಲ್ಲಿ ಉಳಿಯುವ ಭತ್ತದ ಹುಲ್ಲನ್ನು ರೈತರು ಮಾರಾಟ ಮಾಡುತ್ತಾರೆ. ಒಂದು ಟ್ಯ್ರಾಕ್ಟರ್ ಭತ್ತದ ಹುಲ್ಲು ₹1500ರಿಂದ ₹2 ಸಾವಿರವರೆಗೂ ಮಾರಾಟವಾಗುತ್ತದೆ. ಪ್ರಸ್ತುತ ವರ್ಷ ಮುಂಗಾರು ಕೈಕೊಟ್ಟಿರುವುದರಿಂದ ಜಾನುವಾರುಗಳಿಗೆ ಹೊಟ್ಟು ಮೇವು ದೊರೆಯದಂತಾಗಿದೆ. ಹೀಗಾಗಿ ಜಾನುವಾರುಗಳುಳ್ಳ ರೈತರು ಭತ್ತದ ಹುಲ್ಲು ಖರೀದಿಗೆ ಮುಂದಾಗಿದ್ದಾರೆ. ಈ ಕಾರಣದಿಂದಾಗಿ ಭತ್ತದ ಹುಲ್ಲು ಕಳೆದ ವರ್ಷಕ್ಕಿಂತ ಈ ವರ್ಷ ಜೋರಾಗಿ ಮಾರಾಟವಾಗುತ್ತಲಿದೆ. ಜಿಲ್ಲೆಯ ವಿವಿಧ ಭಾಗಗಳ ರೈತರು ಜಮೀನುಗಳಿಗೆ ಆಗಮಿಸಿ ಭತ್ತದ ಹುಲ್ಲನ್ನು ಖರೀದಿಸುತ್ತಿದ್ದಾರೆ.