ಶಿಗ್ಗಾವಿ: ‘ನಮ್ಮ ಕ್ಲಿನಿಕ್‌’ಗೆ ಕಾಯಂ ವೈದ್ಯರಿಲ್ಲ!

‘ನಮ್ಮ ಕ್ಲಿನಿಕ್‌’ ಮಾಡಬೇಕು ಎಂಬುದು ಸ್ಥಳೀಯರ ಹಲವು ವರ್ಷಗಳ ಬೇಡಿಕೆಯಾಗಿತ್ತು. ಕಟ್ಟಡ ನಿರ್ಮಿಸಿದ್ದ ಆರೋಗ್ಯ ಇಲಾಖೆ ಅಧಿಕಾರಿಗಳು, ಪ್ರಚಾರಕ್ಕಾಗಿ ಶಾಸಕ ಯಾಸೀರ್ ಅಹ್ಮದ್ ಖಾನ್ ಪಠಾಣ ಅವರಿಂದ ಕ್ಲಿನಿಕ್ ಉದ್ಘಾಟನೆ ಮಾಡಿಸಿ ಮೌನವಾಗಿದ್ದಾರೆ’ ಎಂದು ಜನರು ದೂರುತ್ತಿದ್ದಾರೆ. ‘ಕಾಯಂ ವೈದ್ಯರಿಲ್ಲವೆಂಬುದು ಗೊತ್ತಿದ್ದರೂ ಶಾಸಕ ಪಠಾಣ, ಕ್ಲಿನಿಕ್ ಉದ್ಘಾಟಿಸಿ ಭಾಷಣ ಮಾಡಿ ಹೋದರು. ಕ್ಲಿನಿಕ್ ಹೇಗೆ ನಡೆಯುತ್ತಿದೆ ? ಎಂಬುದನ್ನು ಪರಿಶೀಲಿಸಿಲ್ಲ. ಕೇವಲ ಪ್ರಚಾರಕ್ಕಾಗಿ ಈ ರೀತಿ ಮಾಡಿದರೆ ಏನು ಪ್ರಯೋಜನ. ಜನಪರ ಕಾಳಜಿ ಇದ್ದರೆ, ಕೂಡಲೇ ವೈದ್ಯರನ್ನು ನೇಮಿಸಬೇಕು’ ಎಂದು ಒತ್ತಾಯಿಸಿದರು.