ಸುಂಟಿಕೊಪ್ಪ; ಸಾಂಕ್ರಾಮಿಕ ರೋಗ ಹರಡುವ‌ ಭೀತಿ

ಇಲ್ಲಿನ ಗ್ರಾಮ ಪಂಚಾಯಿತಿಗೆ ಸೇರಿದ‌ ಜನತಾ ಕಾಲೊನಿಯ ಬಳಿ ಮೀನು, ಮಾಂಸದ ಅಂಗಡಿಗಳು ಕಾರ್ಯಚರಿಸುತ್ತಿದ್ದು, ಅಂಗಡಿಗಳ ಅಕ್ಕಪಕ್ಕದ ಬಳಿ ಕೋಳಿ, ಕುರಿ ಮಾಂಸ, ರಕ್ತ ಹಾಗೂ ತ್ಯಾಜ್ಯದಿಂದ ನೊಣ,‌ ಸೊಳ್ಳೆಗಳು ಹೆಚ್ಚಾಗಿ ಸಾಂಕ್ರಾಮಿಕ ರೋಗ ಹರಡುವ ಭೀತಿ ಹೆಚ್ಚಾಗಿದೆ.

ಗ್ರಾಮ ಪಂಚಾಯಿತಿ ಆಡಳಿತ ಮಂಡಲಿ ಹಾಗೂ ಆರೋಗ್ಯ ಇಲಾಖೆ ಪರಿಸರವನ್ನು ಶುಚಿಯಾಗಿಡಬೇಕೆಂದು ಸೂಚನೆ ನೀಡಿದ್ದರೂ ಈ ಮಾಂಸದ‌ ಅಂಗಡಿಗಳ‌ ಮಾಲೀಕರು ಈ ಆದೇಶವನ್ನು ಗಾಳಿಗೆ ತೂರಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಜನತಾ ಕಾಲೊನಿಯ ನಿವಾಸಿಗಳು ಮನೆಯ ತ್ಯಾಜ್ಯಗಳನ್ನು ಪಕ್ಕದ ಹೋಟೆಲ್ ಹಿಂಭಾಗದಲ್ಲಿ ಹಾಕಿರುವುದರಿಂದ ಈ ಸ್ಥಳದಲ್ಲೂ ನೊಣ, ಸೊಳ್ಳೆಗಳ ಹಾವಳಿ ಹೆಚ್ಚಾಗಿದೆ‌.

ಕೂಡಲೇ ಈ ಬಗ್ಗೆ ಗ್ರಾಮ ಪಂಚಾಯತಿ ಗಮನಹರಿಸಿ ಮಾಂಸದ ಅಂಗಡಿಗಳ ಮಾಲೀಕರು ಮತ್ತು ಈ ಭಾಗದ ನಿವಾಸಿಗಳಿಗೆ ಎಚ್ಚರಿಕೆಯನ್ನು ನೀಡಬೇಕಾಗಿ ಸಾರ್ವಜನಿಕರು ಮನವಿ ಮಾಡಿದ್ದಾರೆ.