ಸಂಕ್ರಾಂತಿ ಸಡಗರಕ್ಕೆ ಎತ್ತುಗಳ ಬರ

ಮುಳಬಾಗಿಲು: ಗ್ರಾಮೀಣ ಪ್ರದೇಶದಲ್ಲಿ ಎದ್ದುಲ ಪಂಡುಗ(ಎತ್ತುಗಳ ಹಬ್ಬ) ಎಂದು ಕರೆಯಲ್ಪಡುವ ಸಂಕ್ರಾಂತಿಯು ಸುಗ್ಗಿ ಹಬ್ಬ. ಸಾಂಪ್ರದಾಯಿಕ ಕೃಷಿ ಪದ್ಧತಿ ಮರೆಯಾದಂತೆ ದಿನದಿಂದ ದಿನಕ್ಕೆ ಇದು ಆಚರಣೆಯ ಮಹತ್ವ ಕಳೆದುಕೊಳ್ಳುತ್ತಿದೆ.

. ಸುಮಾರು ಮೂವತೈದು ವರ್ಷಗಳ ಹಿಂದಿನ ಮಾತು. ಮುಳಬಾಗಿಲು ಪಟ್ಟಣವಾಗಿ ಬದಲಾಗುತ್ತಿದ್ದ ಸಮಯ. ಅಂದಿನ ಇಪ್ಪತ್ತು ಸಾವಿರ ಜನಸಂಖ್ಯೆಗೆ ಸುಮಾರು ಎರಡು ಸಾವಿರದ ಐನೂರು ಎತ್ತುಗಳಿದ್ದವು. ಈಗ ಪಟ್ಟಣದಲ್ಲಿ ಕೇವಲ ಐವತ್ತು ಎತ್ತುಗಳು ಮಾತ್ರ ಕಾಣಸಿಗುತ್ತವೆ.

. ಹಾಲು ಉತ್ಪಾದನೆಗೆ ಸಾಕುವ ಹಸುಗಳನ್ನು ಸಂಕ್ರಾಂತಿ ಮೆರವಣಿಗೆಗೆ ಬಳಸುವುದು ಕಷ್ಟಕರ. ಇದು ಮೆರವಣಿಗೆಗೂ ಶೋಭೆ ತರುವುದಿಲ್ಲ. ಹಬ್ಬ ಆಚರಿಸಲೇ ಬೇಕು ಎನ್ನುವ ಕಾರಣದಿಂದಾಗಿ ಸಂಕ್ರಾಂತಿ ಹಬ್ಬದ ಆಚರಣೆ ಸಮಿತಿಯವರು ಎತ್ತುಗಳನ್ನು ಸಾಕಿರುವ ರೈತರನ್ನು ಕಾಡಿಬೇಡಿ ಮೆರವಣಿಗೆ ಮಾಡಬೇಕಾದ ಪರಿಸ್ಥಿತಿ ಉಂಟಾಗಿದೆ.

. ಹವಾಮಾನ ವೈಪರೀತ್ಯದಿಂದಾಗಿ ಸುಗ್ಗಿಯ ಕಾಲಮಾನ ಬದಲಾಗಿದೆ. ಟ್ರ್ಯಾಕ್ಟರ್, ಟಿಲ್ಲರ್ಗಳು ಬಂದ ಮೇಲೆ ಮನೆಗಳಲ್ಲಿ ಎತ್ತುಗಳನ್ನು ಸಾಕುವವರ ಸಂಖ್ಯೆಯೂ ಕಡಿಮೆಯಾಗಿದೆ. ನಗರಕ್ಕೆ ಸಮೀಪದ ಕಸಬಾ ಹೋಬಳಿಯ ದೊಡ್ಡಬಂಡಹಳ್ಳಿ ಹಾಲುಮತಸ್ಥ ಜನಾಂಗದವರೇ ಇರುವ ಗ್ರಾಮ. ಸುಮಾರು ಮೂವತ್ತು ವರ್ಷಗಳ ಹಿಂದೆ ಈ ಗ್ರಾಮದ ಎಲ್ಲಾ ಎಂಬತ್ತು ಮನೆಯಲ್ಲಿಯೂ ಒಂದೊಂದು ಜೋಡಿ ಎತ್ತುಗಳಿದ್ದವು. ಇನ್ನು ಕೆಲವು ದೊಡ್ಡ ರೈತರ ಮನೆಗಳಲ್ಲಿ ಎರಡು ಜೋಡಿ ಎತ್ತುಗಳು ಕಾಣಸಿಗುತ್ತಿದ್ದವು.

. ‘ಈಗ ಗ್ರಾಮದಲ್ಲಿ ಎರಡು ಅಥವಾ ಮೂರು ಜೊತೆ ಎತ್ತುಗಳನ್ನು ಕಾಣಬಹುದು. ಇದಕ್ಕೆ ಕಾರಣ ಬಹುತೇಕ ರೈತರು ಟ್ರ್ಯಾಕ್ಟರ್, ಟಿಲ್ಲರ್ಗಳ ಮೊರೆ ಹೋಗಿ ಉಳುಮೆ ಮಾಡುತ್ತಿದ್ದಾರೆ’ ಎನ್ನುತ್ತಾರೆ ದೊಡ್ಡ ಬಂಡಹಳ್ಳಿಯ ಹೊಸಪ್ಪನವರ ನಾಗರಾಜ್.

. ಎತ್ತುಗಳನ್ನು ಸಾಕಲು ರೈತರು ಮುಂದಾಗದಿರಲು ಮುಖ್ಯ ಕಾರಣ ಹೆಚ್ಚಿದ ಎತ್ತಿನ ಬೆಲೆ. ಸಾಕಾಣಿಕೆ ವೆಚ್ಚದೊಂದಿಗೆ ರೋಗರುಜಿನ ಎದುರಾದಾಗ ಚಿಕಿತ್ಸೆಗೆ ಅಲೆದಾಡಬೇಕಾದ ಸ್ಥಿತಿ ಇದೆ. ಹಾಲು ಕರೆಯುವ ಮಿಶ್ರತಳಿ ಹಸುಗಳ ಸಂಖ್ಯೆಯೂ ಗಣನೀಯವಾಗಿ ಏರಿಕೆಯಾಗಿದೆ. ಹಬ್ಬ ಮಾಡಬೇಕೆಂಬ ಕಾಟಾಚಾರಕ್ಕೆ ಈ ಹಸುಗಳಿಗೆ ಸಿಂಗರಿಸಲಾಗುತ್ತದೆ. ಗೊಬ್ಬಿಯಾಳುಗೆ ಬರುವ ಮಹಿಳೆಯರ ಸಂಖ್ಯೆ ಈಚಿನ ದಿನಗಳಲ್ಲಿ ಗಣನೀಯವಾಗಿ ಕಡಿಮೆಯಾಗಿದೆ.

. ತಾಲ್ಲೂಕಿನ ಎನ್. ವಡ್ಡಹಳ್ಳಿ ಮುಂತಾದ ಕಡೆಗಳಿಂದ ನಗರಕ್ಕೆ ಕೆಲವು ಮಹಿಳೆಯರು ಗೊಬ್ಬಿಯಾಳು ಹಾಡುಗಳನ್ನು ಹಾಡಿಕೊಂಡು ಮನೆಗಳ ಬಳಿ ಬರುತ್ತಿದ್ದರು. ಹೀಗೆ ಬಂದವರಿಗೆ ಭತ್ತ ನೀಡುವ ಪದ್ಧತಿ ಇತ್ತು. ಇದು ಕ್ರಮೇಣ ಮರೆಯಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಕ್ರಾಂತಿ ಸಡಗರಕ್ಕೆ ಎತ್ತುಗಳ ಬರ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ