ಕೊಪ್ಪಳ | ಪಾರದರ್ಶಕ ಮತದಾನಕ್ಕೆ ಸಕಲ ಸಿದ್ಧತೆ: ನಲಿನ್‌ ಅತುಲ್‌

919499 ಪುರುಷ ಮತದಾರರು 946763 ಮಹಿಳಾ ಮತದಾರರು 135 ಲಿಂಗತ್ವ ಅಲ್ಪಸಂಖ್ಯಾತರು 1866397 ಒಟ್ಟು ಮತದಾರರು 2045 ಒಟ್ಟು ಮತಗಟ್ಟೆಗಳು 1024 ಮತಗಟ್ಟೆಗಳಲ್ಲಿ ವೆಬ್ ಕಾಸ್ಟಿಂಗ್ ವ್ಯವಸ್ಥೆ

ಮತದಾರರ ಪಟ್ಟಿಯಲ್ಲಿ ನೋಂದಾಯಿತ ಮತದಾರರು ತಮ್ಮ ಭಾವಚಿತ್ರವಿರುವ ಗುರುತಿನಚೀಟಿ ಹೊರತುಪಡಿಸಿ ಹಲವು ದಾಖಲೆಗಳನ್ನು ತರಬಹುದು. ಆಧಾರ್‌ಕಾರ್ಡ್ ನರೇಗಾ ಜಾಬ್‌ಕಾರ್ಡ್ ಬ್ಯಾಂಕ್‌ ಅಂಚೆ ಕಚೇರಿ ನೀಡಿರುವ ಭಾವಚಿತ್ರವಿರುವ ಪಾಸ್‌ಬುಕ್ ಕಾರ್ಮಿಕ ಸಚಿವಾಲಯದಿಂದ ನೀಡಿರುವ ಆರೋಗ್ಯ ವಿಮೆ ಕಾರ್ಡ್ ಚಾಲನಾ ಪರವಾನಗಿ ಅಂಗವಿಕಲರ ಗುರುತಿನ ಚೀಟಿ ಪ್ಯಾನ್‌ಕಾರ್ಡ್ ಎಂ.ಪಿ.ಆರ್ ಅಡಿಯಲ್ಲಿ ಆರ್.ಜಿ.ಐ ನೀಡಿರುವ ಸ್ಮಾರ್ಟ್‌ ಕಾರ್ಡ್‌ ಭಾರತೀಯ ಪಾಸ್ ಪೋರ್ಟ್ ಭಾವಚಿತ್ರವಿರುವ ಪಿಂಚಣಿ ದಾಖಲೆ ಕೇಂದ್ರ/ರಾಜ್ಯ/ಪಿ.ಎಸ್.ಯು  ಸೇವಾ ಗುರುತಿನ ಚೀಟಿ ಸಂಸದ ಶಾಸಕ ಹಾಗೂ ವಿಧಾನಪರಿಷತ್‌ ಸದಸ್ಯರಿಗೆ ನೀಡಿರುವ ಅಧಿಕೃತ ಗುರುತಿನ ಚೀಟಿಗಳನ್ನು ತೋರಿಸಿಯೂ ಮತದಾನ ಮಾಡಬಹುದು.

ಚುನಾವಣಾ ಆಯೋಗದ ನಿರ್ದೇಶನದಂತೆ ಮತದಾನ ಅಂತ್ಯಗೊಳ್ಳುವ 48 ಗಂಟೆಗಳ ಪೂರ್ವದಲ್ಲಿ (ಇಂದು ಸಂಜೆ 6 ಗಂಟೆಯಿಂದ) ಚುನಾವಣೆ ಪ್ರಚಾರ ಹಾಗೂ ಚುನಾವಣೆಗೆ ಸಂಬಂಧಿಸಿದಂತೆ ಬಳಸಲಾಗುವ ಧ್ವನಿವರ್ಧಕಗಳ ಬಳಕೆ ನಿಷೇಧಿಸಿ ಜಿಲ್ಲಾಧಿಕಾರಿ ಆದೇಶ ಹೊರಡಿಸಿದ್ದಾರೆ.

ಜಿಲ್ಲೆಯಲ್ಲಿ ದಿನದಿಂದ ದಿನಕ್ಕೆ ಬಿಸಿಲು ಹೆಚ್ಚಾಗುತ್ತಿರುವ ಕಾರಣ ಚುನಾವಣಾ ಸಿಬ್ಬಂದಿ ಮತ್ತು ಮತದಾರರಿಗೆ ನೆರಳಿನ ವ್ಯವಸ್ಥೆ ಮಾಡಲು ಜಿಲ್ಲಾಡಳಿತ ವ್ಯವಸ್ಥೆ ಮಾಡಿದ್ದು ಸಿಬ್ಬಂದಿಗೆ ಹೆಲ್ತ್‌ ಶೆಲ್ಟರ್‌ಗಳನ್ನು ಸ್ಥಾಪಿಸಲು ಮುಂದಾಗಿದೆ. ಎಲ್ಲಾ ಮಸ್ಟರಿಂಗ್ ಕೇಂದ್ರಗಳಲ್ಲಿ ಹೆಲ್ತ್ ಶೆಲ್ಟರ್‌ಗಳನ್ನು ಸ್ಥಾಪಿಸಿ ಪ್ರತಿ ಮತಗಟ್ಟೆಗಳಿಗೆ ಆರೋಗ್ಯ ಸಂಬಂಧಿತ ಸಾಮಗ್ರಿಗಳ ಕಿಟ್ ನೀಡಲಾಗುತ್ತಿದೆ. ಮಸ್ಟರಿಂಗ್ ಕೇಂದ್ರಗಳಲ್ಲಿ ಮತ್ತು ಮತದಾನದ ದಿನದಂದು ಮತದಾನ ಸಿಬ್ಬಂದಿ ಮತ್ತು ಪೊಲೀಸರಿಗೆ ಊಟದ ವ್ಯವಸ್ಥೆಯೂ ಇರುತ್ತದೆ. ವೈದ್ಯಕೀಯ ಕಿಟ್‌ನಲ್ಲಿ ಔಷಧಿ ಒಆರ್‌ಎಸ್‌ ಎಜರ್ಜಿ ಪಾನೀಯಾ ಇರಲಿದೆ.