ಮಾಂಸ ಮಾರಾಟ: ಸರ್ಕಾರದ ನಿರ್ಧಾರಕ್ಕೆ ಶಾಸಕ ಬಯ್ಯಾಪುರ ಖಂಡನೆ

ಶನಿವಾರ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದ ಅವರು, ಮಾಂಸ ಸೇವನೆ ಮಾಡುವವರು ಕೇವಲ ಬೆಂಗಳೂರಿನಲ್ಲಿ ಅಷ್ಟೇ ಅಲ್ಲ ಎಲ್ಲಕಡೆ ಇರುತ್ತಾರೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ದುಸ್ತರವಾಗಿದೆ. ದಿನಸಿ ವಸ್ತುಗಳನ್ನು ಖರೀದಿಸಲು ಅವಕಾಶ ಕಲ್ಪಿಸುವುದಕ್ಕೇ ನಿರ್ಬಂಧ ಇರುವಾಗ ಮಾಂಸ ಮಾರಾಟಕ್ಕೆ ಅವಕಾಶ ನೀಡುವುದನ್ನು ತಾವು ಬಲವಾಗಿ ವಿರೋಧಿಸುವುದಾಗಿ ಹೇಳಿದರು.

ಅದೇ ರೀತಿ ಮದ್ಯ ಮಾರಾಟಕ್ಕೆ ಒತ್ತಡ ಬರುತ್ತಿರುವ ಕಾರಣಕ್ಕೆ ಸರ್ಕಾರ ಅದಕ್ಕೂ ಮಣಿಯುವ ಸಾಧ್ಯತೆ ಇದೆ. ಮದ್ಯ ವ್ಯಸನಿಗಳು ಇರುವಲ್ಲಿಗೇ ಹೋಗಿ ಅವರಿಗೆ ಬೇಗಾದ ಮದ್ಯ ಪೂರೈಸುವಂಥ ವ್ಯವಸ್ಥೆಗೆ ಸರ್ಕಾರ ಅವಕಾಶ ಕಲ್ಪಿಸಿದರೂ ಅಚ್ಚರಿಯಿಲ್ಲ. ಅದೇ ರೀತಿ ಮದ್ಯ ದೊರಕದೆ ಇದ್ದರೆ ವ್ಯಸನಿಗಳು ಸಾಯುತ್ತಾರೆ ಎಂಬುದೂ ಅಪ್ಪಟ ಸುಳ್ಳು. ಮೂರು ವಾರ ಅನ್ನ ನೀರು ಇಲ್ಲದಿದ್ದರೂ ಕೆಲವರು ಬದುಕಿರುವ ಉದಾಹರಣೆಗಳಿವೆ. ಸರ್ಕಾರ ಒತ್ತಡಕ್ಕೆ ಮಣಿದು ಮದ್ಯ ಮಾರಾಟಕ್ಕೂ ಅವಕಾಶ ನೀಡಬಾರದು ಎಂದು ಶಾಸಕ ಬಯ್ಯಾಪುರ ಒತ್ತಾಯಿಸಿದರು.