ಟಿಪ್ಪು ಸುಲ್ತಾನ್‌ ಕಾಲದಲ್ಲಿ ಶ್ರೀಗಂಧವನ್ನು ಸಂಗ್ರಹಿಸಿ ಇಡಲು ಈ ಕೋಟೆಯನ್ನು ನಿರ್ಮಿಸಲಾಗಿತ್ತು. 18ನೇ ಶತಮಾನದ ಅಂತ್ಯ ಭಾಗದಲ್ಲಿ ಸಾಂಬಾರು ಪದಾರ್ಥಗಳ ಜತೆಗೆ ಶ್ರೀಗಂಧವನ್ನೂ ಕೂಡ ಮೈಸೂರು ರಾಜ್ಯದಿಂದ ಟರ್ಕಿ ಇತರ ದೇಶಗಳಿಗೆ ರಫ್ತು ಮಾಡಲಾಗುತ್ತಿತ್ತು. ರಫ್ತು ಮಾಡುವ ಮುನ್ನ ಗುಣಮಟ್ಟದ ಶ್ರೀಗಂಧವನ್ನು ಸಂರಕ್ಷಿಸಿ ಇಡುವ ಉದ್ದೇಶದಿಂದ ಟಿಪ್ಪು ಸುಲ್ತಾನನ ಅಧಿಕೃತ ಅರಮನೆ ಲಾಲ್‌ ಮಹಲ್‌ ಸಮೀಪದಲ್ಲೇ ಈ ಕೋಟೆಯನ್ನು ನಿರ್ಮಿಸಲಾಗಿತ್ತು. ಇದರಿಂದಾಗಿ ಈ ಕೋಟೆಗೆ ಸೆಂದಿಲ್‌ ಕೋಟೆ (ಸ್ಯಾಂಡಲ್‌ ಫೋರ್ಟ್‌) ಎಂಬ ಹೆಸರು ಬಂದಿದೆ. ಶ್ರೀಗಂಧದ ಕೋಠಿ ಎಂತಲೂ ಕರೆಯಲಾಗುತ್ತದೆ.
