ಎಚ್.ಡಿ.ಕೋಟೆ: ನೀರಿನ ತೊಟ್ಟಿಗೆ ಬಿದ್ದ ಬಾಲಕಿ ಸಾವು

ಮೊತ್ತ ಹಾಡಿಯ ಜೇನುಕುರುಬ ಮಹೇಶ್‌ಕುಮಾರ್ ಪುತ್ರಿ ಛಾಯಾ (2) ಮೃತ ಬಾಲಕಿ.

ಆಟ ಆಡುತ್ತಿದ್ದ ಸಂದರ್ಭದಲ್ಲಿ ಗ್ರಾಮದ ಶಿವಲಿಂಗೇಗೌಡರಿಗೆ ಸೇರಿದ ಮನೆ ಮುಂದೆ ನಿರ್ಮಾಣ ಮಾಡಿದ ನೀರಿನ ತೊಟ್ಟಿಗೆ ಬಿದ್ದಿದೆ. ಅಕ್ಕ ಪಕ್ಕದಲ್ಲಿ ಯಾರೂ ಇಲ್ಲದ್ದರಿಂದ ಯಾರ ಗಮನಕ್ಕೂ ಬಂದಿಲ್ಲ. ತದ ನಂತರ ಸ್ವಲ್ಪ ಹೊತ್ತಿನಲ್ಲಿ ನೀರಿನಲ್ಲಿ ತೇಲುತ್ತಿದ್ದ ಮಗು ಕಣ್ಣಿಗೆ ಬಿದ್ದಿದೆ.
ಮನೆ ಮಾಲೀಕರ ನಿರ್ಲಕ್ಷ್ಯಕ್ಕೆ ಮಗ ಬಲಿಯಾಗಿದೆ ಎಂದು ಮೊತ್ತ ಹಾಡಿಯ ಆದಿವಾಸಿ ಗಿರಿಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಮನೆ ಮಾಲೀಕರ ವಿರುದ್ಧ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ.