ಹನಗೋಡು: ನಾಗರಹೊಳೆ ರಾಷ್ಟ್ರೀಯ ಉದ್ಯಾನದ ಕಾಡಂಚಿನ ಕಿರಂಗೂರು ಗ್ರಾಮದ ಕೊಟ್ಟಿಗೆಗೆ ಬುಧವಾರ ರಾತ್ರಿ ನುಗ್ಗಿದ ಚಿರತೆ ಹಸುವೊಂದನ್ನು ಕೊಂದು ಹಾಕಿದೆ.
ಗ್ರಾಮದ ಚಿನ್ನಸ್ವಾಮಿ ತಮ್ಮ ಮನೆಯ ಕೊಟ್ಟಿಗೆಯಲ್ಲಿ ಹಸು ಕಟ್ಟಿದ್ದರು. ಅದು ರಾತ್ರಿ ಕಿರುಚಾಡಿದಾಗ ಎಚ್ಚರಗೊಂಡು ಹೋಗಿ ನೋಡಿ, ಕೂಗಾಡಿ ಪಕ್ಕದ ಮನೆಯವರನ್ನು ಸೇರಿಸುವಷ್ಟರಲ್ಲಿ ಚಿರತೆ ಹಸು ಕೊಂದು ಹೋಗಿದೆ. ಇದರಿಂದ ಮತ್ತೆ ಯಾವಾಗ ಚಿರತೆ ದಾಳಿ ಮಾಡುವುದೋ ಎಂಬ ಆತಂಕ ಗ್ರಾಮಸ್ಥರದ್ದಾಗಿದೆ.
₹ 50 ಸಾವಿರ ಬೆಲೆಯ ಹಸು ಹೋಯಿತು ಎಂದು ಚಿನ್ನಸ್ವಾಮಿ ತಿಳಿಸಿದರು.
ಸ್ಥಳಕ್ಕೆ ಉಪವಲಯ ಅರಣ್ಯಾಧಿಕಾರಿ ದ್ವಾರಕನಾಥ್ ಮತ್ತು ಸಿಬ್ಬಂದಿ ಬಂದು ಪರಿಶೀಲನೆ ನಡೆಸಿದರು.