<p>ಮೈಸೂರು: ‘ಹಣಕಾಸಿನ ಕೊರತೆ ಎದುರಿಸುತ್ತಿರುವ ಮೈಸೂರು ವಿಶ್ವವಿದ್ಯಾಲಯವನ್ನು ಕೇಂದ್ರೀಯ ವಿಶ್ವವಿದ್ಯಾಲಯವಾಗಿಸಲು ಎಲ್ಲ ಪ್ರಕ್ರಿಯೆ ಆರಂಭಿಸಲಾಗುವುದು’ ಎಂದು ಕುಲಪತಿ ಪ್ರೊ.ಎನ್.ಕೆ.ಲೋಕನಾಥ್ ಹೇಳಿದರು.</p>.<p>ಮಾನಸಗಂಗೋತ್ರಿಯ ವಿಜ್ಞಾನ ಭವನದಲ್ಲಿ ಶುಕ್ರವಾರ ಕುಲಪತಿ ಅಧ್ಯಕ್ಷತೆಯಲ್ಲಿ ನಡೆದ ಶಿಕ್ಷಣ ಮಂಡಳಿಯ ನಾಲ್ಕನೇ ಸಾಮಾನ್ಯ ಸಭೆಯಲ್ಲಿ ಕೊರತೆಯ ಬಜೆಟ್ ಹಾಗೂ ಆರ್ಥಿಕ ಬಿಕ್ಕಟ್ಟು ಪ್ರತಿಧ್ವನಿಸಿತು. ಕಲಾ ನಿಕಾಯದ ಡೀನ್ ಪ್ರೊ.ಮುಜಾಫರ್ ಅಸ್ಸಾದಿ ಈ ವಿಚಾರ ಪ್ರಸ್ತಾಪಿಸಿದರು.</p>.<p>‘ಪಿಂಚಣಿಗೆ ಸರ್ಕಾರದಿಂದ ಬರುವ ಹಣವು ಕಡಿಮೆಯಾಗಿದೆ. ₹ 50 ಕೋಟಿ ಕೊರತೆಯಿದೆ. ವರ್ಷದಿಂದ ವರ್ಷಕ್ಕೆ ಪಿಂಚಣಿದಾರರ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಜಿಲ್ಲೆಗೊಂದು ವಿಶ್ವವಿದ್ಯಾಲಯವಾದ್ದರಿಂದ ಮೈಸೂರಿಗಷ್ಟೇ ವಿಶ್ವವಿದ್ಯಾಲಯ ಸೀಮಿತಗೊಂಡಿದೆ. ಸಂಪನ್ಮೂಲವೂ ಕಡಿಮೆಯಾಗಿದೆ. ಸುಸಜ್ಜಿತ ಕಟ್ಟಡ ಹಾಗೂ ಮೂಲಸೌಕರ್ಯ ಹೊಂದಿರುವುದರಿಂದ ಕೇಂದ್ರೀಯ ವಿಶ್ವವಿದ್ಯಾಲಯವಾಗಿಸಲು ಶ್ರಮಿಸಬೇಕು’ ಎಂದು ಅಸ್ಸಾದಿ ಸಲಹೆ ನೀಡಿದರು.</p>.<p>‘ಗಂಭೀರವಾಗಿ ಯೋಚಿಸಬೇಕಾದ ತುರ್ತಿನ ಸಂದರ್ಭವಿದು. ನವನೀತ್ ರಾಯ್ ಸಮಿತಿಯೂ ಮೈಸೂರು ವಿಶ್ವವಿದ್ಯಾಲಯವನ್ನು ಇನ್ಸ್ಟಿಟ್ಯೂಟ್ ಆಫ್ ಎಕ್ಸಲೆನ್ಸ್ ಮಾಡಲು ಸಲಹೆ ನೀಡಿತ್ತು. ಆರ್ಥಿಕ ಬಿಕ್ಕಟ್ಟಿನಿಂದ ಸಮಸ್ಯೆಗಳು ಉಲ್ಬಣಗೊಳ್ಳುವ ಮೊದಲು ಪರಿಹಾರದ ದಾರಿ ಹುಡುಕಬೇಕು. ಕೇಂದ್ರೀಯ ವಿಶ್ವವಿದ್ಯಾಲಯ ಮಾಡುವುದೇ ನಮ್ಮ ಮುಂದಿರುವ ಆಯ್ಕೆ’ ಎಂದರು.</p>.<p>‘ಬರುವ ದಿನಗಳಲ್ಲಿ ಬೋಧಕೇತರ ಸಿಬ್ಬಂದಿ ಹಾಗೂ ಅತಿಥಿ ಉಪನ್ಯಾಸಕರಿಗೆ ವೇತನ ನೀಡಲಾಗದ ಸ್ಥಿತಿ ಬರಬಹುದು. ಆರ್ಥಿಕ ಬಿಕ್ಕಟ್ಟನ್ನು ಮೀರಲು, ಖರ್ಚುಗಳನ್ನು ಕಡಿತಗೊಳಿಸಬೇಕು’ ಎಂದು ಹೇಳಿದರು.</p>.<p>ಇದಕ್ಕೆ ದನಿಗೂಡಿಸಿದ ಮಂಡಳಿಯ ನಾಮನಿರ್ದೇಶಿತ ಸದಸ್ಯ ಪ್ರೊ.ಅಯ್ಯಣ್ಣ, ‘ಬಹುತೇಕ ಎಲ್ಲ ರಾಜ್ಯಗಳಲ್ಲೂ ಎರಡು ಕೇಂದ್ರೀಯ ವಿಶ್ವವಿದ್ಯಾಲಯಗಳಿವೆ. ಮೈಸೂರು ವಿಶ್ವವಿದ್ಯಾಲಯಕ್ಕೆ ಉತ್ತಮ ಮೂಲಸೌಕರ್ಯ ಹಾಗೂ ಇತಿಹಾಸ ಹೊಂದಿದೆ. ಕೇಂದ್ರೀಯ ವಿಶ್ವವಿದ್ಯಾಲಯವಾದರೆ ದೇಶದ ವಿವಿಧ ಮೂಲೆಗಳಿಂದ ವಿದ್ಯಾರ್ಥಿಗಳು ಬರಲಿದ್ದಾರೆ’ ಎಂದರು.</p>.<p>ಪ್ರತಿಕ್ರಿಯಿಸಿದ ಕುಲಪತಿ ಲೋಕನಾಥ್, ‘ಈ ಹಿಂದಿನ ಸಮಿತಿ ಇದೇ ಸಲಹೆ ನೀಡಿತ್ತು. ಲೋಕಸಭಾ ಚುನಾವಣೆ ಬರುವುದರೊಳಗೆ ಪ್ರಕ್ರಿಯೆಯನ್ನು ಆರಂಭಿಸಲಾಗುವುದು. ಎಲ್ಲರ ಸಲಹೆಯನ್ನೂ ಪಡೆಯಲಾಗುವುದು’ ಎಂದು ಭರವಸೆ ನೀಡಿದರು.</p>.<p>ವಿಧಾನಪರಿಷತ್ ಸದಸ್ಯ ಸಿ.ಎನ್.ಮಂಜೇಗೌಡ ಮಾತನಾಡಿ, ‘ವಿಶ್ವವಿದ್ಯಾಲಯದಲ್ಲಿ ಉತ್ತಮ ಕಟ್ಟಡಗಳು ಇವೆ. ಸೋಲಾರ್ ಬಳಕೆ ಹೆಚ್ಚಿಸಿ ವಿದ್ಯುತ್ ಬಿಲ್ ಹೊರೆ ಕಡಿಮೆಗೊಳಿಸಲು ಕ್ರಮವಹಿಸಬೇಕು’ ಎಂದು ಸಲಹೆ ನೀಡಿದರು.</p>.<p>‘ಕುಕ್ಕರಹಳ್ಳಿ ಕೆರೆ ಅಭಿವೃದ್ಧಿಗೆ ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ ₹ 10 ಕೋಟಿ ಅನುದಾನ ನೀಡಲಿದ್ದು, ಮನವಿ ಪತ್ರ ಸಲ್ಲಿಸಬೇಕು. ಮಾನಸಗಂಗೋತ್ರಿ ಕ್ಯಾಂಪಸ್ನಲ್ಲಿ ಕಿರು ಅರಣ್ಯ ಹೆಚ್ಚಿಸಲು ಇನ್ನಷ್ಟು ಮುಂದಾಗಬೇಕು. ಯುಜಿಸಿ ನಿಯಮದ ಪ್ರಕಾರ ಶೇ 75ರಷ್ಟು ಕಾಯಂ ಅಧ್ಯಾಪಕರು ಹಾಗೂ ಸಿಬ್ಬಂದಿ ಇರಬೇಕು. ಆದರೆ, ಅರ್ಧಕ್ಕಿಂತಲೂ ಸಿಬ್ಬಂದಿ ಕಡಿಮೆ ಇದ್ದಾರೆ’ ಎಂದು ಹೇಳಿದರು.</p>.<p>ಕಾನೂನು ನಿಕಾಯದ ಪ್ರೊ.ಟಿ.ಆರ್.ಮಾರುತಿ ಮಾತನಾಡಿ, ‘ಕಾನೂನು ನಿಕಾಯಕ್ಕಾಗಿ ವಿವಿಧ ಖರ್ಚುಗಳಿಗಾಗಿ ₹ 2 ಕೋಟಿ ಅನುದಾನ ಬೇಕಿದೆ’ ಎಂದರು ಅದಕ್ಕೆ ಪ್ರತಿಯಿಸಿದ ಕುಲಪತಿ ಲೋಕನಾಥ್, ‘ವೆಚ್ಚಗಳನ್ನು ನೀವೇ ಭರಿಸಿಕೊಳ್ಳಬೇಕು’ ಎಂದರು.</p>.<p>ಕುಲಸಚಿವರಾದ ವಿ.ಆರ್.ಶೈಲಜಾ, ಪ್ರೊ.ಎ.ಪಿ.ಜ್ಞಾನಪ್ರಕಾಶ್, ಹಣಕಾಸು ಅಧಿಕಾರಿ ಸಂಗೀತಾ ಗಜಾನನ ಭಟ್, ವಿವಿಧ ನಿಕಾಯಗಳ ಡೀನ್ಗಳು ಪಾಲ್ಗೊಂಡಿದ್ದರು.</p>.<p>₹ 85.4 ಕೋಟಿ ಕೊರತೆ ಬಜೆಟ್: ಮೈಸೂರು ವಿಶ್ವವಿದ್ಯಾಲಯವು 2023–23ನೇ ಸಾಲಿಗೆ ₹ 85.4 ಕೋಟಿ ಕೊರತೆ ಬಜೆಟ್ ಅನ್ನು ಅನುಮೋದಿಸಿತು.</p>.<p>ವಿವಿ ಹಣಕಾಸು ಅಧಿಕಾರಿ ಸಂಗೀತಾ ಗಜಾನನ ಭಟ್ ಮಾತನಾಡಿ, ‘2023–24ನೇ ಸಾಲಿನ ವಿ.ವಿ ಬಜೆಟ್ ಅಂದಾಜಿನಲ್ಲಿ ಒಟ್ಟು ನಿರೀಕ್ಷಿತ ಆದಾಯ ₹ 347.16ಕೋಟಿ ಮತ್ತು ನಿರೀಕ್ಷಿತ ವೆಚ್ಚ ₹ 432.56 ಕೋಟಿಗಳಾಗಿದೆ. ₹ 85.4 ಕೋಟಿ ಕೊರತೆ ಬಜೆಟ್ ಮಂಡಿಸಲಾಗಿದೆ’ ಎಂದರು.</p>.<p>‘₹ 82 ಕೋಟಿ ಆಂತರಿಕ ಆದಾಯ ನಿರೀಕ್ಷಿಸಿದೆ. ಪ್ರವೇಶ, ನೋಂದಣಿ, ಸಂಯೋಜನೆ ಹಾಗೂ ಇನ್ನಿತರ ಶುಲ್ಕಗಳಿಂದ ₹ 32 ಕೋಟಿ, ಸ್ಕೀಂ ‘ಬಿ’ ಕೋರ್ಸ್ಗಳಿಂದ ₹ 3 ಕೋಟಿ, ಪರೀಕ್ಷಾ ಚಟುವಟಿಕೆಗಳಿಂದ ₹ 40 ಕೋಟಿ, ವಿ.ವಿಯ ವಿವಿಧ ಆಸ್ತಿಗಳಿಂದ ₹ 3 ಕೋಟಿ ಆದಾಯ ನಿರೀಕ್ಷಿಸಲಾಗಿದೆ’ ಎಂದು ಹೇಳಿದರು.</p>.<p>ಪಿಂಚಣಿ ಸೌಲಭ್ಯ: ‘2022–23ರ ಸಾಲಿನಲ್ಲಿ 1,761 ಪಿಂಚಣಿದಾರರಿಗೆ ಸರ್ಕಾರವು ₹ 50 ಕೋಟಿ ಬಿಡುಗಡೆ ಮಾಡಿದೆ. ವಿ.ವಿಯಲ್ಲಿ ಪ್ರಸ್ತುತ 61 ಉದ್ಯೋಗಿಗಳು ನಿವೃತ್ತರಾಗಲಿದ್ದು, ಪಿಂಚಣಿದಾರರ ಸಂಖ್ಯೆ 1,841 ಆಗಲಿದೆ. ಈ ಶೈಕ್ಷಣಿಕ ಸಾಲಿನ ಪಿಂಚಣಿಗೆ ₹ 127.62 ಕೋಟಿ ನಿಗದಿಪಡಿಸಲಾಗಿದೆ. ಈಗಲೂ ₹ 50 ಕೋಟಿ ಸರ್ಕಾರ ನೀಡಿದೆ. ಇನ್ನುಳಿದ ₹ 77.62 ಕೋಟಿ ಹಣವನ್ನು ಆಂತರಿಕ ಆದಾಯದಲ್ಲಿಯೇ ಭರಿಸಲಾಗಿದೆ’ ಎಂದು ಸಂಗೀತಾ ಗಜಾನನ ಭಟ್ ಮಾಹಿತಿ ನೀಡಿದರು.</p>.<p>‘ವಿ.ವಿಯ ಕಾಯಂ ಉದ್ಯೋಗಿಗಳ ವೇತನ ಭತ್ಯೆಗಳಿಗಾಗಿ ₹ 121.08 ಕೋಟಿ ನಿಗದಿಪಡಿಸಿದ್ದು, ಸರ್ಕಾರವೇ ಎಚ್ಆರ್ಎಂಎಸ್ ಪೋರ್ಟಲ್ ಮೂಲಕ ವೇತನ ಪಾವತಿಸುತ್ತಿದೆ’ ಎಂದರು.</p>.<p><strong>ಸಭೆಯ ನಿರ್ಣಯಗಳು:</strong></p>.<p>* ವಿಶ್ವವಿದ್ಯಾಲಯದ ವಾರ್ಷಿಕ ಘಟಿಕೋತ್ಸವದಲ್ಲಿ ಖಾದಿ ಹಾಗೂ ಕೈಮಗ್ಗ ಬಟ್ಟೆಗಳಿಂದ ತಯಾರಿಸಿದ ಉಡುಪು ನೀಡಲು ಒಪ್ಪಿಗೆ</p>.<p>* 2006 ಏ.1ರಿಂದ ಸೇರ್ಪಡೆಯಾಗಿರುವ ಉದ್ಯೋಗಿಗಳಿಗೆ ಹೊಸ ಪಿಂಚಣಿ ಯೋಜನೆ ಅನ್ವಯ</p>.<p>* ಎಂ.ಎ ತತ್ವಶಾಸ್ತ್ರದಲ್ಲಿ ಹೆಚ್ಚು ಅಂಕ ಪಡೆದವರಿಗೆ ‘ಸುಜಾತಮಣಿ ಸಿಂದಘಟ್ಟ ನಾಗರಾಜ ಚಿನ್ನದ ಪದಕ’ದ ₹ 1 ಲಕ್ಷ ದತ್ತಿ ಸ್ಥಾಪನೆಗೆ ಒಪ್ಪಿಗೆ</p>.<p>* ದೂರಶಿಕ್ಷಣದ ಸ್ನಾತಕ ಹಾಗೂ ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ 6 ತಿಂಗಳ ಬದಲು 3 ತಿಂಗಳಿಗೊಮ್ಮೆ ಪುನರಾವರ್ತಿತ ಪರೀಕ್ಷೆ ನಡೆಸಲು ಸಮ್ಮತಿ</p>.<p>* ದೂರಶಿಕ್ಷಣದ ಪ್ರವೇಶಾತಿ ಶುಲ್ಕ ಪರಿಷ್ಕರಣೆ. ಕನ್ನಡ ಭಾಷೆಯ ಉಚಿತ ಕಲಿಕೆಗೆ ಪ್ರಸ್ತಾವ. ವಿದೇಶಿ ವಿದ್ಯಾರ್ಥಿಗಳಿಗೆ $ 50/ ₹ 4 ಸಾವಿರ ನಿಗದಿಗೆ ಒಪ್ಪಿಗೆ</p>.<p>* ಎಂ.ಎಸ್ಸಿ ಆಹಾರ ವಿಜ್ಞಾನದಲ್ಲಿ 2ನೇ ಅತಿ ಹೆಚ್ಚು ಅಂಕ ಪಡೆದವರಿಗೆ ಪ್ರೊ.ಕೈರುನ್ನಿಸಾ ಬೇಗಂ ಹೆಸರಿನಲ್ಲಿ ₹ 50 ಸಾವಿರ ನಗದು ಬಹುಮಾನಕ್ಕೆ ಅನುಮೋದನೆ</p>.<p>* ಉಪಕುಲಸಚಿವ ಹುದ್ದೆಯ ವೇತನ ಶ್ರೇಣಿ ₹ 67,550– 1,04,600 ನಿಗದಿ</p>.<p>* ಸಿಒಬಿಎಸ್ಇ ಮಾನ್ಯತೆ ಪಡೆದ ನಂತರವೇ ಬೆಂಗಳೂರಿನ ಭಾರತ್ ಇನ್ಸ್ಟಿಟ್ಯೂಟ್ ಆಫ್ ಸ್ಕೂಲಿಂಗ್ ಎಜುಕೇಶನ್ ಸಂಸ್ಥೆಯ ವಿದ್ಯಾರ್ಥಿಗಳಿಗೆ ಮೈಸೂರು ವಿಶ್ವವಿದ್ಯಾಲಯದ ವ್ಯಾಪ್ತಿಗೆ ಬರುವ ಪದವಿ ಕಾಲೇಜುಗಳಲ್ಲಿ ಪ್ರವೇಶಾತಿ ನೀಡಲು ಸಭೆಯು ತೀರ್ಮಾನಿಸಿತು.</p>.<p>* ಕಾನೂನು, ಸ್ಕೂಲ್ ಆಫ್ ಎಂಜಿನಿಯರಿಂಗ್, ಶಿಕ್ಷಣ, ಕಲಾ, ವಿಜ್ಞಾನ ಮತ್ತು ತಂತ್ರಜ್ಞಾನ ನಿಕಾಯಗಳ ನಡವಳಿಯ ತೀರ್ಮಾನಗಳನ್ನು ಅನುಮೋದಿಸಲಾಯಿತು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೈಸೂರು: ‘ಹಣಕಾಸಿನ ಕೊರತೆ ಎದುರಿಸುತ್ತಿರುವ ಮೈಸೂರು ವಿಶ್ವವಿದ್ಯಾಲಯವನ್ನು ಕೇಂದ್ರೀಯ ವಿಶ್ವವಿದ್ಯಾಲಯವಾಗಿಸಲು ಎಲ್ಲ ಪ್ರಕ್ರಿಯೆ ಆರಂಭಿಸಲಾಗುವುದು’ ಎಂದು ಕುಲಪತಿ ಪ್ರೊ.ಎನ್.ಕೆ.ಲೋಕನಾಥ್ ಹೇಳಿದರು.</p>.<p>ಮಾನಸಗಂಗೋತ್ರಿಯ ವಿಜ್ಞಾನ ಭವನದಲ್ಲಿ ಶುಕ್ರವಾರ ಕುಲಪತಿ ಅಧ್ಯಕ್ಷತೆಯಲ್ಲಿ ನಡೆದ ಶಿಕ್ಷಣ ಮಂಡಳಿಯ ನಾಲ್ಕನೇ ಸಾಮಾನ್ಯ ಸಭೆಯಲ್ಲಿ ಕೊರತೆಯ ಬಜೆಟ್ ಹಾಗೂ ಆರ್ಥಿಕ ಬಿಕ್ಕಟ್ಟು ಪ್ರತಿಧ್ವನಿಸಿತು. ಕಲಾ ನಿಕಾಯದ ಡೀನ್ ಪ್ರೊ.ಮುಜಾಫರ್ ಅಸ್ಸಾದಿ ಈ ವಿಚಾರ ಪ್ರಸ್ತಾಪಿಸಿದರು.</p>.<p>‘ಪಿಂಚಣಿಗೆ ಸರ್ಕಾರದಿಂದ ಬರುವ ಹಣವು ಕಡಿಮೆಯಾಗಿದೆ. ₹ 50 ಕೋಟಿ ಕೊರತೆಯಿದೆ. ವರ್ಷದಿಂದ ವರ್ಷಕ್ಕೆ ಪಿಂಚಣಿದಾರರ ಸಂಖ್ಯೆಯೂ ಹೆಚ್ಚಾಗುತ್ತಿದೆ. ಜಿಲ್ಲೆಗೊಂದು ವಿಶ್ವವಿದ್ಯಾಲಯವಾದ್ದರಿಂದ ಮೈಸೂರಿಗಷ್ಟೇ ವಿಶ್ವವಿದ್ಯಾಲಯ ಸೀಮಿತಗೊಂಡಿದೆ. ಸಂಪನ್ಮೂಲವೂ ಕಡಿಮೆಯಾಗಿದೆ. ಸುಸಜ್ಜಿತ ಕಟ್ಟಡ ಹಾಗೂ ಮೂಲಸೌಕರ್ಯ ಹೊಂದಿರುವುದರಿಂದ ಕೇಂದ್ರೀಯ ವಿಶ್ವವಿದ್ಯಾಲಯವಾಗಿಸಲು ಶ್ರಮಿಸಬೇಕು’ ಎಂದು ಅಸ್ಸಾದಿ ಸಲಹೆ ನೀಡಿದರು.</p>.<p>‘ಗಂಭೀರವಾಗಿ ಯೋಚಿಸಬೇಕಾದ ತುರ್ತಿನ ಸಂದರ್ಭವಿದು. ನವನೀತ್ ರಾಯ್ ಸಮಿತಿಯೂ ಮೈಸೂರು ವಿಶ್ವವಿದ್ಯಾಲಯವನ್ನು ಇನ್ಸ್ಟಿಟ್ಯೂಟ್ ಆಫ್ ಎಕ್ಸಲೆನ್ಸ್ ಮಾಡಲು ಸಲಹೆ ನೀಡಿತ್ತು. ಆರ್ಥಿಕ ಬಿಕ್ಕಟ್ಟಿನಿಂದ ಸಮಸ್ಯೆಗಳು ಉಲ್ಬಣಗೊಳ್ಳುವ ಮೊದಲು ಪರಿಹಾರದ ದಾರಿ ಹುಡುಕಬೇಕು. ಕೇಂದ್ರೀಯ ವಿಶ್ವವಿದ್ಯಾಲಯ ಮಾಡುವುದೇ ನಮ್ಮ ಮುಂದಿರುವ ಆಯ್ಕೆ’ ಎಂದರು.</p>.<p>‘ಬರುವ ದಿನಗಳಲ್ಲಿ ಬೋಧಕೇತರ ಸಿಬ್ಬಂದಿ ಹಾಗೂ ಅತಿಥಿ ಉಪನ್ಯಾಸಕರಿಗೆ ವೇತನ ನೀಡಲಾಗದ ಸ್ಥಿತಿ ಬರಬಹುದು. ಆರ್ಥಿಕ ಬಿಕ್ಕಟ್ಟನ್ನು ಮೀರಲು, ಖರ್ಚುಗಳನ್ನು ಕಡಿತಗೊಳಿಸಬೇಕು’ ಎಂದು ಹೇಳಿದರು.</p>.<p>ಇದಕ್ಕೆ ದನಿಗೂಡಿಸಿದ ಮಂಡಳಿಯ ನಾಮನಿರ್ದೇಶಿತ ಸದಸ್ಯ ಪ್ರೊ.ಅಯ್ಯಣ್ಣ, ‘ಬಹುತೇಕ ಎಲ್ಲ ರಾಜ್ಯಗಳಲ್ಲೂ ಎರಡು ಕೇಂದ್ರೀಯ ವಿಶ್ವವಿದ್ಯಾಲಯಗಳಿವೆ. ಮೈಸೂರು ವಿಶ್ವವಿದ್ಯಾಲಯಕ್ಕೆ ಉತ್ತಮ ಮೂಲಸೌಕರ್ಯ ಹಾಗೂ ಇತಿಹಾಸ ಹೊಂದಿದೆ. ಕೇಂದ್ರೀಯ ವಿಶ್ವವಿದ್ಯಾಲಯವಾದರೆ ದೇಶದ ವಿವಿಧ ಮೂಲೆಗಳಿಂದ ವಿದ್ಯಾರ್ಥಿಗಳು ಬರಲಿದ್ದಾರೆ’ ಎಂದರು.</p>.<p>ಪ್ರತಿಕ್ರಿಯಿಸಿದ ಕುಲಪತಿ ಲೋಕನಾಥ್, ‘ಈ ಹಿಂದಿನ ಸಮಿತಿ ಇದೇ ಸಲಹೆ ನೀಡಿತ್ತು. ಲೋಕಸಭಾ ಚುನಾವಣೆ ಬರುವುದರೊಳಗೆ ಪ್ರಕ್ರಿಯೆಯನ್ನು ಆರಂಭಿಸಲಾಗುವುದು. ಎಲ್ಲರ ಸಲಹೆಯನ್ನೂ ಪಡೆಯಲಾಗುವುದು’ ಎಂದು ಭರವಸೆ ನೀಡಿದರು.</p>.<p>ವಿಧಾನಪರಿಷತ್ ಸದಸ್ಯ ಸಿ.ಎನ್.ಮಂಜೇಗೌಡ ಮಾತನಾಡಿ, ‘ವಿಶ್ವವಿದ್ಯಾಲಯದಲ್ಲಿ ಉತ್ತಮ ಕಟ್ಟಡಗಳು ಇವೆ. ಸೋಲಾರ್ ಬಳಕೆ ಹೆಚ್ಚಿಸಿ ವಿದ್ಯುತ್ ಬಿಲ್ ಹೊರೆ ಕಡಿಮೆಗೊಳಿಸಲು ಕ್ರಮವಹಿಸಬೇಕು’ ಎಂದು ಸಲಹೆ ನೀಡಿದರು.</p>.<p>‘ಕುಕ್ಕರಹಳ್ಳಿ ಕೆರೆ ಅಭಿವೃದ್ಧಿಗೆ ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ ₹ 10 ಕೋಟಿ ಅನುದಾನ ನೀಡಲಿದ್ದು, ಮನವಿ ಪತ್ರ ಸಲ್ಲಿಸಬೇಕು. ಮಾನಸಗಂಗೋತ್ರಿ ಕ್ಯಾಂಪಸ್ನಲ್ಲಿ ಕಿರು ಅರಣ್ಯ ಹೆಚ್ಚಿಸಲು ಇನ್ನಷ್ಟು ಮುಂದಾಗಬೇಕು. ಯುಜಿಸಿ ನಿಯಮದ ಪ್ರಕಾರ ಶೇ 75ರಷ್ಟು ಕಾಯಂ ಅಧ್ಯಾಪಕರು ಹಾಗೂ ಸಿಬ್ಬಂದಿ ಇರಬೇಕು. ಆದರೆ, ಅರ್ಧಕ್ಕಿಂತಲೂ ಸಿಬ್ಬಂದಿ ಕಡಿಮೆ ಇದ್ದಾರೆ’ ಎಂದು ಹೇಳಿದರು.</p>.<p>ಕಾನೂನು ನಿಕಾಯದ ಪ್ರೊ.ಟಿ.ಆರ್.ಮಾರುತಿ ಮಾತನಾಡಿ, ‘ಕಾನೂನು ನಿಕಾಯಕ್ಕಾಗಿ ವಿವಿಧ ಖರ್ಚುಗಳಿಗಾಗಿ ₹ 2 ಕೋಟಿ ಅನುದಾನ ಬೇಕಿದೆ’ ಎಂದರು ಅದಕ್ಕೆ ಪ್ರತಿಯಿಸಿದ ಕುಲಪತಿ ಲೋಕನಾಥ್, ‘ವೆಚ್ಚಗಳನ್ನು ನೀವೇ ಭರಿಸಿಕೊಳ್ಳಬೇಕು’ ಎಂದರು.</p>.<p>ಕುಲಸಚಿವರಾದ ವಿ.ಆರ್.ಶೈಲಜಾ, ಪ್ರೊ.ಎ.ಪಿ.ಜ್ಞಾನಪ್ರಕಾಶ್, ಹಣಕಾಸು ಅಧಿಕಾರಿ ಸಂಗೀತಾ ಗಜಾನನ ಭಟ್, ವಿವಿಧ ನಿಕಾಯಗಳ ಡೀನ್ಗಳು ಪಾಲ್ಗೊಂಡಿದ್ದರು.</p>.<p>₹ 85.4 ಕೋಟಿ ಕೊರತೆ ಬಜೆಟ್: ಮೈಸೂರು ವಿಶ್ವವಿದ್ಯಾಲಯವು 2023–23ನೇ ಸಾಲಿಗೆ ₹ 85.4 ಕೋಟಿ ಕೊರತೆ ಬಜೆಟ್ ಅನ್ನು ಅನುಮೋದಿಸಿತು.</p>.<p>ವಿವಿ ಹಣಕಾಸು ಅಧಿಕಾರಿ ಸಂಗೀತಾ ಗಜಾನನ ಭಟ್ ಮಾತನಾಡಿ, ‘2023–24ನೇ ಸಾಲಿನ ವಿ.ವಿ ಬಜೆಟ್ ಅಂದಾಜಿನಲ್ಲಿ ಒಟ್ಟು ನಿರೀಕ್ಷಿತ ಆದಾಯ ₹ 347.16ಕೋಟಿ ಮತ್ತು ನಿರೀಕ್ಷಿತ ವೆಚ್ಚ ₹ 432.56 ಕೋಟಿಗಳಾಗಿದೆ. ₹ 85.4 ಕೋಟಿ ಕೊರತೆ ಬಜೆಟ್ ಮಂಡಿಸಲಾಗಿದೆ’ ಎಂದರು.</p>.<p>‘₹ 82 ಕೋಟಿ ಆಂತರಿಕ ಆದಾಯ ನಿರೀಕ್ಷಿಸಿದೆ. ಪ್ರವೇಶ, ನೋಂದಣಿ, ಸಂಯೋಜನೆ ಹಾಗೂ ಇನ್ನಿತರ ಶುಲ್ಕಗಳಿಂದ ₹ 32 ಕೋಟಿ, ಸ್ಕೀಂ ‘ಬಿ’ ಕೋರ್ಸ್ಗಳಿಂದ ₹ 3 ಕೋಟಿ, ಪರೀಕ್ಷಾ ಚಟುವಟಿಕೆಗಳಿಂದ ₹ 40 ಕೋಟಿ, ವಿ.ವಿಯ ವಿವಿಧ ಆಸ್ತಿಗಳಿಂದ ₹ 3 ಕೋಟಿ ಆದಾಯ ನಿರೀಕ್ಷಿಸಲಾಗಿದೆ’ ಎಂದು ಹೇಳಿದರು.</p>.<p>ಪಿಂಚಣಿ ಸೌಲಭ್ಯ: ‘2022–23ರ ಸಾಲಿನಲ್ಲಿ 1,761 ಪಿಂಚಣಿದಾರರಿಗೆ ಸರ್ಕಾರವು ₹ 50 ಕೋಟಿ ಬಿಡುಗಡೆ ಮಾಡಿದೆ. ವಿ.ವಿಯಲ್ಲಿ ಪ್ರಸ್ತುತ 61 ಉದ್ಯೋಗಿಗಳು ನಿವೃತ್ತರಾಗಲಿದ್ದು, ಪಿಂಚಣಿದಾರರ ಸಂಖ್ಯೆ 1,841 ಆಗಲಿದೆ. ಈ ಶೈಕ್ಷಣಿಕ ಸಾಲಿನ ಪಿಂಚಣಿಗೆ ₹ 127.62 ಕೋಟಿ ನಿಗದಿಪಡಿಸಲಾಗಿದೆ. ಈಗಲೂ ₹ 50 ಕೋಟಿ ಸರ್ಕಾರ ನೀಡಿದೆ. ಇನ್ನುಳಿದ ₹ 77.62 ಕೋಟಿ ಹಣವನ್ನು ಆಂತರಿಕ ಆದಾಯದಲ್ಲಿಯೇ ಭರಿಸಲಾಗಿದೆ’ ಎಂದು ಸಂಗೀತಾ ಗಜಾನನ ಭಟ್ ಮಾಹಿತಿ ನೀಡಿದರು.</p>.<p>‘ವಿ.ವಿಯ ಕಾಯಂ ಉದ್ಯೋಗಿಗಳ ವೇತನ ಭತ್ಯೆಗಳಿಗಾಗಿ ₹ 121.08 ಕೋಟಿ ನಿಗದಿಪಡಿಸಿದ್ದು, ಸರ್ಕಾರವೇ ಎಚ್ಆರ್ಎಂಎಸ್ ಪೋರ್ಟಲ್ ಮೂಲಕ ವೇತನ ಪಾವತಿಸುತ್ತಿದೆ’ ಎಂದರು.</p>.<p><strong>ಸಭೆಯ ನಿರ್ಣಯಗಳು:</strong></p>.<p>* ವಿಶ್ವವಿದ್ಯಾಲಯದ ವಾರ್ಷಿಕ ಘಟಿಕೋತ್ಸವದಲ್ಲಿ ಖಾದಿ ಹಾಗೂ ಕೈಮಗ್ಗ ಬಟ್ಟೆಗಳಿಂದ ತಯಾರಿಸಿದ ಉಡುಪು ನೀಡಲು ಒಪ್ಪಿಗೆ</p>.<p>* 2006 ಏ.1ರಿಂದ ಸೇರ್ಪಡೆಯಾಗಿರುವ ಉದ್ಯೋಗಿಗಳಿಗೆ ಹೊಸ ಪಿಂಚಣಿ ಯೋಜನೆ ಅನ್ವಯ</p>.<p>* ಎಂ.ಎ ತತ್ವಶಾಸ್ತ್ರದಲ್ಲಿ ಹೆಚ್ಚು ಅಂಕ ಪಡೆದವರಿಗೆ ‘ಸುಜಾತಮಣಿ ಸಿಂದಘಟ್ಟ ನಾಗರಾಜ ಚಿನ್ನದ ಪದಕ’ದ ₹ 1 ಲಕ್ಷ ದತ್ತಿ ಸ್ಥಾಪನೆಗೆ ಒಪ್ಪಿಗೆ</p>.<p>* ದೂರಶಿಕ್ಷಣದ ಸ್ನಾತಕ ಹಾಗೂ ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ 6 ತಿಂಗಳ ಬದಲು 3 ತಿಂಗಳಿಗೊಮ್ಮೆ ಪುನರಾವರ್ತಿತ ಪರೀಕ್ಷೆ ನಡೆಸಲು ಸಮ್ಮತಿ</p>.<p>* ದೂರಶಿಕ್ಷಣದ ಪ್ರವೇಶಾತಿ ಶುಲ್ಕ ಪರಿಷ್ಕರಣೆ. ಕನ್ನಡ ಭಾಷೆಯ ಉಚಿತ ಕಲಿಕೆಗೆ ಪ್ರಸ್ತಾವ. ವಿದೇಶಿ ವಿದ್ಯಾರ್ಥಿಗಳಿಗೆ $ 50/ ₹ 4 ಸಾವಿರ ನಿಗದಿಗೆ ಒಪ್ಪಿಗೆ</p>.<p>* ಎಂ.ಎಸ್ಸಿ ಆಹಾರ ವಿಜ್ಞಾನದಲ್ಲಿ 2ನೇ ಅತಿ ಹೆಚ್ಚು ಅಂಕ ಪಡೆದವರಿಗೆ ಪ್ರೊ.ಕೈರುನ್ನಿಸಾ ಬೇಗಂ ಹೆಸರಿನಲ್ಲಿ ₹ 50 ಸಾವಿರ ನಗದು ಬಹುಮಾನಕ್ಕೆ ಅನುಮೋದನೆ</p>.<p>* ಉಪಕುಲಸಚಿವ ಹುದ್ದೆಯ ವೇತನ ಶ್ರೇಣಿ ₹ 67,550– 1,04,600 ನಿಗದಿ</p>.<p>* ಸಿಒಬಿಎಸ್ಇ ಮಾನ್ಯತೆ ಪಡೆದ ನಂತರವೇ ಬೆಂಗಳೂರಿನ ಭಾರತ್ ಇನ್ಸ್ಟಿಟ್ಯೂಟ್ ಆಫ್ ಸ್ಕೂಲಿಂಗ್ ಎಜುಕೇಶನ್ ಸಂಸ್ಥೆಯ ವಿದ್ಯಾರ್ಥಿಗಳಿಗೆ ಮೈಸೂರು ವಿಶ್ವವಿದ್ಯಾಲಯದ ವ್ಯಾಪ್ತಿಗೆ ಬರುವ ಪದವಿ ಕಾಲೇಜುಗಳಲ್ಲಿ ಪ್ರವೇಶಾತಿ ನೀಡಲು ಸಭೆಯು ತೀರ್ಮಾನಿಸಿತು.</p>.<p>* ಕಾನೂನು, ಸ್ಕೂಲ್ ಆಫ್ ಎಂಜಿನಿಯರಿಂಗ್, ಶಿಕ್ಷಣ, ಕಲಾ, ವಿಜ್ಞಾನ ಮತ್ತು ತಂತ್ರಜ್ಞಾನ ನಿಕಾಯಗಳ ನಡವಳಿಯ ತೀರ್ಮಾನಗಳನ್ನು ಅನುಮೋದಿಸಲಾಯಿತು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
