ಶಿವಮೊಗ್ಗ: ವಾರಕ್ಕೆ ಎಂಟು ಬಿಂದಿಗೆ ನೀರು, ಗ್ರಾಮೀಣರ ಕಣ್ಣೀರು!

ಜನರಿಗೆ ಕುಡಿಯಲು ನೀರು ಕೊಡಲು ಆಗದಷ್ಟು ತೊಂದರೆ ಏನೂ ಇಲ್ಲ. ಸಿಇಒ ಅವರಿಗೆ ತಕ್ಷಣ ನೀರಿನ ಸಮಸ್ಯೆ ಇರುವ ಗ್ರಾಮಗಳಿಗೆ ಭೇಟಿ ಕೊಟ್ಟು ಸಮಸ್ಯೆ ಪರಿಹಾರಕ್ಕೆ ಹೇಳುತ್ತೇನೆ..

ನಮಗೆ ಊಟವಿಲ್ಲದಿದ್ದರೂ ಪರವಾಗಿಲ್ಲ. ಕುಡಿಯಲು ನೀರು ಬೇಕು ಎಂಬ ಕಾರಣಕ್ಕೆ ಕೆಲಸಕ್ಕೆ ಹೋಗದೇ ಕಾದು ಕುಳಿತು ನೀರು ಪಡೆಯುತ್ತೇವೆ. ವಾರಕ್ಕೆ ಎಂಟು ಬಿಂದಿಗೆ ಯಾವುದಕ್ಕೂ ಸಾಲುವುದಿಲ್ಲ.

ಅರ್ಧ ಟ್ಯಾಂಕರ್ ನೀರು ತರುತ್ತಾರೆ. ಅದು ಯಾರಿಗೂ ಸಾಲುವುದಿಲ್ಲ. 2 ಕಿ.ಮೀ ದೂರದ ಅಗಸವಳ್ಳಿಯಿಂದ ನೀರು ಒಯ್ಯುತ್ತೇವೆ. ಬಾವಿ ನೀರು ಬಳಸುತ್ತೇವೆ.

ಕೊಳವೆ ಬಾವಿ ಬತ್ತಿ ಹೋಗಿವೆ. ಪಂಚಾಯ್ತಿಯ ಬೇರೆ ಕೆಲಸ ಬಿಟ್ಟು ಜನರಿಗೆ ಕುಡಿಯುವ ನೀರು ಹೊಂದಿಸುವ ಕೆಲಸವನ್ನೇ ಮಾಡುತ್ತಿದ್ದೇನೆ. ಆದರೂ ನೀರು ಸಾಲುತ್ತಿಲ್ಲ..