ನಾಡದೋಣಿ ಮೀನುಗಾರಿಕೆ: ಈ ಬಾರಿಯೂ ಹೊಡೆತ

ಉಡುಪಿ : ಹಲವು ದಿನಗಳಿಂದ ಬಿರುಸಿನ ಮಳೆ ಸುರಿಯುತ್ತಿರುವುದರಿಂದ ಜಿಲ್ಲೆಯ ನಾಡ ದೋಣಿ ಮೀನುಗಾರರ ದುಡಿಮೆಗೆ ಹೊಡೆತ ಬಿದ್ದಿದೆ.

. ಜುಲೈ ತಿಂಗಳ ಆರಂಭದಲ್ಲಿ ಮಳೆ ಸ್ವಲ್ಪ ಕಡಿಮೆ ಇದ್ದ ಕಾರಣ ಕೆಲ ದಿನಗಳ ಕಾಲ ಮಲ್ಪೆಯ ನಾಡ ದೋಣಿ ಮೀನುಗಾರರು ಮೀನುಗಾರಿಕೆ ನಡೆಸಿದ್ದರು. ಆದರೆ ಅನಂತರ ಹವಾಮಾನ ವೈಪರೀತ್ಯದಿಂದಾಗಿ ನಾಡ ದೋಣಿಗಳು ದಡ ಸೇರಿವೆ.

. ಆರಂಭದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ನಾಡದೋಣಿ ಮೀನುಗಾರರಿಗೆ ಹೆಚ್ಚಿನ ಪ್ರಮಾಣದಲ್ಲಿ ಸಿಗಡಿ ಸಿಕ್ಕಿತು. ಈಗಲೂ ಸಮುದ್ರಕ್ಕೆ ತೆರಳಿದರೆ ಸಿಗಡಿ ಸಿಗುತ್ತದೆ ಆದರೆ ತೆರಳಲು ಸಾಧ್ಯವಾಗುತ್ತಿಲ್ಲ ಎನ್ನುತ್ತಾರೆ ಮಲ್ಪೆಯ ಮೀನುಗಾರರು.

. ಬೈಂದೂರು ವ್ಯಾಪ್ತಿಯ ನಾಡದೋಣಿ ಮೀನುಗಾರರು ಜುಲೈ ಮಧ್ಯ ಭಾಗದಿಂದ ಮೀನುಗಾರಿಕೆ ಶುರು ಮಾಡಿದ್ದು, ಅವರಿಗೆ ಆರಂಭದಿಂದಲೇ ಹೊಡೆತ ಬಿದ್ದಿದೆ.

. ಕಳೆದ ವರ್ಷ ಕೂಡ ಜುಲೈ ತಿಂಗಳಲ್ಲಿ ಪದೇ ಪದೇ ಚಂಡಮಾರುತ ರೂಪಗೊಂಡ ಪರಿಣಾಮವಾಗಿ ನಾಡ ದೋಣಿಗಳು ಕಡಲಿಗಿಳಿಯದೆ ಮೀನುಗಾರರಿಗೆ ನಷ್ಟ ಉಂಟಾಗಿತ್ತು.

. ‘ಈ ಬಾರಿ ಉತ್ತಮ ಮೀನುಗಾರಿಕೆಯಾಗಬಹುದೆಂಬ ನಿರೀಕ್ಷೆ ಇತ್ತು. ಆದರೆ ಹವಾಮಾನ ವೈಪರೀತ್ಯದಿಂದಾಗಿ ದುಡಿಮೆ ಇಲ್ಲದಂತಾಗಿದೆ. ಟ್ರಾಲಿಂಗ್ ನಿಷೇಧ ತೆರವಾಗಲು ಇನ್ನು ಕೆಲವೇ ದಿನಗಳಿದ್ದು, ನಿರಂತರ ಮಳೆಯಿಂದಾಗಿ ಸಮುದ್ರಕ್ಕಿಳಿಯದ ಪರಿಸ್ಥಿತಿ ನಿರ್ಮಾಣವಾಗಿದೆ’ ಎಂದು ಮಲ್ಪೆಯ ನಾಡದೋಣಿ ಮೀನುಗಾರ ರತನ್ ತಿಳಿಸಿದರು.

. ‘ಸಮುದ್ರದಲ್ಲಿ ಆಗಾಗ ತೂಫಾನ್ ಎದ್ದ ಪರಿಣಾಮವಾಗಿ ಕಡಲಿನ ಅಲೆಗಳ ಅಬ್ಬರ ಜಾಸ್ತಿಯಾಗಿದೆ. ಈ ಕಾರಣಕ್ಕೆ ಅಳಿವೆ ಮುಖಾಂತರ ಕಡಲಿಗೆ ಮೀನುಗಾರಿಕೆಯ ತೆರಳಲು ಭಯವಾಗುತ್ತಿದೆ’ ಎಂದೂ ಅವರು ಹೇಳಿದರು.

. ‘ದುಬಾರಿಯಾಗಿದೆ ಸೀಮೆಎಣ್ಣೆ’

‘ಹೆಚ್ಚಿನ ನಾಡ ದೋಣಿಗಳಲ್ಲಿ ಸೀಮೆಎಣ್ಣೆ ಬಳಸುತ್ತಿದ್ದು ಕಳೆದ ವರ್ಷ ಲೀಟರ್ಗೆ ₹35 ಇದ್ದ ಸೀಮೆಎಣ್ಣೆಗೆ ಈ ಬಾರಿ ಲೀಟರ್ಗೆ ₹ 65 ಆಗಿದೆ. ಸೀಮೆಎಣ್ಣೆ ದರ ಲೀಟರ್ ₹100 ಇದ್ದು ಸಹಾಯಧನ ಕಳೆದು ಲೀಟರ್ಗೆ ₹65 ಪಾವತಿಸಬೇಕಾಗುತ್ತದೆ’ ಎಂದು ಮಲ್ಪೆ ಸಾಂಪ್ರದಾಯಿಕ ನಾಡ ದೋಣಿ ಮೀನುಗಾರರ ಸಂಘದ ಅಧ್ಯಕ್ಷ ಸುಂದರ್ ಸಾಲ್ಯಾನ್ ತಿಳಿಸಿದರು. ‘ಮೀನುಗಾರಿಕೆಗೆ ತೆರಳಿ ಮೀನು ಸಿಗದಿದ್ದರೆ ಸೀಮೆ ಎಣ್ಣೆಗೆ ಖರ್ಚು ಮಾಡಿದ ಹಣ ನಷ್ಟವಾಗುತ್ತದೆ. ಈ ಬಾರಿ ಮಲ್ಪೆ ನಾಡ ದೋಣಿ ಮೀನುಗಾರರಿಗೆ ಕೇವಲ 10 ದಿವಸ ಮಾತ್ರ ಮೀನುಗಾರಿಗೆ ನಡೆಸಲು ಸಾಧ್ಯವಾಗಿತ್ತು. ನಂತರ ಕಡಲಿನಲ್ಲಿ ತೂಫಾನ್ ಎದ್ದ ಕಾರಣ ಕಡಲಿಗಿಳಿಯದ ಪರಿಸ್ಥಿತಿ ನಿರ್ಮಾಣವಾಗಿದೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾಡದೋಣಿ ಮೀನುಗಾರಿಕೆ: ಈ ಬಾರಿಯೂ ಹೊಡೆತ

ಚಿನಕುರುಳಿ Cartoon: 29 ಜುಲೈ 2025

ಲೋಕಸಭೆಯಲ್ಲಿ ಬಾಯ್ತಪ್ಪಿನಿಂದ 'F' ಪದ ಬಳಕೆ ಮಾಡಿದ ರಾಹುಲ್ ಗಾಂಧಿ

Video | ಧರ್ಮಸ್ಥಳದಲ್ಲಿ ಭೂಮಿ ಅಗೆಯುವ ಕಾರ್ಯ: ಮಂಗಳವಾರ ಇಡೀ ದಿನ ಏನೇನಾಯ್ತು?

ಚುರುಮುರಿ: ಜಿಎಸ್‌ಟಿ ಮೀಟರ್

ಮಹಾರಾಣಿ ಟ್ರೋಫಿ ಕ್ರಿಕೆಟ್ ಟೂರ್ನಿಗೆ ಬಿಡ್: ನಿಕಿ ಪ್ರಸಾದ್‌ಗೆ ಗರಿಷ್ಠ ಮೌಲ್ಯ

ಎಟಿಪಿ ಚಾಲೆಂಜರ್‌ ಸುಮಿತ್‌ ನಗಾಲ್‌ ಮುನ್ನಡೆ

ಆಳ–ಅಗಲ: ವಿಶ್ವ ಚೆಸ್‌ನಲ್ಲಿ ಭಾರತದ ‘ಪ್ರಮೀಳೆ’ಯರ ಪ್ರಾಬಲ್ಯ

Divya Deshmukh: ‘ಜೆನ್‌ ಝೀ’ ಯುಗದ ನವತಾರೆ ದಿವ್ಯಾ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಚಿನಕುರುಳಿ Cartoon: 29 ಜುಲೈ 2025

ಲೋಕಸಭೆಯಲ್ಲಿ ಬಾಯ್ತಪ್ಪಿನಿಂದ 'F' ಪದ ಬಳಕೆ ಮಾಡಿದ ರಾಹುಲ್ ಗಾಂಧಿ

Video | ಧರ್ಮಸ್ಥಳದಲ್ಲಿ ಭೂಮಿ ಅಗೆಯುವ ಕಾರ್ಯ: ಮಂಗಳವಾರ ಇಡೀ ದಿನ ಏನೇನಾಯ್ತು?

ಚುರುಮುರಿ: ಜಿಎಸ್‌ಟಿ ಮೀಟರ್