ಶಿರಸಿ: 100 ಮೀಟರ್ ಉದ್ದದ ನಾಗರ ಹಾವಿನ ಚಿತ್ರ ಬಿಡಿಸಿದ ಮಕ್ಕಳು
ಅಕ್ಷರ ಗಾತ್ರ :ಆ |ಆ |ಆ
ಶಿರಸಿ: ನಾಗರ ಪಂಚಮಿ ಹಬ್ಬದಂದು ಸುಮಾರು 100 ಮೀಟರ್ ಉದ್ದದ ನಾಗರ ಹಾವಿನ ಚಿತ್ರ ಬಿಡಿಸಿ ಎಲ್ಲ ಗಮನ ಸೆಳೆದಿದ್ದಾರೆ ಮೂವರು ಮಕ್ಕಳು.
ತಾಲ್ಲೂಕಿನ ಕಲ್ಗುಂಡಿಕೊಪ್ಪದಲ್ಲಿ ಎಂಟು ಮನೆಗಳು ಹೊಂದಿಕೊಂಡಿರುವ ಕೇರಿಯಿದೆ. ಈ ಕೇರಿ ಮನೆಯ ಕಟ್ಟೆಯನ್ನೇ ಕ್ಯಾನ್ವಾಸ್ ಮಾಡಿಕೊಂಡ ಭೂಮಿಕಾ, ಪ್ರಣವ್ ಮತ್ತು ಆದರ್ಶ, ಚಾಕ್ ಪೀಸ್ ಬಳಸಿ, ತೆವಳುತ್ತ ಸಾಗುವ ನಾಗರ ಹಾವವನ್ನು ಸೃಷ್ಟಿಸಿದ್ದಾರೆ.
ಮಕ್ಕಳ ಸೃಜನಶೀಲತೆಗೆ ಊರವರು ಬೆರಗುಗೊಂಡಿದ್ದಾರೆ. ಈ ಬೃಹತ್ ಹಾವಿನ ಚಿತ್ರದ ವಿಡಿಯೊ ತುಣುಕು ವಾಟ್ಸ್ ಆ್ಯಪ್ ಗ್ರೂಪ್ ಗಳಲ್ಲಿ ಹರಿದಾಡುತ್ತಿದೆ. ಕಾಲೇಜು ವಿದ್ಯಾರ್ಥಿನಿ ಭೂಮಿಕಾ, ಪ್ರೌಢಶಾಲೆ ವಿದ್ಯಾರ್ಥಿ ಪ್ರಣವ್, ಪ್ರಾಥಮಿಕ ಶಾಲೆ ವಿದ್ಯಾರ್ಥಿ ಆದರ್ಶ ಅವರ ನಾಗ ಭಕ್ತಿಗೆ ಮೆಚ್ಚುಗೆ ವ್ಯಕ್ತವಾಗಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
