ನಗರಸಭೆ ಕಾರ್ಯಾಚರಣೆ: ಬಿಡಾಡಿಗಳು ಗೋಶಾಲೆ

ಯಾದಗಿರಿ: ನಗರದ‌ ಪ್ರಮುಖ ರಸ್ತೆಗಳ ಮೇಲೆ ‌ವಾಹನ ಸವಾರರಿಗೆ ಕಿರಿಕಿರಿ ಉಂಟು ಮಾಡುತ್ತಿದ್ದ ಬಿಡಾಡಿ ದನಗಳನ್ನು ನಗರಸಭೆ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ ಗೋಶಾಲೆಗೆ ಸಾಗಿಸಿದರು.

ನಗರದಲ್ಲಿ ವಿವಿಧ ಮುಖ್ಯ ರಸ್ತೆಗಳ ಮೇಲೆ ಬಿಡಾಡಿದ ದನಗಳ ಹಾವಳಿಯಿಂದ ಬೇಸತ್ತಿದ ಜನತೆ ನೀಡಿದ ದೂರಿನ ಹಿನ್ನೆಲೆಯಲ್ಲಿ ಶುಕ್ರವಾರ ರಾತ್ರಿ ಮಿಂಚಿನ ಕಾರ್ಯಾಚರಣೆ ನಡೆಸಿದರು.

ಗಂಜ್‌ ವೃತ್ತ, ಚಕ್ಕರಕಟ್ಟ, ಗಾಂಧಿ ವೃತ್ತ, ಸುಭಾಷ ವೃತ್ತ ಸೇರಿದಂತೆ ವಿವಿಧ ಕಡೆ ಕಾರ್ಯಾಚರಣೆ ನಡೆಸಲಾಯಿತು.

‘ನಗರಸಭೆಯಿಂದ 3 ತಂಡಗಳನ್ನು ರಚಿಸಲಾಗಿದೆ. ಕಾರ್ಯಾಚರಣೆ ನಡೆಸಿ ಬಿಡಾಡಿ ದನಗಳನ್ನು ಗೋಶಾಲೆ ಕಳುಹಿಸಲಾಗುವುದು’ ಎಂದು ಪ್ರಭಾರಿ ನಗರಸಭೆ ಪೌರಾಯುಕ್ತ ಬಕ್ಕಪ್ಪ ಹೊಸಮನಿ ತಿಳಿಸಿದರು.