ಬಾಲಿವುಡ್ ನಟ ಆಮೀರ್ ಖಾನ್ ಮತ್ತು ನಟಿ ಕರೀನಾ ಕಪೂರ್ ‘ಲಾಲ್‌ ಸಿಂಗ್ ಛಡ್ಡಾ’ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರೆ.
ಶೂಟಿಂಗ್ ಸೆಟ್‌ನಲ್ಲಿ ಆಮೀರ್ ಖಾನ್ ಸಿಖ್ ವೇಷದಲ್ಲಿ ಕಾಣಿಸಿರುವ ಮತ್ತು ಕರೀನಾ ಕಪೂರ್ ಆಸ್ಪತ್ರೆಯ ಗೌನ್ (ನಿಲುವಂಗಿ) ಧರಿಸಿ ಮಳೆಯಲ್ಲಿ ಕೊಡೆಹಿಡಿದು ಸಾಗುತ್ತಿರುವ ವಿಡಿಯೊವನ್ನು ಬಾಲಿವುಡ್ ಛಾಯಾಗ್ರಾಹಕ ವರೀಂದರ್ ಚಾವ್ಲಾ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ. ವಿಡಿಯೊಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.
ಶೂಟಿಂಗ್ ಸೆಟ್‌ನಲ್ಲಿ ತಂಡದ ಜತೆಗಿರುವ ಕೆಲವು ಫೊಟೊಗಳನ್ನು ಕರೀನಾ ಕಪೂರ್ ಭಾನುವಾರ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು. ಮೇಕ್ ಅಪ್‌ ಮಾಡಿಕೊಳ್ಳುತ್ತಿರುವುದು, ಫೋಟೊಗೆ ಪೋಸ್ ನೀಡುತ್ತಿರುವುದು ಸೇರಿದಂತೆ ಕೆಲವು ಚಿತ್ರಗಳನ್ನು ಅವರು ಹಂಚಿಕೊಂಡಿದ್ದರು.
