<p><strong>ನವದೆಹಲಿ: </strong>ಬಿಜೆಪಿ ಸಂಸದೆ ಹಾಗೂ ಬಾಲಿವುಡ್ ನಟಿ ಕಂಗನಾ ರನೌಟ್ ಅವರು ತಮ್ಮ ಕೆಫೆ 'ದಿ ಮೌಂಟೇನ್ ಸ್ಟೋರಿ' ಮನಾಲಿಯಲ್ಲಿ ಪ್ರೇಮಿಗಳ ದಿನದಂದು ಆರಂಭವಾಗಲಿದೆ ಎಂದು ತಿಳಿಸಿದ್ದಾರೆ.</p><p>ಇನ್ಸ್ಟಾಗ್ರಾಂನಲ್ಲಿ ವಿಡಿಯೊ ಹಂಚಿಕೊಂಡಿರುವ ಅವರು, ಹಿಮಾಲಯದಲ್ಲಿ ಕೆಫೆ ತೆರೆಯಬೇಕೆಂಬುದು ಬಾಲ್ಯದ ಕನಸಾಗಿತ್ತು. ಅದೀಗ ನನಸಾಗುತ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಹಿಮಾಲಯ ತಪ್ಪಲಿನ ರಮ್ಯ ಸೌಂದರ್ಯ, ಸ್ಥಳೀಯ ಜೀವನಶೈಲಿ, ಗುಡ್ಡಗಾಡಿನ ವಿಹಂಗಮ ನೋಟ, ಕಂಗನಾ ಹಂಚಿಕೊಂಡಿರುವ ವಿಡಿಯೊದಲ್ಲಿ ಸೆರೆಯಾಗಿದೆ.</p><p>ಈ ಸುದ್ದಿ ತಿಳಿದು, ಅವರ ಅಭಿಮಾನಿಗಳ ಪುಳಕಗೊಂಡಿದ್ದಾರೆ. ಈ ಹಿಂದೆ ಸಂದರ್ಶನವೊಂದರಲ್ಲಿ ಕಂಗನಾ ಅವರು ಕೆಫೆ ತೆರೆಯಬೇಕೆಂಬ ಬಯಕೆ ವ್ಯಕ್ತಪಡಿಸಿದ್ದನ್ನು ಮೆಲುಕು ಹಾಕಿ, ಶುಭ ಹಾರೈಸಿದ್ದಾರೆ.</p><p>ಕಂಗನಾ ಅವರು 2013ರಲ್ಲಿ ಪಾಲ್ಗೊಂಡಿದ್ದ ಸಂದರ್ಶನದಲ್ಲಿ, 'ನಾನು ಪ್ರಪಂಚದ ಎಲ್ಲ ಕಡೆ ಆಹಾರ ಸವಿದಿದ್ದೇನೆ. ಅತ್ಯುತ್ತಮ ರೆಸಿಪಿಗಳನ್ನು ಇಟ್ಟುಕೊಂಡಿದ್ದೇನೆ. ಎಲ್ಲಿಯಾದರೂ, ಅತ್ಯಂತ ಸುಂದರ ಹಾಗೂ ಸಣ್ಣದೊಂದು ಕೆಫೆ ತೆರೆಯುವ ಬಯಕೆ ಹೊಂದಿದ್ದೇನೆ. ಆಹಾರಕ್ಕೂ ನನಗೂ ಚೆನ್ನಾಗಿ ಆಗಿಬರುತ್ತದೆ' ಎಂದು ಹೇಳಿದ್ದರು.</p><p>ಸಂದರ್ಶನದಲ್ಲಿ ಭಾಗವಹಿಸಿದ್ದ ದೀಪಿಕಾ ಪಡುಕೋಣೆ, 'ನಾನೇ ಮೊದಲ ಗ್ರಾಹಕಿ' ಎಂದು ನಕ್ಕಿದ್ದರು.</p><p>ಇದೀ ಆ ವಿಡಿಯೊವನ್ನು ತಮ್ಮ ಸ್ಟೋರಿಯಲ್ಲಿ ಹಾಕಿಕೊಂಡಿರುವ ಕಂಗನಾ, ದೀಪಿಕಾ ಪಡುಕೋಣೆಯವರನ್ನು ಉಲ್ಲೇಖಿಸಿ 'ನೀವೇ ಮೊದಲ ಗ್ರಾಹಕಿಯಾಗಬೇಕು' ಎಂದು ಪ್ರೀತಿಯಿಂದ ಆಹ್ವಾನಿಸಿದ್ದಾರೆ.</p><p>ರನೌತ್ ನಟನೆಯ ಬಹುನಿರೀಕ್ಷಿತ 'ಎಮರ್ಜೆನ್ಸಿ' ಸಿನಿಮಾ ಜನವರಿ 17ರಂದು ತೆರೆ ಕಂಡಿತ್ತು. ಇದು ಮಾಜಿ ಪ್ರಧಾನಿ ದಿವಂಗತ ಇಂದಿರಾ ಗಾಂಧಿ ಅವರ ಜೀವನಾಧಾರಿತ ಸಿನಿಮಾ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಬಿಜೆಪಿ ಸಂಸದೆ ಹಾಗೂ ಬಾಲಿವುಡ್ ನಟಿ ಕಂಗನಾ ರನೌಟ್ ಅವರು ತಮ್ಮ ಕೆಫೆ 'ದಿ ಮೌಂಟೇನ್ ಸ್ಟೋರಿ' ಮನಾಲಿಯಲ್ಲಿ ಪ್ರೇಮಿಗಳ ದಿನದಂದು ಆರಂಭವಾಗಲಿದೆ ಎಂದು ತಿಳಿಸಿದ್ದಾರೆ.</p><p>ಇನ್ಸ್ಟಾಗ್ರಾಂನಲ್ಲಿ ವಿಡಿಯೊ ಹಂಚಿಕೊಂಡಿರುವ ಅವರು, ಹಿಮಾಲಯದಲ್ಲಿ ಕೆಫೆ ತೆರೆಯಬೇಕೆಂಬುದು ಬಾಲ್ಯದ ಕನಸಾಗಿತ್ತು. ಅದೀಗ ನನಸಾಗುತ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಹಿಮಾಲಯ ತಪ್ಪಲಿನ ರಮ್ಯ ಸೌಂದರ್ಯ, ಸ್ಥಳೀಯ ಜೀವನಶೈಲಿ, ಗುಡ್ಡಗಾಡಿನ ವಿಹಂಗಮ ನೋಟ, ಕಂಗನಾ ಹಂಚಿಕೊಂಡಿರುವ ವಿಡಿಯೊದಲ್ಲಿ ಸೆರೆಯಾಗಿದೆ.</p><p>ಈ ಸುದ್ದಿ ತಿಳಿದು, ಅವರ ಅಭಿಮಾನಿಗಳ ಪುಳಕಗೊಂಡಿದ್ದಾರೆ. ಈ ಹಿಂದೆ ಸಂದರ್ಶನವೊಂದರಲ್ಲಿ ಕಂಗನಾ ಅವರು ಕೆಫೆ ತೆರೆಯಬೇಕೆಂಬ ಬಯಕೆ ವ್ಯಕ್ತಪಡಿಸಿದ್ದನ್ನು ಮೆಲುಕು ಹಾಕಿ, ಶುಭ ಹಾರೈಸಿದ್ದಾರೆ.</p><p>ಕಂಗನಾ ಅವರು 2013ರಲ್ಲಿ ಪಾಲ್ಗೊಂಡಿದ್ದ ಸಂದರ್ಶನದಲ್ಲಿ, 'ನಾನು ಪ್ರಪಂಚದ ಎಲ್ಲ ಕಡೆ ಆಹಾರ ಸವಿದಿದ್ದೇನೆ. ಅತ್ಯುತ್ತಮ ರೆಸಿಪಿಗಳನ್ನು ಇಟ್ಟುಕೊಂಡಿದ್ದೇನೆ. ಎಲ್ಲಿಯಾದರೂ, ಅತ್ಯಂತ ಸುಂದರ ಹಾಗೂ ಸಣ್ಣದೊಂದು ಕೆಫೆ ತೆರೆಯುವ ಬಯಕೆ ಹೊಂದಿದ್ದೇನೆ. ಆಹಾರಕ್ಕೂ ನನಗೂ ಚೆನ್ನಾಗಿ ಆಗಿಬರುತ್ತದೆ' ಎಂದು ಹೇಳಿದ್ದರು.</p><p>ಸಂದರ್ಶನದಲ್ಲಿ ಭಾಗವಹಿಸಿದ್ದ ದೀಪಿಕಾ ಪಡುಕೋಣೆ, 'ನಾನೇ ಮೊದಲ ಗ್ರಾಹಕಿ' ಎಂದು ನಕ್ಕಿದ್ದರು.</p><p>ಇದೀ ಆ ವಿಡಿಯೊವನ್ನು ತಮ್ಮ ಸ್ಟೋರಿಯಲ್ಲಿ ಹಾಕಿಕೊಂಡಿರುವ ಕಂಗನಾ, ದೀಪಿಕಾ ಪಡುಕೋಣೆಯವರನ್ನು ಉಲ್ಲೇಖಿಸಿ 'ನೀವೇ ಮೊದಲ ಗ್ರಾಹಕಿಯಾಗಬೇಕು' ಎಂದು ಪ್ರೀತಿಯಿಂದ ಆಹ್ವಾನಿಸಿದ್ದಾರೆ.</p><p>ರನೌತ್ ನಟನೆಯ ಬಹುನಿರೀಕ್ಷಿತ 'ಎಮರ್ಜೆನ್ಸಿ' ಸಿನಿಮಾ ಜನವರಿ 17ರಂದು ತೆರೆ ಕಂಡಿತ್ತು. ಇದು ಮಾಜಿ ಪ್ರಧಾನಿ ದಿವಂಗತ ಇಂದಿರಾ ಗಾಂಧಿ ಅವರ ಜೀವನಾಧಾರಿತ ಸಿನಿಮಾ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
