ಹಾಕಿಯಲ್ಲಿ ಭಾರತಕ್ಕೆ ಕಂಚು: ಇದು ನಿಜವಾದ ಚಕ್‌ದೇ ಎಂದ ಬಾಲಿವುಡ್‌ ತಾರೆಯರು
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ (ಪಿಟಿಐ): ಟೋಕಿಯೋ ಒಲಿಂಪಿಕ್‌ನ ಹಾಕಿ ಪಂದ್ಯದಲ್ಲಿ ಪುರುಷರ ವಿಭಾಗದ ಭಾರತ ತಂಡ ಕಂಚು ಗೆದ್ದಿದ್ದಕ್ಕಾಗಿ ಬಾಲಿವುಡ್‌ ತಾರೆಯರು ಸಂಭ್ರಮಿಸಿದ್ದಾರೆ. ಇದು ನಿಜವಾದ ಚಕ್‌ದೇ...ಎಂದು ಉದ್ಗರಿಸಿದ್ದಾರೆ. ಹಲವರು ಸಾಮಾಜಿಕ ಜಾಲತಾಣಗಳಲ್ಲಿ ಭಾರತೀಯ ಕ್ರೀಡಾಪಟುಗಳಿಗೆ ಅಭಿನಂದನೆಗಳ ಮಳೆಗರೆದಿದ್ದಾರೆ.
ಶಾರುಖ್‌ ಖಾನ್‌, ಅಕ್ಷಯ್‌ ಕುಮಾರ್‌, ತಾಪ್ಸಿ ಪನ್ನು ಸಹಿತ ಹಲವರು ಈ ವಿಜಯವನ್ನು ಸಂಭ್ರಮಿಸಿದ್ದಾರೆ. 41 ವರ್ಷಗಳ ಬಳಿಕ ಭಾರತದ ಹಾಕಿ ತಂಡ ಒಲಿಂಪಿಕ್‌ನಲ್ಲಿ ಪದಕ ಗಳಿಸಿದೆ. ಜರ್ಮನಿ ತಂಡವನ್ನು 5–4 ಗೋಲುಗಳಿಂದ ಮಣಿಸಿತ್ತು.
ತಂಡದ ಗೆಲುವಿನ ಬಗ್ಗೆ ಸುದ್ದಿ ವರದಿಯನ್ನು ಹಂಚಿಕೊಂಡ ತಾಪ್ಸಿ ಪನ್ನು, ‘ಮತ್ತು ಇದು ಕಂಚು !!!!!!!’ ಎಂದು ಉದ್ಗರಿಸಿದ್ದಾರೆ.
‘ಇತಿಹಾಸವನ್ನು ಪುನಃ ಬರೆಯುತ್ತಿರುವ ಟೀಮ್ ಇಂಡಿಯಾಕ್ಕೆ ಅಭಿನಂದನೆಗಳು! 41 ವರ್ಷಗಳ ನಂತರ ಒಲಿಂಪಿಕ್ ಪದಕ! ಯಾವ ಪಂದ್ಯ, ಎಂತಹ ಪುನರಾಗಮನ! #ಟೋಕಿಯೋ 2020’ ಎಂದು ಬಾಲಿವುಡ್‌ ನಟರು ಟ್ವೀಟ್ ಮಾಡಿದ್ದಾರೆ.
Tokyo Olympics: ಹಾಕಿಯಲ್ಲಿ ಮರುಕಳಿಸಿದ ಗತಕಾಲದ ವೈಭವ; ಇತಿಹಾಸದತ್ತ ಹದ್ದು ನೋಟ
ನಟ ಅನಿಲ್ ಕಪೂರ್ ಕೂಡ ತಂಡದ ಐತಿಹಾಸಿಕ ಗೆಲುವನ್ನು ಶ್ಲಾಘಿಸಿದ್ದಾರೆ.
ನಟ ರಾಹುಲ್ ಬೋಸ್ ಇನ್‌ಸ್ಟಾಗ್ರಾಮ್‌ನಲ್ಲಿ ಭಾರತದ ಗೆಲುವಿನ ಪಂದ್ಯದ ವೀಡಿಯೋವನ್ನು ಹಂಚಿಕೊಂಡರು.
‘ಭಾರತ, ನೀನು ಸುಂದರಿ’ ಎಂದು ಅವರು ಉದ್ಗರಿಸಿದ್ದಾರೆ.
‘ಈ ಕ್ಷಣ ಇತಿಹಾಸದಲ್ಲಿ ಉಳಿಯುತ್ತದೆ’ ಎಂದು ನಟಿ ತಮನ್ನಾ ಭಾಟಿಯಾ ಹೇಳಿದ್ದಾರೆ.
ಚಲನಚಿತ್ರ ನಿರ್ಮಾಪಕ ಮಧುರ್ ಭಂಡಾರ್ಕರ್ ಅವರು ‘ಒಲಿಂಪಿಕ್ಸ್ 2020 ರಲ್ಲಿ ಕಂಚಿನ ಪದಕ ಕ್ರೀಡಾ ಪದಕಕ್ಕಾಗಿ ಭಾರತೀಯ ಪುರುಷರ ಹಾಕಿ ತಂಡಕ್ಕೆ ಅಭಿನಂದನೆಗಳು’ ಎಂದು ಬರೆದಿದ್ದಾರೆ.
ನಟ ಅಮಿರಾ ದಸ್ತೂರ್ ಟ್ವೀಟ್ ಮಾಡಿದ್ದಾರೆ, ‘ಇದು ತುಂಬಾ ಮುದ್ದಾಗಿದೆ! ಸುಮಾರು ಅರ್ಧ ದಶಕದ ನಂತರ ಹಾಕಿಯಲ್ಲಿ ಕಂಚು ಗೆದ್ದ ಟೀಂ ಇಂಡಿಯಾಕ್ಕೆ ದೊಡ್ಡ ಅಭಿನಂದನೆಗಳು. ಆಟಗಾರರೇ ಮುಂದುವರಿಯಿರಿ’ ಎಂದು ಬರೆದಿದ್ದಾರೆ.
#ಟೀಮ್ ಇಂಡಿಯಾ #ಟೋಕಿಯೋ 2020, #ನ್ಯಾಷನಲ್ ಪ್ರೈಡ್ #ಒಲಿಂಪಿಕ್ಸ್ #ಚೀರ್ 4 ಇಂಡಿಯಾ #ಹಾಕಿ... ಇವು ಟ್ವಿಟರ್‌ನಲ್ಲಿ ಟ್ರೆಂಡ್‌ ಆಗಿವೆ.
Tokyo Olympics: ಕುಸ್ತಿಯಲ್ಲಿ ಎಡವಿದ ವಿನೇಶಾ ಪೋಗಟ್, ಅನ್ಶು ಹೋರಾಟ ಅಂತ್ಯ
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
