ನೃತ್ಯ ಸಂಯೋಜಕಿ ಸರೋಜ್ ಖಾನ್ ನಿಧನಕ್ಕೆ ಕಂಬನಿ ಮಿಡಿದ ಬಾಲಿವುಡ್
ಖ್ಯಾತ ನೃತ್ಯ ಸಂಯೋಜಕಿಸರೋಜ್ ಖಾನ್ ನಿಧನಕ್ಕೆ ಬಾಲಿವುಡ್ ನಟ–ನಟಿಯರು ಕಂಬನಿ ಮಿಡಿದಿದ್ದಾರೆ. ಬಾಲಿವುಡ್ ಸಿನಿಮಾ ರಂಗದಲ್ಲಿ ಪ್ರೀತಿಯಿಂದ ‘ಮಾಸ್ಟರ್‌ಜೀ‘ ಎಂದೇ ಕರೆಯುತ್ತಿದ್ದ ಸರೋಜ್ ಅವರ ಜತೆಗಿನ ಒಡನಾಟಗಳನ್ನು ನೆನಪಿಸಿಕೊಳ್ಳುತ್ತಾ, ಸಾಮಾಜಿಕ ಜಾಲತಾಣಗಳಲ್ಲಿ ಸಂತಾಪ ಸೂಚಿಸಿದ್ದಾರೆ.
‘ನನ್ನ ನೃತ್ಯ ಗುರು, ಒಳ್ಳೆಯ ಸ್ನೇಹಿತೆ ಸರೋಜ್ ಖಾನ್ ಅವರನ್ನು ಕಳೆದುಕೊಂಡಿರುವುದು ತೀವ್ರ ದುಃಖ ತಂದಿದೆ. ನಾನು ಇಂದು ಇಷ್ಟು ಎತ್ತರಕ್ಕೆ ಬೆಳೆಯಲು ನೆರವಾದ ಅವರಿಗೆ ನಾನೆಂದು ಚಿರರುಣಿಯಾಗಿರುತ್ತೇನೆ. ಅವರೊಬ್ಬ ಅತ್ಯದ್ಭುತ ಪ್ರತಿಭಾವಂತ ವ್ಯಕ್ತಿ. ನಾನು ಅವರನ್ನು ತುಂಬಾ ಮಿಸ್‌ ಮಾಡಿಕೊಳ್ಳುತ್ತಿದ್ದೇನೆ. ಅವರ ಅಗಲಿಕೆಯಿಂದ ನೊಂದಿರುವ ಕುಟುಂಬಕ್ಕೆ ತೀವ್ರ ಸಂತಾಪಗಳು' ಎಂದು ಬಾಲಿವುಡ್ ನಟಿಮಾಧುರಿ ದೀಕ್ಷಿತ್ ಟ್ವೀಟ್ ಮಾಡಿದ್ದಾರೆ.
I'm devastated by the loss of my friend and guru, Saroj Khan. Will always be grateful for her work in helping me reach my full potential in dance. The world has lost an amazingly talented person. I will miss you💔 My sincere condolences to the family. #RIPSarojji
— Madhuri Dixit Nene (@MadhuriDixit) July 3, 2020
ನಟಿಕಾಜಲ್ ಅಗರ್‌ವಾಲ್‌ ಟ್ವೀಟ್ ಮಾಡಿ,‘ಪ್ರತಿಯೊಬ್ಬ ಸಿನಿ ಕಲಾವಿದನಿಗೆ ಒಂದೇ ಕನಸು; ನಿಮ್ಮ ಮಾರ್ಗದರ್ಶನದಲ್ಲಿ ನೃತ್ಯಮಾಡಬೇಕೆಂಬುದು. ನಾನು ಅದನ್ನು ಮಿಸ್‌ ಮಾಡಿಕೊಂಡೆ ಮೇಡಂ' ಎಂದಿದ್ದಾರೆ.
Every actors dream is to dance under your tutelage. RIP #SarojKhan ma’am you will be thoroughly missed. pic.twitter.com/iKFyHnXtK5
— Kajal Aggarwal (@MsKajalAggarwal) July 3, 2020
***
ಬೆಳಿಗ್ಗೆ ಬೆಳಿಗ್ಗೆಯೇ ‘ಖ್ಯಾತ ಕೊರಿಯೊಗ್ರಾಫರ್ ಸರೋಜ್‌ಖಾನ್ ಇನ್ನಿಲ್ಲ‘ ಎಂಬ ದುಃಖದ ಸುದ್ದಿ ಕೇಳಿದೆ. ಸರೋಜ್ ಅವರು ‘ಯಾರು ಬೇಕಾದರೂ ನೃತ್ಯ ಮಾಡಬಹುದು‘ ಎನ್ನುವಂತೆ ನೃತ್ಯ ಕಲಿಸುತ್ತಿದ್ದರು. ಅವರಿಂದ ಸಿನಿಮಾ ಇಂಡಸ್ಟ್ರಿಗೆ ತುಂಬಲಾರದ ನಷ್ಟ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ.
– ಅಕ್ಷಯ್‌ ಕುಮಾರ್, ಬಾಲಿವುಡ್ ನಟ.
Woke up to the sad news that legendary choreographer #SarojKhan ji is no more. She made dance look easy almost like anybody can dance, a huge loss for the industry. May her soul rest in peace 🙏🏻
— Akshay Kumar (@akshaykumar) July 3, 2020
***
ನನ್ನಂತಹ ಅನೇಕರಿಗೆ ಸ್ಪೂರ್ತಿದಾಯಕವಾಗಿದ್ದವರು ನೀವು ಸರೋಜ್‌ಜಿ. ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ.
– ಫರ‍್ಹಾ ಖಾನ್, ನಟಿ ನಿರ್ದೇಶಕಿ, ನಿರ್ಮಾಪಕಿ, ಸಿನಿಮೆಟೊಗ್ರಾಫರ್
Rest in peace Sarojji.. u were an inspiration to many, myself included. Thank you for the songs🙏🏻 #SarojKhan
— Farah Khan (@TheFarahKhan) July 3, 2020
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.