ಸೋಮವಾರ, ಜುಲೈ 4, 2022
21 °C

ಸೈರಾ ವರ್ಸಸ್‌ ವಾರ್!

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಈಗ ಪ್ಯಾನ್‌ ಇಂಡಿಯಾ ಸಿನಿಮಾಗಳದ್ದೇ ಅಬ್ಬರ. ನಟ ಚಿರಂಜೀವಿ ನಟನೆಯ ‘ಸೈರಾ ನರಸಿಂಹ ರೆಡ್ಡಿ’ಯೂ ಇದೇ ಮಾದರಿಯ ಚಿತ್ರ. ಮೇಕಿಂಗ್‌ನಿಂದಲೇ ಈ ಚಿತ್ರ ದೊಡ್ಡ ಸದ್ದು ಮಾಡುತ್ತಿದೆ. ಅಕ್ಟೋಬರ್‌ 2ರಂದು ತೆರೆಕಾಣುತ್ತಿದ್ದು, ಅಂದೇ ಹೃತಿಕ್‌ ರೋಷನ್‌ ನಟನೆಯ ‘ವಾರ್‌’ ಕೂಡ ಬಿಡುಗಡೆಯಾಗುತ್ತಿದೆ.

‘ಸೈರಾ’ ತೆಲುಗು ಸೇರಿದಂತೆ ಕನ್ನಡ, ಹಿಂದಿ, ತಮಿಳು ಮತ್ತು ಮಲಯಾಳದಲ್ಲಿ ತೆರೆಕಾಣುತ್ತಿದೆ. ‘ವಾರ್’ ಚಿತ್ರ ಹಿಂದಿಯಷ್ಟೇ ಅಲ್ಲದೆ ತೆಲುಗು ಮತ್ತು ತಮಿಳಿನಲ್ಲಿ ಬಿಡುಗಡೆಯಾಗುತ್ತಿದೆ. ಈ ಎರಡೂ ಬಿಗ್‌ ಬಜೆಟ್‌ನ ಸಿನಿಮಾಗಳು ನಿರೀಕ್ಷೆ ಹೆಚ್ಚಿಸಿವೆ.

‘ಸೈರಾ ನರಸಿಂಹರೆಡ್ಡಿ’ ಚಿರಂಜೀವಿ ಅಭಿನಯದ 151ನೇ ಸಿನಿಮಾ. ಬ್ರಿಟಿಷರ ವಿರುದ್ಧ ಹೋರಾಡಿದ ಸ್ವಾತಂತ್ರ್ಯ ಸೇನಾನಿ ನರಸಿಂಹರೆಡ್ಡಿ ಅವರ ಜೀವನಗಾಥೆಯ ಚಿತ್ರ ಇದು. ಆ ಪಾತ್ರಕ್ಕೆ ಚಿರಂಜೀವಿ ಜೀವ ತುಂಬಿದ್ದಾರೆ.

ಸೈರಾ ಗುರು ಗೋಸಾಯಿ ವೆಂಕಣ್ಣ ಪಾತ್ರಕ್ಕೆ ಅಮಿತಾಭ್ ಬಚ್ಚನ್‌ ಬಣ್ಣ ಹಚ್ಚಿದ್ದಾರೆ. ಅವುಕು ಪ್ರಾಂತ್ಯದ ರಾಜನಾಗಿ ಸುದೀಪ್ ಕಾಣಿಸಿಕೊಂಡಿದ್ದಾರೆ. ನಯನತಾರಾ, ತಮನ್ನಾ ಭಾಟಿಯಾ, ಸೇತುಪತಿ ಕೂಡ ನಟಿಸಿದ್ದಾರೆ. ಈ ಚಿತ್ರಕ್ಕೆ ಸುರೇಂದರ್ ರೆಡ್ಡಿ ಆ್ಯಕ್ಷನ್ ಕಟ್‌ ಹೇಳಿದ್ದು, ಚಿರಂಜೀವಿ ಪುತ್ರ ರಾಮ್‌ಚರಣ್‌ ಬಂಡವಾಳ ಹೂಡಿದ್ದಾರೆ. 

‘ವಾರ್‌’ ಅಬ್ಬರ

ಹೃತಿಕ್‌ ರೋಷನ್‌, ವಾಣಿ ಕಪೂರ್‌, ಟೈಗರ್‌ ಶ್ರಾಫ್ ನಟಿಸಿರುವ ಹಿಂದಿಯ ‘ವಾರ್‌’ ಚಿತ್ರದ ಮೇಲೂ ಪ್ರೇಕ್ಷಕರ ನಿರೀಕ್ಷೆ ದುಪ್ಪಟ್ಟಾಗಿದೆ.

ಆದಿತ್ಯ ಚೋಪ್ರ ಈ ಚಿತ್ರ ನಿರ್ಮಿಸಿದ್ದು, ಸಿದ್ಧಾರ್ಥ್ ಆನಂದ್‌ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಈ ಚಿತ್ರದ ಟ್ರೈಲರ್‌ ವೀಕ್ಷಿಸಿದವರ ಸಂಖ್ಯೆ 3 ಕೋಟಿ ದಾಟಿದೆ.  

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು